Esai 19:20 - Maktub gə́ To gə Kəmee

²⁰ Yee ɓa a to nétɔji gə nékɔrgoota lə Njesigənea̰ gə́ njeboo-néje mee ɓee gə́ Ejiptə tɔ. D’a no̰ ɓar Njesigənea̰ mbata lə deḛ gə́ to njékula kəm dee ndooje ndá yeḛ a kar dee njekaji dee ləm, gə njekaḭ bada dɔ dee’g mba kɔm dee ne tar ləm tɔ.

Esai 19:20 ပူးပေါင်းရင်းမြစ်များ

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Teḛ-Raga 2:23

Ndɔje bula dəs ndá mbai gə́ njeko̰ɓee gə́ Ejiptə lé wəi tɔɓəi Israɛlje lé tuma̰ ŋgururu-ŋgururu gin kúla ɓər’g ya ɓəi ləm, deḛ sii gə no̰ mbigi-mbigi ləm tɔ. Ndu no̰je gə́ kúla ɓər ar dee no̰ neelé aw njal oso mbi Ala’g lé pad ya.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Esai 19:4

Mbaidɔmbaije gə́ to Njesigənea̰ gə́ njeboo-néje pana: M’a kɔm Ejiptəje meḛ ji mbai gə́ njera nékədərə ləm, Mbai gə́ to njemeeyèr A ko̰ɓee dɔ dee’g ləm tɔ.

Esai 20:4

Togə́bè ɓa mbai gə́ Asiri a kwa basaje gə ɓugaje gə́ Ejiptə kaw sə dee ɓee-ɓər’g, kubu a godo rɔ dee’g ləm, gɔl dee a to kari ba ləma, d’a kaw kudu dee dum ləm tɔ gə mba kila ne rɔkul dɔ Ejiptə’g ya.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 43:11

To ma nja ɓa m’to Njesigənea̰, Ɓó lé ma m’godo ndá Njekaji kára kara godo tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 45:15

Nɛ i Ala lə Israɛlje gə́ njekaji dee lé I to Ala gə́ iya rɔi.

Esai 52:5

Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Lugu 2:11

Kàr gə́ ɓogənè ɓa d’oji njekaji sí mee ɓee-boo’g lə Dabid d’ar sí, yeḛ to Kristi, Mbaidɔmbaije lé.

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.

Jujé 22:34

Rubḛje gə Gadje d’unda ri loo-nékinjaməs lé lə Ed mbata deḛ pa pana: Yee to nékɔrkəmta mbuna sí’g to gə́ Njesigənea̰ to Ala ya.