Esai 22:23 - Maktub gə́ To gə Kəmee

²³ N’a ɓəree naŋg to gə́ kag-ŋgaolar Gə́ ɓəree loo gə́ kədərə’g bèe Ndá yeḛ a to gə́ loo-ronduba Mbata lə njémeekəije lə bɔbeeje.

Esai 22:23 ပူးပေါင်းရင်းမြစ်များ

Esdras 9:8

Nɛ lé bèe kara Ala lə sí gə́ Njesigənea̰ wa sə sí noji gə kuree waga, ya̰ njé gə́ na̰je mbuna sí’g ar dee teḛ keneŋ d’aḭ ləm, ar sí j’iŋga njo̰loo mee loo’g ləa gə́ to gə kəmee ləm tɔ, gə mba kar kəm sí inja ne ləm, mba kar sí j’isi ne kəmba waga dan loo ra kula ɓər’g lə sí ləm tɔ.

Este 10:3

Mbata Mardose gə́ to Jip lé ɓa to gə́ dɔtar, goo mbai Asuerus’g lé. D’ula rɔnduba dəa’g mbuna Jibje’g ləm, ŋgakea̰je gə́ bula digi-digi lé kara d’undá dan kəm dee’g ləm tɔ ndá yeḛ saŋg maji lə koso-dəwje ləa ləm, yeḛ pata meelɔm mbata lə ginkojije ləa lai ləm tɔ.

Este 4:14

Mbata ɓó lé i si dɔ mundu lal pata ɓasinè ndá né gə́ a la gə Jibje əsé né gə́ a kɔr dee kɔm dee tar a kḭ loo gə́ raŋg’d ya nɛ i seḭ gə njémeekəije lə bɔbije lé seḭ a kuduje guduru. See na̰ gər wa. Né gə́ a gə teḛ togə́bè lé banelə yee ɓa to gin ree gə́ i ree si ne loo ko̰ɓee’g ɓasinè gə mbəa.

Maktub gə́ wɔji dɔ Jɔb 36:7

Yeḛ un kəmee rəw dɔ njémeekarabasurje’g el. Yeḛ unda dee na̰’d gə mbaije dɔ kalimbaije’g ləm Yeḛ ar dee d’isi keneŋ saar gə́ no̰ mba kar dee d’iŋga ne rɔnduba ləm tɔ.

Njekillamber 12:11

Taje lə njékəmkàrje lé to d’asəna gə nékad gə́ d’ɔs ne kudu nékulje. Loo gə́ mbo̰ dee dɔ na̰’d mee maktub’g ndá deḛ to d’asəna gə ŋgawlarje gə́ ɓər naŋg gə́ d’ḭ rɔ njekul dəwje gə́ kára ba kiao’g lé.

Esai 22:24

Rɔnduba lai gə́ wɔji dɔ njémeekəije lə bɔbeeje lé yeḛ ɓa a to njegədee, barkəm deeje gə́ maji gə deḛ gə́ maji sur el ləm, gə ŋgan nékulaje lai ləma, gə baije gə joje ləm tɔ.

Esai 22:25

Njesigənea̰ gə́ njeboo-néje lé pana: Mee ndəa’g neelé kag-ŋgaolar gə́ ɓəree loo gə́ kədərə’g lé d’a kɔr ləm, d’a kunda təd karee oso naŋg ləma, nékodo gə́ wɔiee lé a tuji ləm tɔ mbata Njesigənea̰ ɓa pa bèe.

Jakari 10:4

Mbal kunda dɔkum kəi a kḭ rəa’g ləm, Ŋgawlar ɓər né kara a kḭ rəa’g ləma, Ɓandaŋ rɔ kara a kḭ rəa’g ləm tɔ. Mbaije lai kara d’a kḭ rəa’g na̰’d tɔ.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.