Esai 2:6 - Maktub gə́ To gə Kəmee

⁶ Mbata i Njesigənea̰ uba koso-dəwje ləi gə́ to ŋgaka Jakob ya̰ dee, Mbata ndil néje gə́ d’ḭ ne bər Ɓa taa meḛ dee pəl-pəl ləm, Deḛ d’ya̰ rɔ dee yag Dɔ tən ndil néje to gə́ Pilistije bèe ləma, Mbata deḛ d’ɔm na̰’d gə dəw-dɔ-ɓeeje Dɔ néra dee’g ləm tɔ.

Esai 2:6 ပူးပေါင်းရင်းမြစ်များ

2 Mbaije 1:2

Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

2 Mbaije 17:20

Deḛ lai gə́ to ginkoji Israɛlje lé Njesigənea̰ uba dee ya̰ dee, yeḛ ar dee d’ula dɔ dee ləm, yeḛ ya̰ dee ji njébusu deeje’g ləma, né gə́ rudu lé yeḛ tuba dee nea̰’g ɔm dee əw ləm tɔ.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

2 Sôrta Gḭka Israɛlje 15:2

ndá Ajaria aw aar no̰ Asa’g ulá pana: Ooje ta ləm maji, Asa seḭ gə Judaje gə Bḛjamije lai! Njesigənea̰ nai sə sí loo gə́ seḭ naije səa, ɓó lé seḭ sa̰geeje ndá seḭ a kḭgáje, nɛ ɓó lé seḭ ubáje yá̰je ndá yeḛ kara a kuba sí kya̰ sí tɔ.

2 Sôrta Gḭka Israɛlje 24:20

Ndil Njesigənea̰ dəb dɔ Jakari’d gə́ to ŋgolə Jeojoda, njekinjanéməs lé, yeḛ ḭ aw aar no̰ koso-dəwje’g ula dee pana: Ala pa togə́bè pana: See gelee ban ɓa seḭ ubaje ne godnduje lə Njesigənea̰ ya̰je wa. Seḭ a teḛje ne kɔr el. Mbata seḭ ubaje Njesigənea̰ yá̰je ndá yeḛ kara a kuba si kya̰ sí ya tɔ.

Nehemi 13:23

Mee ndəa’g neelé ma m’oo Jibje gə́ taa denéje gə́ to Asdodje əsé Amo̰je əsé Moabje tɔ.

Pakɔsje 106:35

Deḛ lé pélé na̰ wəs-wəs gə ginkoji dəwje gə raŋg Ndaji ne néra dee ləm,

Teḛ-Raga 22:18

Nana ɓa gə́ ndal da ndá d’a tɔlee gə́ tɔl ya.

Teḛ-Raga 34:16

nà banelə seḭ a taaje ŋgan deeje gə́ dené kar ŋgan síje gə́ diŋgam ndá ŋgan deeje gə́ dené lé loo gə́ d’ya̰ rɔ dee dan néje gə́ mina̰’g d’ar magəje lə dee lé d’a ndɔr ŋgan síje gə́ diŋgam kar dee-deḛ kara d’ya̰ rɔ dee dan néje gə́ mina̰’g d’ar magəje lə dee lé tɔ.

Gosota-Kəmkàrje 6:1

Ŋgonəm, ɓó lé i ɔs né naŋg Taa ne dɔ kuramari ləm, Ɓó lé i un ndui mbata dəw gə́ raŋg ləm,

Esai 14:29

I ɓee lə Pilistije lé Kag-tɔs gə́ kundai ne gə́ təd lé Maji kari ra rɔlel gə mbəa el! Mbata ginka li lé ɓa Li-ŋgɔrŋgɔnd a kḭ keneŋ Ndá da-kɔb gə́ nar bag lé a kḭ ginee ya tɔ.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Jeremi 10:2

Njesigənea̰ pa togə́bè pana: Maji kar sí ndajije panjaa njépole-magəje el ləm, Ɓəlje nétɔjije gə́ mee dara’g el ləm tɔ, Mbata néje neelé njépole-magəje ɓəl dee.

Jeremi 12:7

M’a m’uba kəi ləm m’ya̰ ləm, Ma m’uba nédɔji ləm kara m’ya̰ ləma, M’uba yeḛ gə́ m’undá dan kəm’g lé M’yá̰ ji njéba̰je’g ləa ləm tɔ.

Nɔ̰-ndôo gə́ wɔji dɔ Jerusalem 5:20

See gelee ban ɓa i a kar məəi wəi dɔ sí’g ləm, A kuba sí kya̰ sí gə no̰ ləm tɔ wa.

Ləbije 19:31

Telje rɔ sí go deḛ gə́ njesaŋ ndil dəwje gə́ d’wəi el ləm, əsé go njéndo̰-ərje’g el ləm tɔ, ndolèje goo dee el nà seḭ a mina̰je ne. Ma m’to Njesigənea̰, Ala lə sí.

Ləbije 20:6

Ɓó lé dəw kára aw rɔ dəw gə́ njesaŋ ndil dəwje gə́ d’wəi əsé rɔ njéndo̰-ərje’g mba pole dee ndá m’a kun kəm rəw dɔ debee’g neelé mba kɔree mbuna dəwje’g ləa.

Misee 5:11

N’a kar nésukəmlooje gə́ to ji sí’g tuji ləm, Njétən kéréméje kara d’a godo ləm tɔ.

Misee 5:12

N’a kar magəje gə néndajije Godo mbuna sí’g ləm, Seḭ a kundaje barmba no̰ né’d Gə́ seḭ raje gə ji sí lé el ŋga ləm tɔ,

Soponi 1:8

Ndɔ kinja néməs kar Njesigənea̰ lé N’a kar bo̰ néra dəwje gə́ boo Gə ŋgalə mbaije ɔs ta dee’g ləm, Gə deḛ lai gə́ d’ula kubu kula dəw-dɔ-ɓeeje rɔ dee’g ləm tɔ.

Bula lə Israɛlje 23:7

Balaam ula dee ta ləa gə ndəree togə́bè pana: Balak lé am m’ḭ Aram m’ree ləm, Mbai gə́ Moab am m’ḭ dɔ mbalje gə́ ri dee lə Ber m’risi m’ur naŋg ləm tɔ pana: M’ree, m’pata m’ila ne ndɔl dɔ Jakob’g m’ar neḛ! M’ree m’ar oŋg ləm ḭ səm dɔ Israɛlje’g to!

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

1 Samel 6:2

Ndá Pilistije ɓar njékinjanéməsje gə njéndo̰-ərje dəji dee pana: Sa̰duk-manrɔ lə Njesigənea̰ lé see ɗi ɓa j’a ra ne wa. Ula síje gosee gə́ j’a karee tel aw ne lée’g gogo.