Esai 2:2 - Maktub gə́ To gə Kəmee

² Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 2:2 ပူးပေါင်းရင်းမြစ်များ

Gḭ-Néje 49:1

Jakob ɓar ŋganeeje ula dee pana: Mbo̰je dɔ na̰ gə mba kam m’ula sí né gə́ a teḛ dɔ sí’g ndɔ gə́ gogo.

Maktub gə́ wɔji dɔ Jɔb 19:25

Nɛ ma m’gər gao, njekuga dɔm si kəmba ya, Ndɔ gə́ rudu lé ndá yeḛ nja a k’ḭta dɔ naŋg nee tɔ.

Pakɔsje 102:23

Loo gə́ koso-dəwje lai gə ginkoji dəwje gə raŋg lai d’a mbo̰ dɔ na̰ Mba kwa Njesigənea̰ meḛ dee’g.

Pakɔsje 2:8

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 22:28

Dəwje lai gə́ dɔ naŋg nee d’a kḛji dɔ Njesigənea̰’g ləm, D’a tel kəm dee par gə́ rəa’g ləm tɔ, Gel-bɔje lə ginkoji dəwje gə raŋg lai D’a kunda barmba dəb kəm dee naŋg nɔḭ’g tɔ.

Pakɔsje 48:2

Njesigənea̰ lé to gə́ boo ya, Yeḛ to gin ta pidije lai mee ɓee-boo’g lə Ala lə sí ləm, Gə dɔ mbal’g ləa gə́ to gə kəmee kəm tɔ.

Pakɔsje 68:17

Seḭ mbalje gə́ sém sí bula lé See gə mba ɗi ɓa seḭ raje kəmkəḭ Dɔ mbal gə́ Ala wɔji gə mba ra loo-siée keneŋ lé wa. Lé bèe kara Njesigənea̰ a karee to loo-siée saar gə no̰ ya.

Pakɔsje 72:8

Yeḛ a ko̰ɓee un kudee baa-boo-kad’g nee saar teḛ ne yeḛ gə́ raŋg’d ləm, Un kudee mán baa’g saar kɔr ne rudu naŋg njal ya ləm tɔ.

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Pakɔsje 87:1

Pakɔs lə Koréje. Ala nja tum gel ɓee neelé dɔ mbalje gə́ to gə kəmee doi’g.

Pakɔsje 87:2

Njesigənea̰ ndigi tarəw ɓeeje gə́ Sio̰’g lé Ur dɔ loo-sije’g lə Jakob lai ya.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 30:29

Seḭ a kɔsje pa to gə́ d’ɔs ne pa loo-ra-naḭ’g loondul’g bèe ləm, seḭ a raje rɔlel gə meḛ sí to gə́ dəw gə́ njaa gə ndu buula gə́ ɓar ləm tɔ gə mba kaw ne dɔ mbal’g lə Njesigənea̰, yeḛ gə́ to biri mbal lə Israɛlje tɔ.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Esai 65:11

Nɛ seḭ gə́ ubaje Njesigənea̰ yá̰je ləm, Seḭ arje meḛ sí wəi dɔ mbal’g ləa gə́ to gə kəmee ləm, Seḭ undaje ka-nésɔ Mbata lə magə Gad ləma, Seḭ arje mán-nduú rusu ŋgo Mbata lə magə Meni ləm tɔ lé

Esai 66:20

D’a ree gə ŋgako̰ síje lai gə́ d’isi mbuna ginkoji dəwje gə raŋg’g asəna gə nékar Njesigənea̰ lé, d’a ree sə dee dɔ kundaje’g ləm, gə dɔ pusuje’g ləm, gə dɔ topoije’g ləm, gə dɔ kundaje-mulayḛ̀jeje’g ləma, gə dɔ jambalje’g ləm tɔ, kaw ne sə dee saar dɔ mbal’g ləm gə́ to gə kəmee gə́ to Jerusalem asəna gə Israɛlje gə́ ree gə nékarje lə dee mee joje gə́ àr ŋgad-ŋgad mee kəi’g lə Njesigənea̰ bèe tɔ. Njesigənea̰ ɓa pa bèe.

Esai 66:23

Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 23:20

Oŋg lə Njesigənea̰ a kwəi bèm el saar Karee tɔl ne ta néje Gə́ yeḛ wɔji mée’g gə mba ra lé. Ndɔje gə́ gogo ɓa seḭ a gərje ɓəi.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 30:24

Oŋg lə Njesigənea̰ Gə́ o̰ to gə́ pər bèe lé a kwəi bèm el Saar karee tɔl ne ta néje Gə́ yeḛ wɔji mée’g mba ra lé bém, Ndɔje gə́ gogo ɓa seḭ a gərje njai ɓəi.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 48:47

Nɛ mee ndəa gə́ gogo ndá M’a tel gə Moabje Gə́ d’aw sə dee ɓee-ɓər’g lé Ree sə dee. Njesigənea̰ ɓa pa bèe. Yee nee ɓa gə́ ta gə́ gaŋg dɔ Moab’g ya.

Jeremi 49:39

Nɛ ndɔ gə́ gogo ndá M’a tel gə́ njé gə́ Elam Gə́ d’aw ɓee-ɓər’g lé ree sə dee, Njesigənea̰ ɓa pa bèe.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 40:2

Yeḛ unm aw səm keneŋ dan némḭdije’g ka̰ Ala ndá yeḛ undam dɔ mbal gə́ ŋgal léŋgé-léŋgé’g loo gə́ néje to keneŋ par gə́ dɔkɔl asəna gə kəije gə́ to mee ɓee-boo’g bèe.

Loo gə́ killa rea kəm Daniel’g 10:14

Ma m’ree ɓasinè mba kari gər néje gə́ d’a gə́ teḛ dɔ dəwje’g ləi mee ndəaje gə́ d’a gə ree ɓəi. Mbata némḭdi neelé wɔji dɔ ndəaje neelé ya.

Loo gə́ killa rea kəm Daniel’g 2:28

Nɛ Ala gə́ si dan dara’g lé ɓa riba dɔ néje gə́ to loo-kiya’g ndá yeḛ nja ɓa ari-i Nebukadnesar, mbai lé oo né gə́ a gə teḛ meḛ ndɔje gə́ d’a gə ree ɓəi. Aa oo, ni ləi gə némḭdije gə́ i oo dee dɔ tira-toi’g lé ɓa nee:

Loo gə́ killa rea kəm Daniel’g 2:35

Togə́bè ɓa larndul gə a̰ji gə larkas gə larnda gə larlɔr təd na̰’d njigi-njigi tel to tana gə tisa kó gə́ sané kad loo-kunda-kó’g naḭ kàrá bèe ndá lel ula sané dee kad-kad ar dəw oo dee gogo el ŋga. Nɛ kɔr mbal gə́ wa gɔl néndaji lé tel to mbal gə́ boo gə́ un dɔ naŋg lad-lad.

Loo gə́ killa rea kəm Daniel’g 2:45

Yee ɓa to ginta lə kɔr mbal gə́ ɔr kaar mbal’g gə dɔrea lal lar ji dəw ɔrɔ ləm, gə́ təd larndul gə larkas gə a̰ji gə larnda gə larlɔr njigi-njigi ləm tɔ. Ala gə́ boo lé ar mbai oo ne néje gə́ d’a gə teḛ gogo. Ni lé to kankəm ni ləm, ginee kara to ginee gə́ gəd gə́ kəm kɔm məəi dɔ’g ya ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Jakari 14:10

Ɓee bura a tel to kasəna gə ndag-loo gə́ un gelee Geba saar teḛ Rimo̰, Par gə́ dɔkɔl lə Jerusalem, Ndá Jerusalem lé d’a kunee gə́ tar karee to lée’g ya Un gelee tarəwkɔg’d lə Bḛjami ya Saar teḛ ne loo gə́ tarəw gə́ dɔtar ləm, Saar teḛ ne tarəw gə́ to dɔkum kəije’g ləm tɔ, Un kudee kəi-kaar-kɔgərɔ’g lə Hananeel Saar teḛ ne godə loo-mbula-Kandə-nduú’g lə mbai ləm tɔ.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Jakari 8:22

Bèe ɓa koso-dəwje bula ləm, Gə ginkoji dəwje bula ləm tɔ D’a ree saŋg Njesigənea̰ gə́ njeboo-néje Gə mba ra ndòo rəa’g mee ɓee gə́ Jerusalem.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Malasi 3:12

Ginkoji dəwje gə raŋg lai lé d’a pa pana: Rɔlel nai sə sí ya. Mbata dɔ naŋg lə sí a to ɓee rɔlel. Njesigənea̰ gə́ njeboo-néje lé ɓa pa bèe.

Bula lə Israɛlje 24:14

Ɓasinè aa oo, m’a tel kaw rɔ dəwje’g ləm. Gə́ ree ndá m’a kulai né gə́ dəwje neelé d’a ra gə dəwje ləi mee ndɔ gə́ d’a gə ree gogo ɓəi.

Néra Njékaḭkulaje 2:17

Ala pana: ndɔ gə́ rudu ndəa a gə kun ɗiao lé M’a kɔm Ndilm dɔ dəwje’g lai gə loo-loo. Ndá ŋgan síje gə́ diŋgam gə njé gə́ dené d’a tegginta ləm, Basaje lə sí d’a koo né gə némḭdije lé ləma, Ɓugaje lə sí d’a koo né gə nije ləm tɔ.

2 Timote 3:1

Maji kari oo gao, ndəa gə́ rudee a kun ɗiao neelé a to ndɔ gə́ loo a moŋg kaŋ.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.