Esai 22:25 - Maktub gə́ To gə Kəmee

²⁵ Njesigənea̰ gə́ njeboo-néje lé pana: Mee ndəa’g neelé kag-ŋgaolar gə́ ɓəree loo gə́ kədərə’g lé d’a kɔr ləm, d’a kunda təd karee oso naŋg ləma, nékodo gə́ wɔiee lé a tuji ləm tɔ mbata Njesigənea̰ ɓa pa bèe.

Esai 22:25 ပူးပေါင်းရင်းမြစ်များ

Pakɔsje 146:3

Maji kar sí ɔmje meḛ sí dɔ dəwje gə́ boo’g el ləm, Gə dɔ dəwje gə́ d’askəm kaji sí’g el lé ləm tɔ.

Pakɔsje 52:5

I lé unda néra gə́ majel dan kəmi’g unda néra gə́ maji ləm, Taŋgɔm ɓa wa məəi’g unda ta gə́ danasur lé ləm tɔ.

Esai 22:23

N’a ɓəree naŋg to gə́ kag-ŋgaolar Gə́ ɓəree loo gə́ kədərə’g bèe Ndá yeḛ a to gə́ loo-ronduba Mbata lə njémeekəije lə bɔbeeje.

Esai 22:24

Rɔnduba lai gə́ wɔji dɔ njémeekəije lə bɔbeeje lé yeḛ ɓa a to njegədee, barkəm deeje gə́ maji gə deḛ gə́ maji sur el ləm, gə ŋgan nékulaje lai ləma, gə baije gə joje ləm tɔ.

Esai 46:11

To ma ɓa m’ɓar yel gə́ njesɔ mareeje M’aree ḭ bər ree ləm, Ma m’ɓar dəw gə́ njekar néje gə́ m’wɔji-kwɔji ra lé d’aw lée’g béréré lé M’aree ḭ dɔ naŋg gə́ əw’g ree ləm tɔ. Ma m’pa taree ndá M’a karee aw lée’g béréré ya ləm, Ma m’wɔji njaŋg ndá M’a ra née ya ləm tɔ.

Esai 48:15

To ma ɓa m’pata ndá M’ɓaree ne m’aree ree ləm, M’ar kula ləa teḛkɔr ya ləm tɔ.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Ejekel 5:17

N’a kula gə ɓoo-boo gə daje gə́ majel dɔ sí’g kar dee tuji ŋgan síje kya̰ sí kari ba, yoo-koso gə kɔm məs d’a dəs mbuna sí’g, n’a kila rɔ dɔ sí’g tɔ. To neḛ Njesigənea̰ ɓa m’pata nee ya.

Misee 4:4

Deḛ kára-kára lai lé nana kara a si gel kag-nduú’g ləa gə gel kag-kodé’g ləa-ləa ləm, Dəw kára kara gə́ a kɔm ɓəl dɔ dee’g a godo ləm tɔ, Mbata Njesigənea̰ gə́ njeboo-néje ɓa pa bèe.