Esai 21:8 - Maktub gə́ To gə Kəmee

⁸ Tɔɓəi yeḛ ra né wəl to gə́ toboḭ bèe pana: Neḛ n’aar dɔ kəi-kaar-kɔgərɔ’d Gə́ duu dɔ loo dan kàrá ləm, N’aar loo-ŋgəm-loo’g Loondul’g ləm tɔ.

Esai 21:8 ပူးပေါင်းရင်းမြစ်များ

2 Sôrta Gḭka Israɛlje 20:24

Loo gə́ Judaje teḛ dɔ loo gə́ tar ar dəw gə́ aar keneŋ askəm koo dɔdilaloo lé ndá deḛ d’aa loo par gə́ dəb loo gə́ njérɔje gə́ bula digi-digi d’aar keneŋ lé ndá aa ooje, nin dee ɓa to naŋg rib-rib ar dəw kára kara teḛ ta yoo’g el tɔ.

Pakɔsje 127:1

Pakɔs kḭ kaw tuga ne loo ɗao-ɗao gə́ tar. Ka̰ Salomo̰. Ɓó lé Njesigənea̰ ra kəi el ndá Deḛ gə́ njéra kula kunda kəije ra gə mḭdé ba ya, Ɓó lé Njesigənea̰ aḭ bada dɔ ɓee’g el kara Njera kəmee rakaa lé ra pi ya tɔ.

Pakɔsje 63:6

I nja a taa məəm pəl-pəl kar rɔm lelm ne yaa̰ Asəna gə́ nésɔ gə́ lel tam’g jula-jula. Ndu rɔlel a ɓar tam’g njiriri-njiriri Kam m’pidii ne gə tam ya.

Esai 5:29

Ndu no̰ lə dee to asəna gə ndu no̰ lə ko̰ toboḭ bèe ləm, Deḛ no̰ to gə́ ŋgan toboḭje ləma, D’inja miḭ d’wa né ndá ndɔree d’aw ne D’ar dəw kára kara taa ji dee’g el ləm tɔ.

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 25:38

Yeḛ uba loo-siée ya̰ To gə́ ŋgon toboḭ gə́ uba loo-tée ya̰ bèe. Mbata ɓee lə dee tel dɔ dɔdilaloo Gə goo meekḭ jugugu Gə oŋg-boo lə njetujiloo lé.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.