Esai 18:5 - Maktub gə́ To gə Kəmee

⁵ Kédé ɓa mba kinja kandə né ɓəi lé, Loo gə́ kwa-rɔm ləa as lé ləm, Loo gə́ pudu tel to ka̰dee gə́ ər kəm ləm tɔ Ndá yeḛ tḭja barkəmeeje gə kia tḭja barkəm nduú ləm, Yeḛ tuga barkəmeeje gə́ majel gə́ to rɔ kag-nduú’g ləm tɔ.

Esai 18:5 ပူးပေါင်းရင်းမြစ်များ

Pa gə́ ur dɔ paje 2:13

Kodé andə gə ka̰deeje gə́ dɔtar ləm, Baḭ nduúje gə́ d’aw pudu lé kara Ǝ̰də sululu ləm tɔ. Njemɔr ləm gə́ m’undai dan kəm’g lé Uba naŋg ḭta gə́ ree!

Pa gə́ ur dɔ paje 2:15

Twaje tàlje lé ar síje, Ŋgan tàlje gə́ d’aw tuji nduúje, Mbata nduúje lə sí d’aw pudu.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.