Esai 2:9 - Maktub gə́ To gə Kəmee

⁹ Gelee gə́ nee ɓa dəwje gə́ kari ba d’a kula dɔ dee ləm, Njé gə́ boo-boo d’a koso kul ləm tɔ, I a kar məəi oso lemsé dɔ dee’g nda̰ el.

Esai 2:9 ပူးပေါင်းရင်းမြစ်များ

Nehemi 4:5

Njéba̰je lə sí kara pana: J’a gərje taree el ləm, j’a kooje el ləm tɔ saar loo gə́ n’a reeje dan sí’g ndá n’a tɔl síje. N’a raje togə́bè mba kɔg sí ne loo ra kula lé.

Pakɔsje 49:2

Seḭ koso-dəwje lai lé maji kar sí ooje ta neelé. Seḭ lai gə́ síje dɔ naŋg neelé

Pakɔsje 59:5

Lée ta wa dɔm el kara D’aiŋgwɔd d’wa dɔ gɔl rɔ dee. Maji kari teḛ kəmi ree tila kəm oo dee ne!

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 5:15

Dəwje gə́ kari d’a kula dɔ dee ləm, Njé gə́ boo-boo d’a koso kul ləma, Njékəstarje d’a kula dɔ dee ləm tɔ.

Esai 5:16

Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Esai 57:9

Seḭ awje gə ubu rɔ mbai’g ləm, Seḭ arje néje lə sí gə́ ə̰də sululu Ḭ dɔ maree’d gə́ kédé-kédé ləm, Seḭ ulaje njékaḭkulaje lə sí loo gə́ əw’g ləma, Seḭ osoje saar teḛje ne ɓee lə njé gə́ d’wəi ləm tɔ.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Mark 3:29

Nɛ dəw gə́ rara ɓa ila ndɔl dɔ Ndilmeenda’g ndá Ala a koo loo kar mée ti mbidi dɔ’g tel el. Njea neelé kaiya a kwa dəa, reḛ́ keneŋ saar gə no̰ ya.

Njé gə́ Rɔmə 3:23

Mbata deḛ lai ra kaiya, deḛ lal kiŋga rɔnduba gə́ Ala wɔji mba kula dɔ dee’g.

Njé gə́ Kolosə 2:18

Maji kar dəwje gə́ d’wa ndòo rɔ dee pole ne kuraje gə́ kára lé su kəm sí nar sə sí néngwɔd lə sí d’wa d’ɔr ji sí’g el. Débeeje neelé d’ya̰ rɔ dee dan némḭdije’g lə dee ləm, deḛ ti ne rɔ dee hər-hər gə goo takə̰jije lə dee gə́ ka̰ darɔ lé ləm tɔ.

Njé gə́ Kolosə 2:23

Ta ndooje neelé to gir kəmkàr gə́ raga ba mbata deḛ tɔji ne rəw kwa Ala mée’g gə́ dəw ḭ gə mée ra ləm, gə loo koso kul ləma, gə kḛji darɔ bəḭ-bəḭ ləm tɔ nɛ deḛ to néje gə mḭdé ba gə́ d’ar dəw beelé dɔ néra gə́ ka̰ darəa’g lé.

Jujé 24:19

Juje ula koso-dəwje lé pana: Seḭ lé siŋga sí a kaskəm kwa Njesigənea̰ meḛ sí’g el mbata yeḛ to Ala gə́ njerɔkunda ləm, gə Ala gə́ ar kəmee əḭ dɔ dəwje’g ləa ləm tɔ. Yeḛ a kar mée oso lemsé dɔ néra kori-korije’g lə sí əsé dɔ kaiyaje’g lə sí el.