Esai 22:14 - Maktub gə́ To gə Kəmee

¹⁴ Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 22:14 ပူးပေါင်းရင်းမြစ်များ

2 Samel 6:23

Ndá Mikal, ŋgolə Sawul gə́ dené lé oji ne ŋgon el ya saar wəi ne tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 30:13

Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Esai 31:2

Lé bèe kara yeḛ lé to njekəmkàr: Yeḛ askəm kar némeeko̰ teḛ ya ləm, Yeḛ ya̰ goo tapeaje el ləm tɔ, Yeḛ ḭ gə gel-bɔje lə njémeeyèrje ləm, Njéra né kori-korije gə́ la sə dee kara Yeḛ ɔs dee rəw ləm tɔ.

Esai 5:9

Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Esai 65:20

Ɓee neelé ŋgonkas gə́ a si kəmba gə kuree lam ba Esé ɓuga gə́ ndɔ ləa a kaw lée’g béréré el lé A godo keneŋ Mbata yeḛ gə́ ra ləb tɔl (100) ɓa wəi ɓəi lé A to basa ba ləm, Njekaiya gə́ ra ləb tɔl (100) lé D’a kée gə́ dəw gə́ ndɔl wa dəa ləm tɔ.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Amɔs 8:7

Njesigənea̰ man rəa gə goo rɔnduba lə Jakob pana: Tɔgərɔ ya, n’a kar mee neḛ wəi dɔ néra deeje gə́ kára kara el.

1 Samel 3:14

Gelee gə́ nee ɓa ma man ne rɔm m’ar njémeekəije lə Eli to gə́ nékinjanéməsje əsé nékarje kara d’a kɔr ta néra gə́ kərm-kərm lə njémeekəije lə Eli lé dɔ dee’g pai godo.

1 Samel 9:15

As ndɔ kára kédé ɓa kar Sawul ree ɓəi lé Njesigənea̰ ula Samel pana: