Esai 2:21 - Maktub gə́ To gə Kəmee

²¹ Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 2:21 ပူးပေါင်းရင်းမြစ်များ

2 Samel 22:46

Deḛ gə́ d’ḭ dɔ ɓee gə́ raŋg’d lé Siŋga dee godo ləm, Deḛ d’unda loo kəi-kaar-kɔgərɔ’g lə dee teḛ, D’unda bala tigi-tigi ləm tɔ.

Maktub gə́ wɔji dɔ Jɔb 30:6

Deḛ d’isi wəl-looje gə́ majel’g ləm, Gə mee bwaje gə́ naŋg gə mbuna mbalje’g ləm tɔ.

Maktub gə́ wɔji dɔ Jɔb 9:6

Yeḛ yə naŋg ɓugu-ɓugu loo siŋgamoŋ’d ləa Ar gaji-gədeeje d’ula déréré-dèrèrè.

Teḛ-Raga 33:22

Bèe ɓa loo gə́ rɔnduba ləm a gə dəs ndá m’a kilai bolè mbal’g ndá m’a kudu tai gə jim saar m’a dəs ne.

Pa gə́ ur dɔ paje 2:14

Dərnda ləm gə́ si mbuna mbalje’g ləm, Gə́ iya rəa mba̰-ərje’g ləm tɔ lé Am m’oo kəmi ləm, Am m’oo ndui ləm tɔ Mbata ndui kul yururu ləm, Kəmi ma̰də yaa̰ kəm’g ləm tɔ.

Esai 2:10

Aḭje awje mbuna biri mbalje’g ləm, Iyaje rɔ sí dan babur’g ləm tɔ Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé tibi mbɔr sí el.

Esai 2:19

Dəwje d’a kiya rɔ dee mee bolè mbalje’g Gə mee bwaje gə́ naŋg Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl dɔ njé gə́ naŋg nee.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Esai 33:10

Ɓasinè, m’a kuba naŋg kḭ, Njesigənea̰ pa bèe, Ɓasinè, m’a kur dɔ loo’g ləm, Ɓasinè, d’a kula rɔnduba dɔm’g ləm tɔ.

Esai 7:19

D’a ree si mee ndag-wəlje’g ləm, Gə mbuna mbalje gə́ ta̰’g ləm, Gə dɔ ŋgan kagje’g lai ləma, Gə loo-ko̰-mu lə nékulje’g lai ləm tɔ.

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Ojee 10:8

Dɔ looje gə́ ndəw gə́ Bet-Aben Loo gə́ Israɛlje ra kaiya keneŋ lé D’a tuji pugudu, Kunje gə kun-pɔrɔrɔje D’a kuba loo-pole-magje’g lə dee. D’a kula mbalje pana: Juraje dɔ sí’g! D’a kula dɔdərlooje pana: Ɓuguje dɔ sí’g!