Esai 2:8 - Maktub gə́ To gə Kəmee

⁸ Magə-poleje taa loo mee ɓee’g pəl-pəl, Deḛ d’unda barmba no̰ né’d gə́ deḛ ra gə ji dee lé Gə no̰ né’d gə́ ŋgan ji dee-deḛ ya ra tɔ.

Esai 2:8 ပူးပေါင်းရင်းမြစ်များ

1 Mbaije 16:7

Ta lə Njesigənea̰ teḛ gə ndu njetegginta Jehu, ŋgolə Hanani, ɔs ne Basa gə gel-bɔje ləa rəw mbata némajelje lai gə́ yeḛ ra kəm Njesigənea̰’d gə́ ar mée ḭ səa pu dəa’g gə goo kula reaje gə́ yeḛ ra tel to ne tana gə gel-bɔje lə Jeroboam ləm, mbata tuji gə́ yeḛ tuji ne gel-bɔje lə Jeroboam lé ləm tɔ.

2 Mbaije 17:10

Deḛ d’unda néndajije gə magəje dɔdərlooje’g lai gə́ ndəw ləm, gə gel kagje’g lai gə́ təb ləm tɔ mbata lə dee.

2 Mbaije 17:16

Deḛ d’uba ndukunje lə Njesigənea̰, Ala lə deḛ lai d’ya̰ ləm, dee léḛ larndul ndaji ne ŋgan maŋgje joo mbata lə dee ləm, dee ra magəje gə́ ri dee lə Astarte ləm, dee d’unda barmba dəb kəm dee naŋg no̰ boo-néje’g lai gə́ dara ləma, dee ra né d’ar magə-Baal ləm tɔ.

2 Sôrta Gḭka Israɛlje 27:2

Yeḛ ra né gə́ danasur kəm Njesigənea̰’g aree aw na̰’d béréré gə né gə́ bɔbeeje Ojias ra ya tɔ. Nɛ né kára ba lé yeḛ ila gɔlee kəi’g lə Njesigənea̰ el. Lée togə́bè kara dəwje nai dan néraje gə́ yèr’g gə́ kédé-kédé ya ɓəi.

Esai 17:8

yeḛ a tel kəmee gə́ dɔ loo-nékinjanéməsje gə́ to né gə́ jia ɓa ra dee lé el ŋga ləm, yeḛ a kaa néje gə́ ŋgan jia ɓa ra dee gə́ to magə-Astarté gə néndajije gə́ wɔji dɔ kàr lé el ŋga ləm tɔ.

Esai 26:13

Njesigənea̰, Ala lə sí, Ɓée síje gə́ raŋg d’o̰ ɓee dɔ sí’g ya Nɛ mbɔl dɔi-i nja kára ba ɓa Jeḛ m’ɓar ne rii.

Esai 37:19

d’ɔm magəje lə dee dan pər’g ya ləm tɔ, nɛ dee to Ala el, to néje gə́ ji dəwje ɓa ra dee gə kag əsé mbal, yee ɓa deḛ tuji dee ne ya.

Esai 40:19

Njelḛ̀ né ɓa léḛ né ndaji ne magə Tɔɓəi njekɔr ɔr giree gə larlɔr ləm, Ra yeŋgəre-larndaje lèr keneŋ ləm tɔ.

Esai 41:29

Aa ooje, deḛ lai to né gə́ kari ba ləm, Kula ra dee to gə́ né el ləma, Magəje lə dee kara to gə́ lel gə́ ula kari ba ləm tɔ.

Esai 57:5

Seḭ arje ndil sí ɔs pər jəgəgə Mbɔr kag-terebḭtəje’g Gə gel kagje lai gə́ to təb’g ləm, Seḭ tḭjaje gwɔs ŋganje kəm wəl-looje’g Gel mbalje gə́ ta̰’g ləm tɔ.

Jeremi 1:16

M’a pata gaŋg ne rəwta dɔ dee’g Mbata némeeyèrje lə deḛ lai ləm, Mbata deḛ d’ubam d’ya̰m Roo néje gə́ ə̰də sululu d’ar magəje ləma, Mbata deḛ d’unda barmba no̰ néje Gə́ deḛ ra gə ji dee ləm tɔ.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 2:28

See magəje lə sí gə́ seḭ ra deeje lé d’əd ra ɓəi wa. Maji kar dee d’ḭta, Ɓó lé deḛ d’askəm kaji sí ndɔ nékəmndoo’g Ǝi seḭ Judaje, magəje lə sí bula to gə́ ɓee-booje lə sí bèe!

Ojee 12:11

Ma m’ula njéteggintaje taje ləm ləm, M’ar némḭdije d’ɔs goo na̰ goo na̰ ləma, M’ula dee gosotaje gə ndu njéteggintaje ləm tɔ.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Ojee 8:6

Njekɔr gə́ ḭ Israɛl ɓa gə́ njelḛ̀ néndaji ŋgon maŋg lé Ɓó yee to gə́ Ala el, Gelee gə́ nee ɓa néndaji ŋgon maŋg gə́ Samari neelé D’a tədee njigi-njigi.

Misee 5:12

N’a kar magəje gə néndajije Godo mbuna sí’g ləm, Seḭ a kundaje barmba no̰ né’d Gə́ seḭ raje gə ji sí lé el ŋga ləm tɔ,

Néra Njékaḭkulaje 17:16

To gə́ Pool si Aten ŋgina dee lé ndá mée aw biriri-biriri mbata yeḛ oo magə-poleje taa loo mee ɓee-boo’g neelé pəl-pəl.

Tel tura Godndu 4:28

Lée gə́ neelé seḭ a raje né karje magəje gə́ ji dəw ɓa ra dee gə kag əsé gə mbal gə́ d’askəm koo loo el ləm, gə koo ta el ləm, gə sɔ né el ləma, gə taa baḭ né el ləm tɔ lé.

Loo gə́ killa rea kəm Ja̰’g 9:20

Dəb dəwje gə́ loo-joo gə́ nai gə́ d’wəi yoo-boo-oŋg gə́ kudu munda nee el lé d’ya̰ goo néra dee gə́ deḛ ra gə ji dee el. Deḛ d’əw rɔ dee kwa ndilje gə́ majel meḛ dee’g el ləm, d’əw rɔ dee kunda barmba no̰ magəje gə́ deḛ ra gə larlɔr gə larnda gə larkas gə mbal el ləm tɔ nɛ magəje neelé d’askəm koo loo gə kəm dee el ləm, d’askəm koo ta gə mbi dee el ləma, loo njaa lə dee kara godo ləm tɔ.