Esai 20:3 - Maktub gə́ To gə Kəmee

³ Bèe ɓa Njesigənea̰ pa pana: To gə́ kura ləm Esai njaa ne gə kudee dum ləm, gə gɔlee kari ba ləm tɔ lé, né gə́ a gə teḛ mee ləbje munda gə́ a gə ree lé a to nétɔji ləm gə né gə́ teḛ kédé ar dee d’oo ləm tɔ gə mbata lə Ejiptəje gə Etiopije tɔ.

Esai 20:3 ပူးပေါင်းရင်းမြစ်များ

Esai 19:4

Mbaidɔmbaije gə́ to Njesigənea̰ gə́ njeboo-néje pana: M’a kɔm Ejiptəje meḛ ji mbai gə́ njera nékədərə ləm, Mbai gə́ to njemeeyèr A ko̰ɓee dɔ dee’g ləm tɔ.

Esai 37:9

Yen ŋga mbai gə́ Asiri oo sorta gə́ wɔji dɔ Tiraka, mbai gə́ Etiopi gə́ pana: Aa oo, yeḛ lé ɔr rɔ aw gə mba rɔ səi. Loo gə́ yeḛ oo ta neelé ndá yeḛ ula njékaḭkulaje ləa rɔ Ejekias’g gogo pana:

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Jeremi 13:1

Njesigənea̰ ulam ta gə rɔtaje nee pana: Ɔd aw ndogo ndar gə́ d’ṵji gə kúla palégal tɔ ɓəri’g nɛ a kula dan mán’g el.

Ejekel 12:6

M’a kun né kila dɔ bagm’g kəm dee’g ya teḛ ne raga gə loo gə́ to piro-piro ndá m’a ko̰kəm gə né ɓó m’a koo naŋg el, mbata neḛ ndigi kam m’to nétɔji mbata gel-bɔje lə Israɛl.

Ejekel 30:4

D’a ree gə kiambas rɔ ne gə Ejiptəje ndá ɓəl-boo a taa mee ɓee gə́ Etiopi pəl-pəl loo gə́ yoo-dəwje a to rib-rib mee ɓee gə́ Ejiptə’g ləm, loo gə́ d’a taa nébaoje ləa ləma, d’a kar gin ɓee neelé tuji pugudu-pugudu ləm tɔ.

Ejekel 30:6

Njesigənea̰ pa togə́bè pana: Njégəd ɓee gə́ Ejiptəje lé d’a kwəi ləm, siŋgamoŋgee gə́ yeḛ aw beelé ne lé a tuji ləm tɔ, un kudee Migdɔl saar teḛ Sienə lé deḛ d’a kwəi yoo-kiambas, Mbaidɔmbaije gə́ Njesigənea̰ ɓa pa bèe.

Ejekel 4:1

Ma ŋgon-dəw lé maji kam m’un dərŋgel kára m’ila nɔm’g ndá m’a ndaji ɓee-boo gə́ Jerusalem dɔ’g.

Ejekel 4:3

Maji kam m’un əb-larndul m’ur tar asəna gə ndògo-lar gə́ d’ila bèe mbuna ma’g gə ɓee-boo lé, m’a tel kəm njoroŋ ndá d’a kaḭ dəa sub gə rɔ ləm, ma kara m’a kaḭ dəa sub gə rɔ ləm tɔ. Maji kar né neelé to nétɔji mbata gel-bɔje lə Israɛl.

Soponi 2:12

Seḭ Etiopije kara N’a kar sí wəije yoo-kiambas tɔ.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

Bula lə Israɛlje 14:34

To gə́ ndɔ tən gə́ seḭ tenje ne loo mee ɓee’g lé aḭ rɔ-sɔ lé ndá ləbje gə́ ta néra kori-korije lə sí a kwa dɔ sí lé kara d’a kas ləb rɔ-sɔ bèe tɔ, ləb kára-kára gə mbata lə ndɔje kára-kára ya, bèe ɓa seḭ a gərje to gə́ ma m’uba sí m’ya̰ sí ya.