Esai 19:22 - Maktub gə́ To gə Kəmee

²² Togə́bè ɓa Njesigənea̰ a kunda Ejiptəje ya, yeḛ a kunda dee ya nɛ a tel kaji dee ɓəi, ndá deḛ d’a tel ree rɔ Njesigənea̰’g yeḛ gə́ a koo ndu dee ləm, a kaji dee ləm tɔ.

Esai 19:22 ပူးပေါင်းရင်းမြစ်များ

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

Maktub gə́ wɔji dɔ Jɔb 22:23

Ɓó lé i tel ree rɔ Bao-siŋgamoŋ’d ləm, Ɓó lé i ɔs néraje gə́ kori-kori rɔi’g rəw ləm tɔ ndá I a tel si maji ɓəi.

Maktub gə́ wɔji dɔ Jɔb 5:18

Yeḛ nja ar dəw doo nɛ yeḛ nja tɔ ta doo ləm, Yeḛ ar dəw iŋga doo nɛ jia-yeḛ nja aree ər kəmsə ləm tɔ.

Teḛ-Raga 8:4

Parao̰ ɓar Moyis gə Aaro̰ ula dee pana: Raje tamaji ta Njesigənea̰’g mba karee ɔr kurkuduje neelé dɔm’g pam ləm, gə dɔ dəwje’g ləm kara ləm tɔ, ndá m’a kya̰ loo kar dəwje neelé d’aw d’aw d’inja nékinjanéməsje d’ar Njesigənea̰ ya.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 57:18

Ma m’oo rəw-kabeeje Ndá m’a kajee tɔ, M’a to njekɔrnea̰ ləm, M’a to njegɔl mée-yeḛ Gə ka̰ dee-deḛ gə́ no̰ səa lé ləm tɔ.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Ejekel 29:13

Mbaidɔmbaije gə́ Njesigənea̰ pa togə́bè pana: Loo gə́ ləb rɔ-sɔ a kun ɗiao ndá n’a mbo̰ Ejiptəje mbuna koso-dəwje-dəwje gə́ neḛ n’sané dee keneŋ lé dɔ na̰’d.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Ojee 6:2

As ndɔ joo ba ya Yeḛ a kar sí n’tel j’isije kəmba, Ndɔ gə́ njekɔm’g munda ndá Yeḛ a k’un sí kur sí tar, Bèe ɓa j’a si ne kəmba nea̰’g ya.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

Ǝbrəje 12:11

Tɔgərɔ ya, né gə́ rara gə́ deḛ ra mba kwɔji sí ne kəmkàr lé kédé to kəmndoo ya ɓó rɔlel el, nɛ gée gə́ gogo ndá deḛ gə́ deḛ ra sə dee né togə́bè lé d’a si ne gə meekarabasur gə́ meḛ dee a kul ne tɔ.