Esai 21:4 - Maktub gə́ To gə Kəmee

⁴ Ŋgaw məəm unda bala ləm, Ɓəl-boo taam loo ləm tɔ, Loondul gə́ to gə́ nérɔlel ləm lé Tel ɔm ɓəl ɓa dɔm’g.

Esai 21:4 ပူးပေါင်းရင်းမြစ်များ

1 Mbaije 1:49

Deḛ lai gə́ Adonija ɓar dee ɓar nésɔ lé ɓəl unda dee badə gaŋg dee. Deḛ d’uba naŋg d’ḭ d’ar nana kara un rəw ləa-ləa.

Este 5:12

Tɔɓəi yeḛ ila ta kára keneŋ pana: Ma nja kára ba ɓa Este, dené lə mbai ɓarm gə mbai na̰’d loo muru-gad gə́ yeḛ gɔl lé tɔɓəi yeḛ ɓarm gə mba kam m’aw kəi ləa bèlè gə mbai na̰’d ya ɓəi tɔ.

Pakɔsje 55:5

Kaarm ɓar ɗigi-ɗigi ləm, Ɓəl-booje lə yoo kara d’ubam ne naŋg bus ya ləm tɔ.

Pakɔsje 55:6

M’ɓəl məəm’g m’ndəb ne pəd-pəd ləm, M’dḭgà sə-sə ləm tɔ.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 51:39

Loo gə́ meḛ dee nuŋga kəd-kəd ndá M’a kar dee d’ai né ndá M’a karee ra dee kar dee D’ya̰ rɔ dee yag dan rɔlel’g ləm, Kar dee d’oso gə ɓi gə́ to gə no̰ ɓó D’a ndel dɔ ɓi’g lé gogo el ŋga ləm tɔ. Njesigənea̰ ɓa pa bèe.

Jeremi 51:57

M’a kar nékai ra njékaa dɔ ɓeeko̰je ləa ləm, gə njékəmkàrje ləa ləm, gə njéguburuɓeeje ləa ləm, gə mbaije ləa ləma, gə bao-rɔje ləa ləm tɔ. D’a koso gə ɓi gə́ to gə no̰ pərəg ɓó d’a ndel dɔ ɓi’g neelé el ŋga. Mbai gə́ ria lə Njesigənea̰ gə́ njeboo-néje lé ɓa pa bèe.

Loo gə́ killa rea kəm Daniel’g 5:1

Mbai Belsasar ɓar dəwje ləa gə́ boo-boo d’as tɔl-dɔg (1.000) loo muru-gad’g ləa ndá yeḛ ai mán-nduú gə́ mḭ kəm dee’g.

Loo gə́ killa rea kəm Daniel’g 5:30

Mee til’g neelé nja deḛ tɔl Belsasar, mbai lə Kaldeje lé tɔ.

Loo gə́ killa rea kəm Daniel’g 5:5

Mee kàree’g neelé ŋgan ji dəw teḛ kəm dee’g ndaŋg ta dɔ pɔrɔ gə́ ra kaar kəi-mbai’g no̰ kag pərndɔ’g. Mbai lé oo dɔ tel ji dəw gə́ aw ndaŋg ne ta lé.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Tel tura Godndu 28:67

Dan ɓəl’d gə́ a taa meḛ sí pəl-pəl lé ləm, gə goo néje lai gə́ kəm sí a koo dee ləm tɔ lé ndá teḛ gə ndɔ lé seḭ a paje pana: Kar loondul teḛ ɓa maji! Tɔɓəi loondul’g ndá seḭ a paje pana: Kar loo àr ɓa maji!

Tel tura Godndu 32:11

To gə́ niŋgatə̰də aar ne dɔ ŋganeeje’g Tuga bagee kəb dee ne ləm, Naji bagee ndoo dee ne né ləma, Odo dee gə bèl bageeje ləm tɔ.