Esai 19:25 - Maktub gə́ To gə Kəmee

²⁵ Njesigənea̰ gə́ njeboo-néje a tɔr ndia dɔ dee’g pana: Maji kar dɔ Ejiptəje gə́ to dəwje lə neḛ lé ai səgərə ləm, maji kar dɔ Asirije gə́ to kula gə́ ji neḛ ɓa ra lé ai səgərə ləma, maji kar dɔ Israɛlje gə́ to ka̰ neḛ lé ai səgərə ləm tɔ.

Esai 19:25 ပူးပေါင်းရင်းမြစ်များ

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 115:15

Maji kar Njesigənea̰ tɔr ndia dɔ sí’g ya, Yeḛ nja ra dara gə naŋg nee tɔ.

Pakɔsje 138:8

Njesigənea̰ a ra néje lai karee maji am, Njesigənea̰, meemaji ləi lé to saar gə no̰. Néje gə́ i ra gə jii lé maji kari uba dee ya̰ dee el.

Esai 19:24

Mee ndəa’g neelé Israɛl a to njekɔm dee’g munda gə́ ɔm na̰’d gə Ejiptə gə Asiri, tɔɓəi ɓeeje neelé d’a to né gə́ tɔr ne ndu dee dɔ dee’g.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 29:23

Mbata loo gə́ ŋganeeje d’a koo kulaje Gə́ jim ɓa ra mbuna dee’g lé ndá D’a kunda rim gə kəmee, D’a kunda Njerɔkunda lə Jakob gə kəmee ləm, D’a ɓəl ne Ala lə Israɛlje ləm tɔ.

Esai 45:11

Njesigənea̰, Njerɔkunda lə Israɛlje, Yeḛ gə́ njekunda dee lé pa togə́bè pana: See deḛ ndigi dəjim ta dɔ né gə́ a gə teḛ gogo wa. See deḛ ndigi kun ndu dee kam m’ra ne né gə́ wɔji dɔ ŋganəmje ləm, Gə dɔ kulaje gə́ jim ɓa ra dee ləm tɔ lé wa.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 61:9

D’a gər ginkoji dee mbuna ginkoji dəwje gə raŋg’g ləm, Gə ŋgaka deeje mbuna koso-dəwje’g ləm tɔ. Deḛ lai gə́ d’a koo dee lé D’a gər gao To gə́ deḛ to gə́ ginkoji dəwje Gə́ Njesigənea̰ tɔr ndia dɔ dee’g.

Esai 63:17

Ǝi Njesigənea̰, see gelee ban ɓa i ya̰ sí Ar sí ndəm rəwje’g ləi ləm, Ar meḛ sí ndər Ar sí j’ɔsje ne ta ɓəli lé rəw ləm tɔ wa. Maji kari tel ree mbata kuraje ləi Gə́ i unda dee dan kəmi’g, Deḛ gə́ to ginkojije Gə́ to gə nédɔjije ləi lé!

Esai 64:8

Ǝi Njesigənea̰, ar oŋg ləi al dɔ loo sula el, Ar məəi olé dɔ néra majelje’g lə sí saar-saar el, Aa oo, jeḛ n’toje gə́ dəwje ləi ya.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 2:7

Ma m’ar sí reeje mee ɓee’d Gə́ to asəna gə loo-ma̰a-kag-sɔ Gə mba kar sí sɔje ka̰deeje Gə néje gə́ maji dum gə́ teḛkɔr keneŋ. Nɛ loo gə́ seḭ reeje keneŋ ndá Seḭ arje ɓee ləm tel mina̰ ləm, Seḭ arje nédɔji ləm lé Tel to né gə́ mina̰ ləm tɔ.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Bula lə Israɛlje 24:1

Balaam oo to gə́ mee Njesigənea̰ lelee mba karee tɔr ndia dɔ Israɛlje’g ndá, yeḛ aw mba saŋg nésukəmlooje to gə́ kédé lé el ŋga nɛ yeḛ tel kəmee par gə́ dɔdilaloo’g ɓa.

Bula lə Israɛlje 6:24

Maji kar Njesigənea̰ tɔr ndia dɔi’g ləm, maji karee aa dɔi ləm tɔ!

Bula lə Israɛlje 6:27

Yee gə́ bèe ɓa d’a kunda ne rim dɔ Israɛlje’g, tɔɓəi m’a tɔr ne ndum dɔ dee’g tɔ.

Njé gə́ Rɔmə 3:29

Esé Ala lé see yeḛ to Ala lə Jibje nja gə kar dee ba wa. See yeḛ to ka̰ njétareeje to el wa. Bèe ya, yeḛ to ka̰ njétareeje ya tɔ.

Njé gə́ Galati 6:15

Kinja tamɔd əsé kinja tamɔd el kara to gə́ né el, tel to dəw gə́ sigi ɓa to né gə́ gəd ya.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

1 Piɛrə 2:10

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.