Esai 19:5 - Maktub gə́ To gə Kəmee

⁵ Man baa-boo-kadje d’a kyi tə-tə ləm, Man baaje d’a tudu kurum-kurum ləm tɔ,

Esai 19:5 ပူးပေါင်းရင်းမြစ်များ

Maktub gə́ wɔji dɔ Jɔb 14:11

Kṵji ndag-manje teḛ ləm, Man baa-booje d’yi tudu kurum-kurum ləm tɔ.

Esai 15:6

Mbata manje gə́ Nimrim lé D’yi tə-tə ləm, Mu tudu kurum-kurum Ar mu gə́ təb gə́ idi lururu kara tuji pugudu ləm tɔ. Né gə́ to təb kára kara godo.

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Esai 37:25

I uru bwa-manje ndá I ai manje gə́ dɔɓee’g, Tɔɓəi dabla gɔli ɓa i a kar baaje lai gə́ Ejiptə Tudu ne kurum-kurum tɔ.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Jeremi 51:36

Gelee gə́ nee ɓa Njesigənea̰ pa ne ta togə́bè pana: Aa ooje, m’a kaḭ rɔ mbata lə sí ləm, M’a dal ba̰ lə sí ləm tɔ! M’a kar baa-boo-kad gə́ Babilɔn Tudu kurum-kurum ləm, M’a kar ŋgira mán ləa yi tə-tə ləm tɔ.

Ejekel 30:12

N’a kar kəm-rəw-manje tudu kurum-kurum ləm, n’a kila ɓee meḛ ji njémeeyèrje’g ləm tɔ, n’a kar ji dəw-dɔ-ɓeeje tuji ɓee gə néje gə́ to keneŋ pugudu-pugudu. Neḛ Njesigənea̰ ɓa m’pa bèe.

Jakari 10:11

D’a gaŋg baa-boo-kad gə́ to ka̰ néurti Ndá neḛ Njesigənea̰ n’a kunda paŋgəm mán baa-boo-kad ləm, Ɓul ma̰-booje d’a kyi tə-tə ləm tɔ, Ti-rɔ lə Asirije a tuji ləm, Kag-mbai ɓeeko̰ lə Ejiptəje kara a sané pá ləm tɔ.

Jakari 14:18

Ɓó lé ginkoji dəwje gə́ Ejiptə d’ḭ ree el ndá Ndi a koso dəa’g teŋ el, Yoo-koso a koso dəa’g gə́ to Njesigənea̰ unda ne ginkoji dəwje gə raŋg Gə́ lal kaw gə mba ra naḭ gə́ wɔji dɔ kəi-surumje lé bèe tɔ.