Esai 19:13 - Maktub gə́ To gə Kəmee

¹³ Dəwje gə́ boo gə́ Soa̰ to mbəje ləm, Dəwje gə́ boo gə́ Nop lé D’ɔm meḛ dee dɔ nésukəmloo’g ləma, Mbaije lə ginkoji dəwje gə raŋg lé Deḛ su kəm Ejiptəje d’ar dee ndəm ləm tɔ.

Esai 19:13 ပူးပေါင်းရင်းမြစ်များ

Esai 19:11

Dəwje gə́ boo gə́ Soa̰ to gə́ mbəje ba ləm, Njékɔjita-kəmkàrje lə Parao̰ d’ulá ta mbə ləm tɔ. See ban ɓa seḭ ulaje Parao̰ pajena: Ma m’to ŋgolə njékəmkàrje ləm, N’toje ŋgalə mbaije gə́ ləw ləm tɔ lé wa.

Jeremi 2:16

Ŋgalə Nop gə Tapanɛs kara D’a tɔ ka dɔ sí rɔb-rɔb ya.

Jeremi 44:1

Ta gə́ oso mbi Jeremi’g wɔji dɔ Judaje lai gə́ d’isi mee ɓee gə́ Ejiptə, mee ɓee-booje gə́ Migdɔl, gə Tapanɛs, gə Nop, gə mee ɓee gə́ Patros ləm tɔ lé ɓa nee:

Jeremi 46:14

Ilaje mberee mee ɓee gə́ Ejiptə ləm, Ar deeje d’oo taree loo gə́ Migdɔl ləma, Ar deeje d’oo taree mee ɓee-boo Gə́ Nop gə Tapanɛs ləm tɔ Pajena: Ḭta wa dɔ gɔl rɔi, Mbata kiambas sɔ né gugu dɔi sub!

Jeremi 46:19

Waje dɔgɔl rɔ sí Mba kaw ɓee-ɓər’g, Seḭ gə́ síje Ejiptə Gə́ toje asjena gə ŋgama̰dje bèe lé. Mbata Nop a tel dɔdilaloo ləm, A tuji pugudu-pugudu ləma, Dəw kára kara a kisi keneŋ el ŋga ləm tɔ.

Ejekel 30:13

Mbaidɔmbaije gə́ Njesigənea̰ pa togə́bè pana: N’a tuji magə-poleje ləm, n’a tɔr néndajije gə́ gə mḭdé ba mee ɓee gə́ Nop rɔd-rɔd ləm tɔ. Mbai gə́ njekaa dɔ dəb ɓeeko̰ gə́ Ejiptə a godo ləm, n’a kɔm ɓəl-boo dɔ ɓee gə́ Ejiptə’g ləm tɔ.

Ejekel 30:14

N’a kar Patros tel to dɔ nduba ləm, n’a kila pər dɔ Soa̰’g ləma, n’a gaŋgta dɔ No’g ləm tɔ.

Ejekel 30:16

N’a kila pər dɔ ɓee gə́ Ejiptə’g, néɓəŋgərəti a ra njé gə́ Sḭ ləm, kəm ndògo-bɔrɔ gə́ ta̰ lé a kar No to raga ndəgəsə ləma, tɔɓəi njéba̰je lə Nop lé d’a dum dəa dan kàrá ləm tɔ.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Jakari 10:4

Mbal kunda dɔkum kəi a kḭ rəa’g ləm, Ŋgawlar ɓər né kara a kḭ rəa’g ləma, Ɓandaŋ rɔ kara a kḭ rəa’g ləm tɔ. Mbaije lai kara d’a kḭ rəa’g na̰’d tɔ.

Bula lə Israɛlje 24:17

Ma m’ée nɛ to gə́ ɓasinè el ɓəi, Ma m’eaa, nɛ aar mbɔrm’g dəb el tɔ. Kérémé ḭ rɔ Jakob’g ləm, Kag-mbai ḭ rɔ Israɛl’g ləm tɔ. Yeḛ kunda ŋgo no̰ njé gə́ Moab tɔ ləm, Yeḛ kunda dɔ ŋgalə Set lai ləm tɔ.

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

1 Piɛrə 2:7

Seḭ gə́ ɔmje meḛ sí dəa’g lé ndá rɔ sí lel sí mbata yeḛ to gə́ né gə́ to gə́ ŋgonkəm sí ya. Nɛ deḛ gə́ d’ɔm meḛ dee dəa’g el ndá Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd ləm, Gə nétuga gɔl dee ləma, Gə né gə́ a kar dee d’oso ne nja ləm tɔ.

1 Samel 14:38

Sawul pana: Reeje gə́ nee, seḭ lai gə́ toje mbai dɔ ɓée njérɔje neelé ndá saŋgje loo mba koo see kaiya ɗi ɓa ɓogənè raje wa.