Esai 19:3 - Maktub gə́ To gə Kəmee

³ Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 19:3 ပူးပေါင်းရင်းမြစ်များ

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 17:14

Absalɔm gə Israɛlje lai pana: Takwɔji-kəmkàr lə Usai, dəw gə́ Arki lé ɓa maji unda takwɔji-kəmkàr lə Ahitopel. Nɛ Njesigənea̰ ɓa ra togə́bè mba tuji ne takwɔji kəmkàr lə Ahitopel gə mba kar némeeko̰ oso ne dɔ Absalɔm’g.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Mbaije 1:2

Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

Pakɔsje 107:27

Dɔ dee tel ne wagəsa ar dee d’unda ne ndolé Asəna gə dəw gə́ kido tɔlee bèe ləm, Goso-kwa-bato lə dee lé Tel udu ne bo̰ rɔ dee’g ləm tɔ.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Pakɔsje 76:12

Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 14:27

Né gə́ Njesigənea̰ gə́ njeboo-néje wɔji njaŋg lé See na̰ ɓa a kɔgee wa. Jia gə́ yeḛ tɔji lé See na̰ ɓa a kwa tel ne wa.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Esai 47:12

Maji kar sí síje dan nésukəmlooje’g lə sí Gə dan némbeḛje’g lə sí gə́ bula Gə́ seḭ ooje ne ndòo Mbata lə dee gə kas sí ba, Banelə seḭ a kiŋgaje némaji keneŋ, Banelə seḭ a tel toje ne dəwje gə́ to ɓəl kədm-kədm.

Esai 57:16

Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Jeremi 46:15

See gelee ban ɓa d’aw Gə njésiŋgamoŋje ləi lé wa. Deḛ d’aar kɔgərɔ el Mbata Njesigənea̰ ar dee toso.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ejekel 22:14

See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Loo gə́ killa rea kəm Daniel’g 1:20

Né gə́ rara gə́ wɔji dɔ kəmkàr gə gosonégər gə́ mbai dəji dee ta dɔ’g ndá yeḛ oo to gə́ deḛ d’ur dɔ njéra némɔrije’g gə njétən kéréméje lai gə́ d’isi ɓeeko̰’g ləa lé as gɔl dɔg ya.

Loo gə́ killa rea kəm Daniel’g 2:2

Mbai lé ula kula ɓar njéra némɔrije ləm, gə njétən kéréméje ləm, gə njéndo̰-ərje ləma, gə Kaldeje ləm tɔ mba kar deḛ d’ulá gin ni ləa. Deḛ ree d’aar no̰ mbai’g lé.

Loo gə́ killa rea kəm Daniel’g 5:7

Mbai lé ɔr ndia tar gə no̰ wəl mba kar dee d’ar njétən kéréméje ləm, gə Kaldeje ləma, gə njénékooje ləm tɔ lé ree rəa’g. Tɔɓəi mbai lé un ta ula njékəmkàrje gə́ Babilɔn pana: Nana ɓa gə́ a tura ta gə́ ndaŋg ləm, a kɔr gelee kam ləm tɔ ndá d’a kula kubu gə́ ndul piro-piro rəa’g ləm, d’a kila yeŋgəre gə́ ra gə larlɔr gwɔbee’g ləma, yeḛ a kiŋga loo-siée gə́ njekɔm’g munda loo-ko̰ɓee’g ləm tɔ.

1 Samel 25:37

Nɛ loo gə́ loo àr gə ndɔ ndá kido lé ḛ kəm Nabal’g ɓa dené ləa ɔr sor néje gə́ dəs lé aree ɓəi. Né ra ɓəŋgərə Nabal as yoo aree si dḭdiri tel to asəna gə kɔr mbal bèe.