Esai 22:12 - Maktub gə́ To gə Kəmee

¹² Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 22:12 ပူးပေါင်းရင်းမြစ်များ

2 Sôrta Gḭka Israɛlje 35:25

Jeremi ndaŋg pa no̰ ndòo gə́ wɔji dɔ Jojias ndá bao-paje gə́ diŋgam gə njé gə́ dené lai pata gə́ wɔji dɔ Jojias loo no̰ ndooje’g lə dee saar teḛ ne mee ndəa gən tɔ, yee ɓa d’aree tel to ne néjiɓee mee ɓee gə́ Israɛl ya. Paje neelé deḛ ndaŋg taree mee maktub pa no̰ ndooje’g.

Esdras 9:3

Loo gə́ ma m’oo ta neelé ndá ma m’til kubuje ləm gə yee gə́ boi yul gə́ dɔ maree’g ləm, ma m’ndisa yiŋga dɔm gə mbaitam ləm tɔ ndá m’isi naŋg gə kəmndoo.

Nehemi 9:9

I oo némeeko̰ lə bɔ síje-je gə́ d’isi Ejiptə ləm, I oo ndu no̰ lə dee ta baa-boo-kad gə́ ɓaree Baa-Kas ləm tɔ.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Njekillamber 3:11

Yeḛ ra néje lai ar dee maji mee ndɔje’d gə́ wɔji dɔ dee dɔ dee, yeḛ ar takə̰ji si kəmba gə no̰ kara to meḛ dee’g, nɛ lé bèe kara dəw lé askəm gər né gə́ Ala ra kédé gə́ dɔtar saar ndɔ gə́ rudu lé el.

Njekillamber 3:4

Ndɔ no̰ to keneŋ ləm, ndɔ kogo to keneŋ ləm tɔ, ndɔ ndiŋga-rɔ to keneŋ ləm, ndɔ ndam to keneŋ ləm tɔ.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 26:10

Njémeeyèrje lé ɓó lé dəw oo kəmtondoo lə dee ndá Deḛ ndoo rəw néra gə́ danasur el, Deḛ d’ya̰ rɔ dee yag dan néra gə́ majel’g Mee ɓee gə́ néra gə́ danasur to keneŋ tɔ ndá, Deḛ d’oo boo-ronduba lə Njesigənea̰ gə́ né el.

Esai 29:1

Meeko̰ a koso dɔ Ariel’g, dɔ Ariel’g, Ɓee-boo gə́ Dabid ra loo-siée keneŋ! Maji kar ləbee ɔs dɔ maree’g maree’g ləm, Maji kar ndɔ naḭje ləa d’aw lée’g béréré-béréré ləm tɔ.

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Esai 32:11

Seḭ denéje gə́ njérɔkwɔije lé Sije dan ɓəl’g! Seḭ denéje gə́ síje lɔm lal kḛji ta lé Undaje bala to! Tɔrje kubu rɔ sí’g síje rɔ sí kari ba Ndá tɔje kubu-kwa-ndòo ɓər sí’g.

Esai 37:1

Loo gə́ mbai Ejekias oo taje neelé ndá yeḛ til kubuje ləa rəa’g hao̰-hao̰ ya̰ ula kubu-kwa-ndòo ɓa aw ne mee kəi’g lə Njesigənea̰.

Esai 37:2

Yeḛ ula Eliakim, njekaa dɔ kəi lə mbai ləm, gə Sebna, njendaji-maktub ləma, gə njékinjanéməsje gə́ tɔg d’unda mar deeje ləm tɔ ar dee d’ula kubu-kwa-ndòo ɓa rɔ dee’g d’aw ne rɔ Esai, njetegginta gə́ to ŋgolə Amots lé.

Esai 58:3

Deḛ pana: Ɓó lé ma m’oo neḛje el ndá See mba ɗi ɓa n’a kɔgje meḛ neḛje ɓó wa. Gelee ban ɓa n’a kulaje kəm rɔ neḛje ndòo Ɓó lé ma m’oo gə́ né el wa. Yen ŋga m’ila dee keneŋ m’pana: Aa ooje, ndɔ gə́ seḭ ɔgje meḛ sí ɓó ndá Seḭ ndunaje rɔ sí dɔ takə̰jije’g lə sí-seḭ ya ləm, Seḭ raje kədərə gə njékulaje lə sí lai ləm tɔ.

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 16:8

Andə mee kəi-ra-naḭ’g kara gə mba si sə dee gə mba sɔ gə kai sə dee el tɔ.

Jeremi 4:8

Gelee gə́ nee ɓa maji kar sí ulaje kubu-kwa-ndòo rɔ sí’g No̰je ne ləm, gə tuma̰je ne ŋgururu-ŋgururu ləm tɔ, Mbata oŋg lə Njesigənea̰ gə́ to asəna gə pər bèe lé a lal sí el.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Ejekel 27:31

D’a ndisa dɔ dee ŋgori-ŋgori mbata ləi ləm, D’a kula kubu-kwa-ndòo rɔ dee’g ləma, Meḛ dee gə́ adə dee mbag-mbag lé Deḛ d’a nɔḭ ne gə meeko̰ yoo ləm tɔ.

Loo gə́ killa rea kəm Daniel’g 5:1

Mbai Belsasar ɓar dəwje ləa gə́ boo-boo d’as tɔl-dɔg (1.000) loo muru-gad’g ləa ndá yeḛ ai mán-nduú gə́ mḭ kəm dee’g.

Ojee 9:1

Seḭ Israɛlje lé, maji kar sí raje rɔlel əsé alje rɔ sí To gə́ ginkoji dəwje gə́ raŋg bèe el, Mbata kuba gə́ seḭ ubaje Njesigənea̰ lə sí yá̰je Asəna gə kaiya-dené bèe ləm, Mbata loo-kunda-koje lai-lai Gə́ seḭ ndigi taaje nékoga dɔ ji sí gə́ mina̰ keneŋ ləm tɔ!

Joɛl 1:13

Seḭ njékinjanéməsje, Ɔmje kubu-kwa-ndòo rɔ sí’g no̰je ne! Seḭ gə́ raje kula loo-nékinjaməs’g lé Maji kar sí tuma̰je ŋgururu-ŋgururu to! Gə́ reeje, seḭ kuraje lə Ala ləm, Ulaje kubu-kwa-ndòo rɔ sí’g Toje ne loondul’g saar arje loo àr ləm tɔ! Mbata nékarje gə́ to nduji ləm, Gə nékarje gə́ ka̰ tər naŋg ləm tɔ lé Godo mee kəi’g lə Ala lə sí.

Joɛl 1:8

Maji kar sí no̰je to gə́ ŋgoma̰də gə́ ula kubu-kwa-ndòo rəa’g No̰ ne mbata lə ŋgawkasee gə́ wəi kalaŋ ba!

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Junas 3:6

Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo.

Misee 1:16

Maji kar sí ndisaje dɔ sí ŋgori-ŋgori. Mbata lə ŋgan síje gə́ seḭ unda deeje dan kəm sí’g! Ndisaje dɔ sí ŋgori-ŋgori Areeje to asəna gə́ dɔ malje bèe Mbata d’isi d’aw sə dee gə́ ɓee-ɓər’d gə́ əw.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.