Esai 19:2 - Maktub gə́ To gə Kəmee

² Njesigənea̰ pana: M’a kɔs kudu dəw gə́ Ejiptə karee ḭ gə dəw gə́ Ejiptə maree Ndá ŋgako̰ na̰je d’a rɔ gə na̰ ləm, Baokuraje lə na̰ d’a rɔ gə na̰ ləm, Ɓee-boo a rɔ gə ɓee-boo maree ləma, Ɓeeko̰ a rɔ gə ɓeeko̰ maree ləm tɔ.

Esai 19:2 ပူးပေါင်းရင်းမြစ်များ

1 Mbaije 16:21

Gée gə́ gogo koso-dəwje gə́ Israɛl kai na̰ loo joo: ges dəwje gə́ na̰je ndigi kar Tibni, ŋgolə Ginat ɓa tel to mbai lə dee nɛ ges deḛ gə́ raŋg to ka̰ Ɔmri tɔ.

2 Sôrta Gḭka Israɛlje 15:6

ginkoji dəwje gə raŋg tuji na̰ ləm, njé gə́ ɓee-boo gə́ kára tuji njé gə́ ɓee-boo gə́ raŋg ləm tɔ mbata Ala ar néurtije ɓəd-ɓəd jɔg dee.

Esai 3:5

Dəwje d’a kula kəm na̰ ndòo mbuna na̰’d Yeḛ gə́ kára a kula kəm maree ndòo, Nana kara a kula kəm maree ndòo ya, Basa a kɔs dɔ ɓuga gə tar ləm, Dəw gə́ kari ba a koma̰ gə njeriɓar ləm tɔ.

Jeremi 46:12

Ginkoji dəwje gə raŋg d’oo Ta nérɔkul gə́ teḛ dɔi’g ləm, Gə́ kiije ləi gə́ ɓar Taa naŋg nee pəl-pəl ləm tɔ, Mbata njérɔje d’unda ndolè dɔ na̰’g ləm, Deḛ lai tɔr toso na̰’d ləm tɔ.

Jeremi 51:46

Maji kar meḛ sí pélé wəs-wəs el ləm, ɓəlje gə mba kaa néje gə́ seḭ ooje mee ɓee’g el ləm tɔ, mbata ləb neelé to ləb koo sor ta néje ləm, ləb gə́ njekorè gée lé sorta gə́ raŋg a ɓar ləm, néra kərm-kərm a taa loo mee ɓee’g pəl-pəl ləma, njedumdɔloo a kḭ rɔ gə maree gə́ njedumdɔloo lé ləm tɔ.

Ejekel 38:21

Mbaidɔmbaije gə́ Njesigənea̰ ɓa pa pana: N’a ɓar rɔ gə́ dəa’g dɔ mbalje’g lə neḛ lai, bèe ɓa nana kara a tel ta kiambas gə́ dɔ ŋgokea̰’g-ŋgokea̰’g.

Jakari 8:10

Mbata mee ndəa gə́ kédé lé Dəw ra kula ndá iŋga nédɔjiá el ləm, Nékulje kara d’iŋga né gə́ wɔji dɔ dee el ləm tɔ. Meekulɔm gə́ téḛ bèe kara godo Mbata lə deḛ gə́ d’andə kəi əsé deḛ gə́ teḛ raga Mbata lə njéba̰je lé, Bèe ɓa neḛ n’ya̰ dəwje lai N’ar dee d’oma̰ ne gə na̰ gə mbəa.

Matiyo 10:21

Noji na̰je gə́ diŋgam d’a tuji na̰ gə yoo ləm, bɔ ŋgon deḛ gə ŋgonee d’a ra bèe ləma, ŋganje kara d’a kḭ dɔ njékoji deeje’g gə mba tɔl dee ləm tɔ.

Matiyo 10:36

Njémeekəije kara d’a to njéba̰je lə njekəi ya.

Matiyo 12:25

Jeju gər takə̰ji lə dee gə́ nai meḛ dee’g ɓəi lé ndá yeḛ ula dee pana: Ɓeeko̰ gə́ rara kara ɓó lé d’ɔm meḛ dee na̰’d el ndá d’a kḭ gə na̰ tuji na̰. Ɓee-boo gə́ rara əsé kəi gə́ rara kara ɓó lé d’ɔm meḛ dee na̰’d el ndá d’a si el tɔ.

Matiyo 24:7

Ginkoji dəwje gə raŋg d’a kḭ gə na̰ ləm, njéɓeeko̰je kara d’a kḭ gə na̰ ləm tɔ. Loo gə́ na̰je bula ɓoo-boo a koso dɔ dəwje’g ləm, naŋg kara a yə ləm tɔ.

Mark 3:24

Ɓó lé dəwje gə́ mee ɓeeko̰ gə́ kára d’ḭ kai na̰ loo joo rɔ na̰ ndá ɓeeko̰ neelé a to el,

Njéga̰g-Rəwtaje 7:22

Dəwje gə́ tɔl-munda (300) lé tel d’im to̰to̰je ya tɔɓəi, ndá mee loo-si dee’g lai lé Njesigənea̰ ar dee-deḛ nja tel tɔs na̰ gə kiambas. Njérɔje d’aḭ saar teḛ Bet-Sita par gə́ Serera saar teḛ ŋgaŋ loo’g lə Abel-Mehola gə́ to ta Tabat’g dəb.

Njéga̰g-Rəwtaje 9:23

Tɔɓəi Ala ar ta tḭ-na̰ oso mbuna Abimelek’g gə njé gə́ Sikem ndá dəwje gə́ d’isi Sikem lé d’ila ŋgonkoji dɔ Abimelek’g el

1 Samel 14:16

Njéŋgəmlooje lə Sawul gə́ d’isi Gibea lə Bḛjamije lé d’aa loo ndá d’oo to gə́ koso-dəwje d’ḭ sanéna̰ d’aw yo gə́ nee.

1 Samel 14:20

Tɔɓəi Sawul gə njérɔje lai gə́ d’aw səa lé mbo̰ dɔ na̰ d’ɔr rɔ d’aw saar teḛ loo-rɔ’g ndá aa ooje, Pilistije nja tel tɔs na̰ gə kiambas, ar kaw gə́ d’aw dɔ na̰’d pum-pum lé al dɔ loo sula.