Esai 20:1 - Maktub gə́ To gə Kəmee

¹ Ləb gə́ Sargo̰, mbai gə́ Asiri ula ne Tarta̰ aree aw aḭ ne dɔ Asdod sub gə rɔ dumee ne lé,

Esai 20:1 ပူးပေါင်းရင်းမြစ်များ

2 Mbaije 18:17

Mbai gə́ Asiri ula Tarta̰, gə Rab-Saris, gə Rabsake, ar dee d’ḭ Lakis gə bao-rɔje bula gə mba kaw rɔ ne gə mbai Ejekias lé ndá deḛ teḛ Jerusalem. Loo gə́ deḛ teḛ keneŋ mba̰ ndá d’aar naŋg mbɔr bwa kəm-rəw-mán gə́ to loo ŋgəm mán gə́ to dɔ maree’g, bwa kəm-rəw-mán neelé to rəw ndɔ’g lə njetogo kubu karee ndá kələw-kələw.

2 Sôrta Gḭka Israɛlje 26:6

Yeḛ rɔ gə Pilistije ndá yeḛ təd ndògo-bɔrɔ gə́ Gat ləm, gə ndògo-bɔrɔ gə́ Jabne ləma, gə ndògo-bɔrɔ gə́ Asdod ləm tɔ, tɔɓəi yeḛ unda ɓee-booje dɔ naŋg’d gə́ Asdod ləm, gə mbuna Pilistije’g ləm tɔ.

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Amɔs 1:8

N’a tuji njéɓeeje gə́ Asdod pugudu-pugudu ləm, Gə yeḛ gə́ wa kag-mbai jia’g mee ɓee gə́ Askalo̰ ləm tɔ. N’a tel gə ji neḛ kɔs ne Ekro̰je ləm, Pilistije gə́ nai lé kara d’a tuji ləm tɔ. Mbaidɔmbaije gə́ Njesigənea̰ ɓa pa bèe.

Jujé 11:22

Anak kára kara nai mee ɓee’g lə Israɛlje el, nɛ mee ɓeeje gə́ Gaja, gə Gat, gə Asdod ɓa deḛ nai keneŋ ya.

1 Samel 5:1

Pilistije d’un sa̰duk-manrɔ lə Ala d’ḭ ne Eben-Ejer d’aw ne Asdod.

1 Samel 6:17

Aa ooje, néje gə́ ra gə larlɔr ndaji ne nékubaje gə́ Pilistije d’ar Njesigənea̰ gə́ nékoga dɔ kaiya lé ɓa nee: kára gə mba Asdod ləm, kára gə mba Gaja ləm, kára gə mba Askalo̰ ləm, kára gə mba Gat ləma, kára gə mba Ekro̰ ləm tɔ.