Esai 20:6 - Maktub gə́ To gə Kəmee

⁶ Mee ndəa’g neelé deḛ gə́ d’isi kelee gə́ neelé d’a pa pana: Aa ooje né gə́ teḛ dɔ né gə́ j’unda meḛ sí yel dəa’g ləm, j’ɔm meḛ sí dəa’g mba karee aji sí taa sí ji mbai gə́ Asiri’g ləm tɔ lé ɓa nee. Ŋga see j’a kaḭ kaw ra ɓa mba kaji rɔ sí wa.

Esai 20:6 ပူးပေါင်းရင်းမြစ်များ

Maktub gə́ wɔji dɔ Jɔb 22:30

Dəw gə́ ta wa dəa ya kara yeḛ a kilá tar ləm, Mbɔl dɔ jii gə́ àr ŋgad-ŋgad lé ɓa yeḛ a kɔri ne ləm tɔ.

Maktub gə́ wɔji dɔ Jɔb 6:20

Rɔ dee kul mbata kunda gə́ d’unda meḛ dee yel dɔ’g ləm, Rɔ dee gaḭ ges loo gə́ deḛ teḛ keneŋ ləm tɔ.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Jeremi 30:1

Ta gə́ Njesigənea̰ ula Jeremi gə rɔtaje lé ɓa nee:

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 4:30

Nɛ seḭje gə́ Jerusalem lé See ɗi ɓa a raje wa. Seḭ a kulaje kubu gə́ kas njir-njir rɔ sí’g ləm, Seḭ a ɗɔije rɔ sí gə néɗɔi-rɔje Gə́ ra gə larlɔr ləma, Seḭ a ndəmje pɔrɔ kəm sí’g ləm tɔ. Nɛ seḭ a ɗɔije rɔ sí pi. Deḛ gə́ njéndigi síje lé D’a kḛji sí bəḭ-bəḭ ləm, D’a ndigi kar sí wəije ləm tɔ.

Jeremi 47:4

Mbata ndɔ gə́ Pilistije lai D’a tuji pugudu lé teḛ mba̰ ləm, Deḛ lai gə́ d’aw la gə Tir gə Sido̰ lé D’a kudu bo̰ ləm tɔ, Mbata Njesigənea̰ a tuji Pilistije pugudu ləm, Gə ges deḛ gə́ d’isi dɔgoré-loo gə́ Kaptɔr ləm tɔ.

Matiyo 23:33

Seḭ ŋgan li-meewaije lé gehene ɓa to gə́ loo gə́ bo̰ néra sí a kɔs ta sí’g keneŋ ya nɛ see ɗi ɓa seḭ a raje gə mba teḛje ne ta’g wa.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.