Esai 19:19 - Maktub gə́ To gə Kəmee

¹⁹ Mee ndəa’g neelé ya loo-nékinjaməs lə Njesigənea̰ a to keneŋ mbuna ɓeeje gə́ Ejiptə ləm, nékolé-mee gə́ d’unda tar gə́ wɔji dɔ Njesigənea̰ a to rəw-nim-ɓee’g lé ləm tɔ.

Esai 19:19 ပူးပေါင်းရင်းမြစ်များ

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 28:18

Jakob ḭta gə ndɔ rad. Yeḛ un kɔr mbal gə́ yeḛ gəd ne dəa lé unda gə́ nékolé-mee ndá yeḛ tər ubu dɔ’g.

Pakɔsje 68:31

Da gə́ loo-siée to mee mu-kwaa’g ləm, Gə koso-bɔ maŋgje gə ŋgan maŋgje lə koso-dəwje neelé Gə́ d’unda barmba nɔḭ’g gə larndaje lə dee ləm tɔ lé Maji kari ḭ sə dee ar dee ndəb pəd-pəd, Koso-dəwje gə́ mal rɔ ra dee kara Maji kari sané dee kad-kad ləm tɔ.

Teḛ-Raga 24:4

Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Esai 66:23

Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Jeremi 46:2

Ta gə́ wɔji dɔ Ejiptə. Ta gə́ wɔji dɔ njérɔje lə Parao̰ Neko, mbai gə́ Ejiptə gə́ si mbɔr baa-boo gə́ Epratə, mee ɓee gə́ Karkəmis ləm, gə́ Nebukadnesar, mbai gə́ Babilɔn dum dee mee ləb ko̰ɓee lə Jojakim, ŋgolə Jojias, mbai gə́ Juda gə́ njekɔm’g sɔ ləm tɔ.

Ejekel 29:1

Mee ləb gə́ njekɔm’g dɔg lé naḭ gə́ njekɔm’g dɔg ra ndɔ dɔg-giree-joo ndá Njesigənea̰ ulam ta gə rɔtaje nee pana:

Ejekel 30:1

Njesigənea̰ ulam ta gə rɔtaje nee pana:

Ejekel 31:1

Mee ndɔ gə́ dɔtar gə́ mee naḭ gə́ njekɔm’g munda mee ləb gə́ njekɔm’g dɔg-giree-kára lé Njesigənea̰ ulam ta gə rɔtaje nee pana:

Ejekel 32:1

Ndɔ gə́ dɔtar gə́ mee naḭ gə́ njekɔm’g dɔg-giree-joo mee ləb gə́ njekɔm’g dɔg-giree-joo lé Njesigənea̰ ulam ta gə rɔtaje nee pana:

Jakari 6:15

Deḛ gə́ d’ɔr rɔ dee d’aw əw lé d’a tel ree ləm, d’a ra kula gɔl kəi lə Njesigənea̰ gə́ to gə kəmee gogo ləm tɔ. Ndá seḭ a gərje gao to gə́ Njesigənea̰ gə́ njeboo-néje ɓa ulam rɔ sí’g. Ɓó lé seḭ ilaje ŋgonkoji dɔ ndukun’g lə Njesigənea̰ gə́ to Ala lə sí lé ndá né neelé a kaw lée’g béréré ya.

Ǝbrəje 13:10

Loo-nékinjaməs lə sí to keneŋ nɛ deḛ gə́ ra kula kəi-kubu-kiŋga-na̰’g lé d’askəm sɔ né lée’g el.

Jujé 22:10

Loo gə́ deḛ teḛ dɔ naŋg’d mbɔr baa gə́ Jurdɛ̰ gə́ wɔji dɔ ɓee gə́ Kana̰ lé ndá, Rubḛje gə Gadje, gə ges ginkoji Manasə ra loo-nékinjaməs keneŋ ta baa gə́ Jurdɛ̰, yee gə́ to loo-nékinjaməs gə́ boi yaa̰ gə́ to tar ɗaŋg kəm dee’g lé.

Jujé 22:26

Bèe ɓa jeḛ m’paje ne m’pana: Ar sí n’raje loo-nékinjaməs mbata lə nékinjanéməsje gə́ ka̰ roo əsé mbata lə nékinjanéməsje gə́ raŋg lé el

Jujé 22:27

nɛ mba karee to nékɔrkəmta mbuna síjeḛ sə síje’g ləm, mbuna ŋgaka síje gə ŋgaka sí-seḭje’g ləm tɔ, to gə́ jeḛ ndigi ra né no̰ Njesigənea̰’g gə nékinjanéməsje gə́ ka̰ roo ləm, gə nékinjanéməsje gə ka̰ kuga dɔ kaiya ləma, gə nékinjanéməsje gə́ ka̰ kɔm na̰’d ləm tɔ, mba kar ndɔ gə́ raŋg ŋgan sí-seḭje d’a kula ŋgan síjeḛje pana: Né lə sí kára kara to rɔ Njesigənea̰’g el lé d’a kaskəm pa bèe el.

Jujé 22:28

Jeḛ j’ə̰jije ta meḛ sí’g m’pana: ndɔ gə́ raŋg, ɓó lé d’a kula sí ta togə́bè əsé d’a kula ŋgaka síje taree bèe ndá j’a kila deeje keneŋ pana: Ooje loo-nékinjanéməsje gə́ bɔ síje-je ra gə́ to tana gə loo-nékinjaməs lə Njesigənea̰ lé. Nɛ deḛ ra mbata lə nékinjaməs gə́ ka̰ roo əsé nékinjanéməsje gə́ raŋg el nɛ gə mba karee to nékɔrkəmta mbuna síjeḛ sə síje’g ɓa.

Jujé 22:34

Rubḛje gə Gadje d’unda ri loo-nékinjaməs lé lə Ed mbata deḛ pa pana: Yee to nékɔrkəmta mbuna sí’g to gə́ Njesigənea̰ to Ala ya.