Esai 2:3 - Maktub gə́ To gə Kəmee

³ Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Esai 2:3 ပူးပေါင်းရင်းမြစ်များ

Este 9:27

Jibje d’wɔji meḛ dee’g njaŋg, d’un ne ndu dee mbata lə dee-deḛ ləm, mbata lə gel ka lə dee ləma, gə mbata lə deḛ lai gə́ d’a gə kɔm sə dee na̰’d ləm tɔ gə mba kar mee ləbje kára kára lai lé d’a ra naḭ mee ndɔje’g joo neelé gə goo lée gə́ deḛ ndaŋg, gə mee ndəa gə́ d’wɔji njaŋg lé ləm tɔ ɓó dəw a telee raŋg el ŋga.

Pakɔsje 102:23

Loo gə́ koso-dəwje lai gə ginkoji dəwje gə raŋg lai d’a mbo̰ dɔ na̰ Mba kwa Njesigənea̰ meḛ dee’g.

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Pakɔsje 119:171

Maji kar tam teḛ ila mber ta pidii Mbata i lé ndoom godnduije lé ya.

Pakɔsje 122:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. M’isi dan rɔlel’g loo gə́ d’ulam pana: Ar sí j’awje mee kəi’g lə Njesigənea̰.

Pakɔsje 48:1

Pakɔs lə Koréje

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 19:23

Mee ndəa’g neelé d’a ra rəw-kwɔi karee to tag mbuna ɓee gə́ Ejiptə gə ɓee gə́ Asiri’g, Asirije d’a kaw Ejiptə ləm, Ejiptəje kara d’a kaw Asiri ləm tɔ ndá Ejiptəje gə Asirije d’a kɔm na̰’d ra né kar Njesigənea̰.

Esai 28:9

Deḛ dəji pana: See na̰je ɓa yeḛ ndigi ndoo dee ta kəmkàr wa. See na̰je ɓa yeḛ ndigi ndoo dee ta ndooje wa. See to ŋganje gə́ d’ɔg dee mbà Gə́ d’ya̰ mbà ko̰ deeje ɓa Yeḛ a gə ndigi ndoo dee ne wa.

Esai 44:5

Yeḛ gə́ nee a pana: Ma m’to ka̰ Njesigənea̰, Yeḛ gə́ yo a kunda ri Jakob dəa’g, Yeḛ gə́ raŋg a ndaŋg dɔ jia’g pana: Ka̰ Njesigənea̰! Ndá d’a ɓar ri Israɛl dan meenoji’g.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Esai 65:11

Nɛ seḭ gə́ ubaje Njesigənea̰ yá̰je ləm, Seḭ arje meḛ sí wəi dɔ mbal’g ləa gə́ to gə kəmee ləm, Seḭ undaje ka-nésɔ Mbata lə magə Gad ləma, Seḭ arje mán-nduú rusu ŋgo Mbata lə magə Meni ləm tɔ lé

Esai 66:20

D’a ree gə ŋgako̰ síje lai gə́ d’isi mbuna ginkoji dəwje gə raŋg’g asəna gə nékar Njesigənea̰ lé, d’a ree sə dee dɔ kundaje’g ləm, gə dɔ pusuje’g ləm, gə dɔ topoije’g ləm, gə dɔ kundaje-mulayḛ̀jeje’g ləma, gə dɔ jambalje’g ləm tɔ, kaw ne sə dee saar dɔ mbal’g ləm gə́ to gə kəmee gə́ to Jerusalem asəna gə Israɛlje gə́ ree gə nékarje lə dee mee joje gə́ àr ŋgad-ŋgad mee kəi’g lə Njesigənea̰ bèe tɔ. Njesigənea̰ ɓa pa bèe.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 31:6

Mbata ndɔ gə́ a gə ree lé Njéŋgəmlooje d’a ra né wəl Dɔ mbal gə́ Eprayim pana: Ḭje tar ar sí j’awje Sio̰ Rɔ Njesigənea̰ Ala’g lə sí!

Ejekel 40:2

Yeḛ unm aw səm keneŋ dan némḭdije’g ka̰ Ala ndá yeḛ undam dɔ mbal gə́ ŋgal léŋgé-léŋgé’g loo gə́ néje to keneŋ par gə́ dɔkɔl asəna gə kəije gə́ to mee ɓee-boo’g bèe.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Misee 4:2

Ginkoji dəwje gə raŋg bula d’a kaw keneŋ ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí kar sí njaaje kila-rəwje’g ləa. Mbata godndu a kḭ Sio̰ ləm, Ta lə Njesigənea̰ a kḭ Jerusalem ləm tɔ.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Lugu 24:47

d’a kila mber ta kwa ndòo rɔ dɔ kaiya’g gə ta kɔr kaiya dɔ dəwje’g ləm tɔ gə ria-yeḛ kar ginkoji dəwje gə raŋg ya ndá d’a kun kudee Jerusalem ya.

Tagə́maji gə́ Ja̰ ndang 4:22

Seḭ lé né gə́ seḭ gərje ginee el lé ɓa seḭ waje meḛ sí’g, nɛ jeḛ lé né gə́ jeḛ n’gər ginee njai-njai ɓa j’wá meḛ sí’g mbata kaji lé ḭ ɓee lə Jibje.

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Tel tura Godndu 33:19

Deḛ d’a ɓar koso-dəwje dɔ mbal’g, Lée’g neelé d’a kinja nékinjanéməsje Gə́ ka̰ meekarabasur keneŋ Mbata d’a kuba maji néje Gə́ ḭ mee baa-boo-kad’g ləm, Gə nébaoje gə́ d’iya rɔ dee Dan nagəra’g ləm tɔ.

Tel tura Godndu 6:1

Aa ooje, tornduje, gə godnduje, gə ndukunje gə́ Ala lə sí gə́ Njesigənea̰ am gə mba kam ndoo sí, gə mba kar sí raje née mee ɓee gə́ seḭ a gə kaw taaje gə́ né ka̰ sí-seḭ lé:

Maktub gə́ Jak ula ne ar ngan-Allaje 1:25

Nɛ nana ɓa gə́ tən ta godndu gə́ maji ɔr njoroŋ gə́ ɔr ne ɓər dəa’g, ɓó lé yeḛ ai mée sam-sam ɓó un kəmee dɔ’g el ləm, ra née ləm tɔ ndá né gə́ yeḛ ra lé a kɔr dɔ ya.