Esai 2:11 - Maktub gə́ To gə Kəmee

¹¹ Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:11 ပူးပေါင်းရင်းမြစ်များ

2 Samel 22:28

I lé aji dəwje gə́ d’oso kul, Deḛ gə́ d’unda dɔ dee tar lé I aa dee gərərə ar dee d’ula dɔ dee naŋg.

Pakɔsje 18:27

Dəw gə́ àr ŋgad-ŋgad lé ndá I nja kara àr səa ŋgad-ŋgad ya ləm, Yeḛ gə́ njera némeeyèr lé kara I ra səa gə goo némeeyèr ləa ya ləm tɔ.

Pakɔsje 18:28

I lé aji dəwje gə́ d’oso kul, Nɛ deḛ gə́ d’unda dɔ dee tar lé ndá I orè dɔ dee naŋg més.

Pakɔsje 20:8

Njé gə́ yo nduna rɔ dee dɔ pusu-rɔje’g lə dee ləm, Njé gə́ nee nduna rɔ dee rɔ kundaje’g lə dee ləm tɔ, Nɛ jeḛ lé jeḛ m’ɓarje ri Ala lə sí gə́ Njesigənea̰ ya kára ba.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 94:2

I mbai gə́ njegaŋ-rəwta gə́ dɔ naŋg neelé Maji kari uba naŋg ḭta, Maji kari ra gə deḛ gə́ to njébeeleje lé Gə goo kula ra dee ra dee.

Gosota-Kəmkàrje 16:5

Nana ɓa gə́ to njebeelé lé Yeḛ to né gə́ mina̰ kəm Njesigənea̰’g, Tɔgərɔ, njea neelé a si lal kar bo̰ nérea ɔs təa’g el.

Gosota-Kəmkàrje 30:13

Ginkoji dəwje gə́ na̰je d’isi gən Gə́ to njébeeleje ləm, Né wa kəm dee el ləm tɔ.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 14:15

Nɛ d’ɔsi piriŋ d’ilai Ɓee lə njé gə́ d’wəi’g Mee bwa gə́ uru ŋgudu-ŋgudu’g.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 28:5

Mee ndəa’g neelé Njesigənea̰ gə́ njeboo-néje a to gə́ dɔgugu-ronduba Gə néɗɔi-rɔ mbata lə ges koso-dəwje ləa gə́ nai lé ləm,

Esai 29:18

Mee ndəa’g neelé njémbikuduje d’a koo ta Gə́ to mee maktub’g gə mbi dee ləm, Njékəmtɔje gə́ d’oo loo el lé D’a kunda ne loo mee loo gə́ ndul njudu-njudu’g teḛ ləm tɔ.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 4:1

Mee ndəa’g neelé denéje siri d’a korè na̰ dɔ diŋgam’d kára’g Ndá d’a kulá pana: J’a ko̰ muru lə síjeḛ ləm, J’a kiŋga kubuje lə síjeḛ ləm tɔ Nɛ rii ya ba ar sí j’unda dɔ sí’g ləm, Rɔkul ya ɔr dɔ sí’g ləm tɔ

Esai 40:23

Yeḛ nja ɓa ar mbaije tel To né gə́ gə mḭdé ba ləm, Ar njégaŋ-rəwtaje gə́ dɔ naŋg nee kara Tel to gə́ né el ləm tɔ.

Esai 52:6

Gelee gə́ nee ɓa koso-dəwje ləm d’a gər ne rim. Gelee gə́ nee ɓa mee ndəa’g neelé d’a gər gao to gə́ to ma nja ɓa m’pata: aa ooje yén m’aar nee.

Jeremi 12:9

Nédɔjije ləm lé tel to d’asəna Gə yel gə́ bèlee tila ɓal ləm, Gə jagmjər bèe ləm tɔ, Yee ɓa yelje gə́ njésɔ mar deeje Ree d’aḭ ne dəa sub ləm, Maji kar sí awje aw mbo̰je daje Gə́ mee wala’g lai Ar deeje ree d’usá mbad-mbad ya!

Jeremi 9:24

Njesigənea̰ pana: Aa ooje, ndɔje d’isi ree gə mba kam m’ar bo̰ néra deḛ lai gə́ d’inja tamɔd dee ɓa ɓó meḛ dee el lé ɔs ta dee’g keneŋ,

Ejekel 38:14

Gelee gə́ nee ɓa i ŋgon-dəw lé maji kari tegginta ula Gɔg pana: Mbaidɔmbaije gə́ Njesigənea̰ pa togə́bè pana: Oiyo, ndɔ gə́ koso-dəwje lə neḛ gə́ Israɛl d’a si gə́ majee ndá i a koo ya.

Ejekel 38:19

Neḛ m’pa njaŋg dan kəmkəḭ’g lə neḛ gə dan pər oŋg’d lə neḛ tɔ ndá mee ndəa’g neelé naŋg a yə ɓugu-ɓugu mee ɓee gə́ Israɛl’g.

Ejekel 39:11

Mee ndəa’g neelé n’a kar Gɔg loo gə́ a to dɔɓaree mee ɓee gə́ Israɛl, mee wəl-loo lə njékaw mbáje gə́ to par gə́ bər lə baa-boo-kad lé, dɔɓar neelé a kudu rəw dɔ njékaw mbáje’g. Lée neelé ɓa d’a dubu Gɔg gə dəw-bulaje ləa lai keneŋ ndá wəl-loo neelé d’a ɓaree wəl-loo lə koso-dəwje lə Gɔg.

Ejekel 39:22

Gel-bɔje lə Israɛl d’a gər to gə́ neḛ n’to Njesigənea̰, Ala lə dee un kudee mee ndəa’g neelé saar teḛ ne mee ndɔje gə́ d’a gə ree ɓəi.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Ojee 2:16

Gelee gə́ nee ɓa, aa oo, N’a kəree kɔree kaw səa dɔdilaloo’g Gə mba gɔl mée gə ta gə́ kul.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Ojee 2:21

Israɛl, m’a to njemɔr ləi gə́ gəd gə́ gə no̰ ləm, M’a to njemɔr ləi gə́ gəd gə goo meekarabasur ləm, Gə goo néra gə́ gə dɔ najee ləm, Gə goo meenoji ləma, gə goo meekɔrjol ləm tɔ.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Abdias 1:8

Njesigənea̰ pa pana: Mee ndəa’g neelé see n’a tuji njékəmkàrje gə́ Edɔm ləm, Gə njégosonégərje gə́ dɔ mbal’g lə Esawu ləm tɔ el wa.

Misee 2:3

Gelee gə́ nee ɓa Njesigənea̰ pa ne togə́bè pana: Aa ooje, neḛ n’la̰ji mee neḛ’g Gə mba kar meeko̰ oso dɔ ginkoji dəwje’g neelé. Seḭ a kasje kəm kɔrje gwɔs sí keneŋ el ləm, Seḭ a kasje kəm kundaje dɔ sí tar keneŋ el ləm tɔ Mbata ndəaje neelé a to ndɔ némeeko̰ ya.

Misee 4:6

Njesigənea̰ pana: Mee ndəa’g neelé N’a mbo̰ njémədje gə́ rɔ neḛ’g ləm, N’a mbo̰ deḛ gə́ n’tuba dee kédé N’ula ne kəm dee ndòo lé ləm tɔ.

Misee 5:10

N’a kar ɓee-booje Gə́ to mee ɓee’g lə sí tuji pugudu ləm, N’a tɔs kəi-kaar-kɔgərɔje lə sí lai tila ləm tɔ.

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Soponi 3:16

Mee ndəa’g neelé d’a kula Jerusalemje pana: Ɓəlje el! Seḭje gə́ Sio̰, Maji kar ji sí unda ndolè el!

Jakari 9:16

Njesigənea̰, Ala lə dee a kaji dee mee ndəa’g neelé To gə́ koso-nékulje lə koso-dəwje ləa bèe, Mbata deḛ to d’asəna gə jərje gə́ ndɔḭ mee dɔgugu’d Gə́ d’a ndogó mee ɓee’g ləa bèe.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

2 Njé gə́ Kɔrḭtə 10:17

Togə́bè ɓa yeḛ gə́ a gə ti rəa ndá maji karee ti rəa gə ri Mbaidɔmbaije ɓa.

2 Njé gə́ Kɔrḭtə 10:5

Nérɔje lə sí lé jeḛ j’unda ne tamaḭje gə nébeeléje lə dəwje gə́ ḭ udu rəw ɔg dee gər ta lə Ala j’unda dee ne naŋg rə̰dəŋ-rə̰dəŋ ləm, takə̰ji lə dəwje lai lé jeḛ n’kiri dee j’wa dee j’ar dee d’oso kul no̰ Kristi’g ləm tɔ.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.