Esai 22:15 - Maktub gə́ To gə Kəmee

¹⁵ Mbaidɔmbaije gə́ Njesigənea̰ gə́ njeboo-néje pa togə́bè pana: M’aw rɔ Sebna’g, yeḛ gə́ to njeŋgəm néje gə njekaa dɔ kəi-mbai lé m’dəjee pana:

Esai 22:15 ပူးပေါင်းရင်းမြစ်များ

1 Mbaije 4:6

Ahisar to njekaa dɔ njémeekəije lə mbai, ndá Adoniram, ŋgolə Abda to njekaa dɔ njérakula gə́ kari baje.

2 Mbaije 10:5

Yen ŋga mbai dɔ njémeekəije ləm, yeḛ gə́ njekaa dɔ ɓee-boo ləm, gə ŋgatɔgje ləma, gə njékaa dɔ ŋganje ləm tɔ, d’ula kula rɔ Jehu’g pana: Jeḛ n’to kuraje ləi ləm, néje lai gə́ i a kula sí lé j’a ra ya ləm tɔ, nɛ jeḛ j’a kundaje dəw kára kara gə́ mbai el. Ndá maji kari ra né gə́ məəi-i ya ndigi.

2 Mbaije 18:18

Deḛ ɓar mbai ndá Eliakim, ŋgolə Hilkija, mbai dɔ njémeekəije lə mbai ləm, gə Sebna, njendaji-maktub ləma, gə Joa, ŋgolə Asap gə́ to njeŋgəm maktubje ləm tɔ ɓa d’aw rɔ dee’g.

2 Mbaije 18:26

Eliakim, ŋgolə Hilkija, gə Sebna, gə Joa, d’ula Rabsake pana: Maji kari ula kuraje ləi ta gə ta lə Aramje ɓa mbata jeḛ n’gərje ya ɓó ula sí ta gə takɔji Judaje mba karee oso mbi koso-dəwje gə́ d’aar dɔ ndògo-bɔrɔ’g lé el.

2 Mbaije 18:37

Yen ɓa Eliakim, ŋgolə Hilkija gə́ to mbai dɔ njémeekəije lə mbai ləm, gə Sebna, njendaji-maktub ləma, gə Joa, ŋgolə Asap gə́ to njeŋgəm maktub ləm tɔ lé tel ree rɔ Ejekias’g gə kubuje lə dee gə́ til hao̰-hao̰ ndá deḛ ndaji taje gə́ Rabsake pa lé d’aree oo tɔ.

2 Mbaije 19:2

Yeḛ ula Eliakim, mbai dɔ njémeekəije lə mbai ləm, gə Sebna, njendaji-maktub ləma, gə njékinjanéməsje gə́ tɔg d’unda mar deeje ləm tɔ ar dee d’ula kubu-kwa-ndòo ndá d’aw ne rɔ Esai, njetegginta gə́ to ŋgolə Amots lé ɓəi.

1 Sôrta Gḭka-Israɛlje 27:25

Ajmabet, ŋgolə Adiel to njekaa dɔ nébaoje lə mbai. Jonatan, ŋgolə Ojias to njekaa dɔ nésɔje gə́ mee ndɔje’g ləm, gə mee ɓee-booje’g ləm, gə mee ŋgan-ɓeeje’g ləma, gə loo-si njéŋgəmlooje’g ləm tɔ.

Esai 36:11

Eliakim, gə Sebna, gə Joa d’ula Rabsake pana: Maji kari ula kuraje ləi ta gə ta lə Aramje ɓa mbata jeḛ n’gər ya ɓó ula sí ta gə takɔji Judaje mba karee oso mbi koso-dəwje gə́ d’aar dɔ ndògo-bɔrɔ’g lé el.

Esai 36:22

Bèe ɓa Eliakim, ŋgolə Hilkija, yeḛ gə́ to njekaa dɔ kəi lə mbai ləm, gə Sebna, njendaji-maktub ləma, gə Joa, ŋgolə Asap gə́ njeŋgəm maktub ko̰ɓee ləm tɔ lé tel ree rɔ Ejekias’g gə kubuje lə dee gə́ til hao̰-hao̰ tɔɓəi deḛ ndaji taje gə́ Rabsake pa lé d’aree oo tɔ.

Esai 36:3

Bèe ɓa Eliakim, ŋgolə Hilkija gə́ to njekaa dɔ kəi lə mbai ləm, gə Sebna, njendaji-maktub ləm, gə Joa, ŋgolə Asap, njeŋgəm maktub ko̰ɓee ləm tɔ d’ḭ d’aw rəa’g.

Esai 37:2

Yeḛ ula Eliakim, njekaa dɔ kəi lə mbai ləm, gə Sebna, njendaji-maktub ləma, gə njékinjanéməsje gə́ tɔg d’unda mar deeje ləm tɔ ar dee d’ula kubu-kwa-ndòo ɓa rɔ dee’g d’aw ne rɔ Esai, njetegginta gə́ to ŋgolə Amots lé.

Néra Njékaḭkulaje 8:27

Pilibə ɔd aw ndá aa oo dəw gə́ Etiopi gə́ to njekuji yeḛ to njeko̰ɓee lə Ka̰dasə, mbai gə́ dené gə́ to mbai dɔ Etiopi ləm, yeḛ to njekaa dɔ nébaoje ləa lai ləm tɔ. Yeḛ neelé aw Jerusalem gə mba kwa Ala mée’g