Esai 21:16 - Maktub gə́ To gə Kəmee

¹⁶ Mbata Mbaidɔmbaije ulam togə́bè pana: Ləb nai kára ɓəi asəna gə ləb lə njekula lar bèe ndá rɔnduba lə Kedar lai a godo.

Esai 21:16 ပူးပေါင်းရင်းမြစ်များ

Gḭ-Néje 25:13

Aa ooje, ri ŋgalə Ismael gə goo ri dee ləm, gə goo ginkoji dee ləm tɔ ɓa nee: Nebajot to ŋgondər Ismael, gə Kedar, gə Abdeel, gə Mibsam,

1 Sôrta Gḭka-Israɛlje 1:29

Aa ooje, ŋgaka deeje ɓa ri dee to nee: Nebajot gə́ to ŋgondər Ismael ləm, gə Kedar, gə Abdeel, gə Mibsam,

Maktub gə́ wɔji dɔ Jɔb 7:1

See dəw gə́ dɔ naŋg nee lé kəmə ləa asəna gə ka̰ njerɔ bèe el wa. See ndɔje ləa to d’asəna gə ka̰ njera kula lar bèe el wa.

Pakɔsje 120:5

Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

Pa gə́ ur dɔ paje 1:5

Ŋganje gə́ dené gə́ Jerusalem, Ma lé m’ndul konono To gə́ kəi-kubuje gə́ Kedar bèe Nɛ ma maji péd-péd To gə́ pal-kubu-gaŋg-mee-kəi lə Salomo̰ bèe tɔ.

Esai 16:14

Nɛ ɓasinè Njesigənea̰ pa taje nee pana: Mee ləbje gə́ munda gə́ to gə́ ləbje lə njekula lar bèe lé ndá rɔnduba lə Moabje gə koso-dəwje lə dee gə́ bula digi-digi lé d’a tel to né gə́ to kḛji. Ges dee gə́ nai lé d’a tel to gə́ né el asəna gə né gə́ godo bèe ya.

Esai 42:11

Maji kar deḛ gə́ d’isi dɔdilaloo’g gə ɓee-booje ləa lé D’ɔr ndu gə́ tar ləm, Maji kar njé gə́ Kedar gə́ d’isi ɓee-kogoje’g lé D’ɔr ndu dee gə́ tar ləm tɔ! Maji kar dəwje gə́ d’isi dɔ mbalje’g lé D’al rɔ dee gə boo-rɔkal! Maji kar ndu kii rɔlel ɓar dɔ sém mbalje gə́ tar to!

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Jeremi 2:10

Awje dɔgoré-looje gə́ Kitim, Aw aaje loo ooje! Ulaje kula Kedar, tenje maji ooje Ndá tenje ooje See gar néra gə́ togə́bè lé to keneŋ ya wa.

Jeremi 49:28

Ta gə́ wɔji dɔ njé gə́ Kedar ləm, gə ɓeeko̰je gə́ Asɔr gə́ Nebukadnesar, mbai gə́ Babilɔn dum dɔ dee ləm tɔ. Njesigənea̰ pa togə́bè pana: Ḭje tar aw rɔje gə njé gə́ Kedar Ndá tujije ŋgalə njé gə́ Bər.

Ejekel 27:21

Arabi bura gə mbaije lai gə́ njékaa dɔ dəb ɓeeko̰je gə́ Kedar lé seḭ sə deeje toje njéndogo gə na̰ néje. Deḛ ndogo səi né gə ŋgan badje gə bàl badje, gə bàl bya̰je.