Esai 21:3 - Maktub gə́ To gə Kəmee

³ Gelee gə́ nee ɓa némeekonje taa ne rɔm pəl-pəl, Ndóo teḛ dɔm’g wai To gə́ ndóo gə́ ula dené ndubu loo-koji-ŋgon’g bèe, Rɔko̰je gə́ ndaŋg dəw paḭ lé D’ɔgm dɔ koo ta’g ləm, Kunda bala tigi-tigi ɔgm koo loo ləm tɔ.

Esai 21:3 ပူးပေါင်းရင်းမြစ်များ

Pakɔsje 48:6

Deḛ d’aa loo d’oo ndá d’aar dḭdiri-dḭdiri, Ɓəl unda dee badə gaŋg dee ar dee buŋga na̰ d’aḭ ya.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Esai 16:11

Gelee gə́ nee ɓa m’ra né məəm’g ŋgururu-ŋgururu Mbata Moab to gə́ kṵdu-ko̰dè bèe ləm, M’tuma̰ məəm’g ŋgururu-ŋgururu Mbata Kir-Harɛs ləm tɔ.

Esai 16:9

Gelee gə́ nee ɓa ma m’no̰ ne Gə mba ndɔ-nduúje gə́ to Sibma To gə́ m’no̰ ne gə mba njé gə́ Jajer bèe tɔ, Ma m’ndəi mán-no̰ gə́ kəm’g dɔ sí-seḭ ɓeeje gə́ Esbon gə Eləalé Mbata lul njérɔje ɓar dɔ ndɔ kinja kó’g lə sí ləm, Gə dɔ kunda ka̰dee’g ləm tɔ.

Esai 26:17

To gə́ dené gə́ aw gə kèm gə́ nai lam bèe karee oji ŋgon lé Tur rəa ləm, no̰ mbata ndóo gə́ tée ləm tɔ lé Ǝi Njesigənea̰, jeḛ gə́ j’isi ŋgərəŋ səi kara Jeḛ n’toje togə́bè tɔ.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 48:41

Ɓee-boo gə́ Kerijot lé dum dəa mba̰, Kəi-kaar-kɔgərɔje lé taa tɔ, Ndəa neelé mee bao-rɔje gə́ Moab to asəna gə mee dené gə́ ndóo tée bèe.

Jeremi 49:22

Aa ooje, yeḛ ḭ nar bag to gə́ niŋgatə̰də bèe aw gə́ nee, yeḛ naji bagee dɔ Bosra’g ndá mee ndəa’g neelé meḛ bao-rɔje gə́ Edɔm gaŋg mán asəna gə dené gə́ si gə ndóo bèe.

Jeremi 50:43

Mbai gə́ Babilɔn oo soree Ndá jia unda ndolè ləm, Yeḛ si gə meekaarkərm To gə́ dené gə́ ndóo rəa bèe ləm tɔ.

Jeremi 6:24

Loo gə́ jeḛ j’oo ta ree lə dee ndá Ji sí unda ndolè Néɓəŋgərəti ra sí To gə́ ndóo gə́ ɔs dené bèe.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Tagə́maji gə́ Ja̰ ndang 16:21

Loo gə́ ndóo to dené lé yeḛ si dan némeeko̰’g mbata kàree teḛ dəa’g, nɛ loo gə́ yeḛ oji ŋgon mba̰ ndá rəa lelee ar mée wəi dɔ ndóo’g sel mbata ŋgon gə́ yeḛ ojee ilá naŋg lé.

Tel tura Godndu 28:67

Dan ɓəl’d gə́ a taa meḛ sí pəl-pəl lé ləm, gə goo néje lai gə́ kəm sí a koo dee ləm tɔ lé ndá teḛ gə ndɔ lé seḭ a paje pana: Kar loondul teḛ ɓa maji! Tɔɓəi loondul’g ndá seḭ a paje pana: Kar loo àr ɓa maji!

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.