Esai 19:11 - Maktub gə́ To gə Kəmee

¹¹ Dəwje gə́ boo gə́ Soa̰ to gə́ mbəje ba ləm, Njékɔjita-kəmkàrje lə Parao̰ d’ulá ta mbə ləm tɔ. See ban ɓa seḭ ulaje Parao̰ pajena: Ma m’to ŋgolə njékəmkàrje ləm, N’toje ŋgalə mbaije gə́ ləw ləm tɔ lé wa.

Esai 19:11 ပူးပေါင်းရင်းမြစ်များ

1 Mbaije 5:10

Kəmkàr lə Salomo̰ ur dɔ ka̰ ŋganje gə́ Bər lai ləm, gə ur dɔ kəmkàr’g lə njé gə́ Ejiptə lai ləm tɔ.

Maktub gə́ wɔji dɔ Jɔb 12:17

Yeḛ aw gə njékəmkàrje ɓee-ɓər’g ləm, Yeḛ ar takə̰ji lə njégaŋ-rəwtaje tel to ta mbə ləm tɔ.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Pakɔsje 73:22

M’oo to gə́ m’to mbə-dəw gə́ m’lal gosonégər ya. M’to asəna gə da bèe kəmi’g.

Pakɔsje 78:12

Yeḛ ra néje gə́ dumkoo Kəm bɔ deeje-je’g mee ɓee gə́ Ejiptə’g Gə mee ɓee-boo gə́ Soa̰’g ya.

Pakɔsje 78:43

D’ar meḛ dee wəi dɔ némɔrije Gə́ yeḛ ra mee ɓee gə́ Ejiptə’g ləm, Gə dɔ néje gə́ dumkoo Gə́ yeḛ ra mee ɓee-boo gə́ Soa̰’g lé ləm tɔ.

Pakɔsje 92:6

Ǝi Njesigənea̰, néraije lé boo, al dɔ loo sula ya ləm, Takə̰jije ləi kara uru yaa̰ ya ləm tɔ.

Teḛ-Raga 8:14

Njéra némɔrije kara ra némɔrije lə dee ɓəd-ɓəd mba kar nduji naŋg tel ŋgisaje, nɛ dum dee ŋga. Tɔɓəi ŋgisaje lé to dɔ dəwje’g ləm, gə rɔ daje’g ləm tɔ.

Teḛ-Raga 8:4

Parao̰ ɓar Moyis gə Aaro̰ ula dee pana: Raje tamaji ta Njesigənea̰’g mba karee ɔr kurkuduje neelé dɔm’g pam ləm, gə dɔ dəwje’g ləm kara ləm tɔ, ndá m’a kya̰ loo kar dəwje neelé d’aw d’aw d’inja nékinjanéməsje d’ar Njesigənea̰ ya.

Gosota-Kəmkàrje 30:2

Tɔgərɔ ya, ma lé m’gər né el m’unda dəw gə́ rara kara ləm, M’iŋga gosonégər gə́ ka̰ dəw el ləm tɔ,

Esai 19:13

Dəwje gə́ boo gə́ Soa̰ to mbəje ləm, Dəwje gə́ boo gə́ Nop lé D’ɔm meḛ dee dɔ nésukəmloo’g ləma, Mbaije lə ginkoji dəwje gə raŋg lé Deḛ su kəm Ejiptəje d’ar dee ndəm ləm tɔ.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 30:4

Mbaije ləa teḛ Soa̰’g mba̰ ləm, Njékulaje ləa kara teḛ Hanɛs’g ləm tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Jeremi 10:21

Njékul dəwje lé kəmkàr lə dee godo, Deḛ ndolè goo Njesigənea̰ el, Yee gə́ bèe ɓa deḛ teḛ ne kɔr el ləm, Dəwje lə deḛ lai sané ne na̰ kad-kad ləm tɔ.

Jeremi 46:17

Lée neelé deḛ ra né wəl keneŋ pana: Parao̰, mbai gə́ Ejiptə, To kaa né gə́ ɓar gə́ ɓar ba ya, Yeḛ ar kàree dəs mba̰.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Jeremi 8:9

Njékəmkàrje lé kəm sɔḭ wa kəm dee ləm, Ta igi dee sel ar dee d’isi jim ləm tɔ, Aa ooje, deḛ d’ə̰ji ta lə Njesigənea̰ bəḭ-bəḭ Ndá see kəmkàr ɗi ɓa d’aw ne wa.

Ejekel 28:17

I beelé məəi’g mbata maji péd-péd ləi ləm, ndubarɔ ləi lé ari tuji ne kəmkàr ləi ləm tɔ, neḛ n’ɔsi n’ilai naŋg n’ari tel to né mbo̰ kəm dɔ’g lə mbaije ya.

Ejekel 30:14

N’a kar Patros tel to dɔ nduba ləm, n’a kila pər dɔ Soa̰’g ləma, n’a gaŋgta dɔ No’g ləm tɔ.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

Abdias 1:7

Deḛ lai gə́ d’ɔm sə sí na̰’d lé Deḛ korə sí njal Teḛ sə sí rəw-nim-ɓee’g ləm, Baokuraje lə sí kara Su kəm sí dum ne dɔ sí ləma, Deḛ gə́ d’o̰ muru lə sí kara D’iya gumje no̰ sí’g ləm tɔ Nɛ kəm sí inja dɔ’g ar sí gərje el ya saar.

Abdias 1:8

Njesigənea̰ pa pana: Mee ndəa’g neelé see n’a tuji njékəmkàrje gə́ Edɔm ləm, Gə njégosonégərje gə́ dɔ mbal’g lə Esawu ləm tɔ el wa.

Bula lə Israɛlje 13:22

D’un rəw par gə́ dɔkɔl ndá d’aw saar teḛ Ebro̰, lé neelé Ahiman, gə Sesai gə Talmai, ŋgalə Anak d’isi keneŋ. Ebro̰ lé deḛ ra as ləb siri kédé ɓa ra Soan gə́ mee ɓee gə́ Ejiptə ɓəi.

Néra Njékaḭkulaje 7:22

Deḛ ndoo Moyis gosɔkəmkàr lə njé gə́ Ejiptə lai, aree moŋg dɔ ta’g ləm, gə dɔ néra’g ləm tɔ.