Esai 18:2 - Maktub gə́ To gə Kəmee

² I gə́ ula njékaḭkulaje Gə rəw gə́ dan baa-boo-kad’g Gə toje gə́ d’ɔs dee gə mu ŋgawlal Gə́ to dɔ mán’d pana: Awje, seḭ njékaḭkulaje gə́ njérɔkwɔilɔje, Awje gə́ rɔ ginkoji dəwje gə́ to ɓəl kədm-kədm’g ləm, Gə́ rɔ dee to kɔgərɔ-kɔgərɔ ləm tɔ, Awje rɔ dəwje gə́ to ɓəl kədm-kədm’g Un kudee ləw ba gə́ deḛ d’isi ne ləm, Rɔ ginkoji dəwje gə́ to njésiŋgamoŋje Gə́ to njétuji néje lai ləma, Deḛ gə ɓeeje lə dee lé mán baaje unda dee dana gaŋg dee ləm tɔ.

Esai 18:2 ပူးပေါင်းရင်းမြစ်များ

2 Sôrta Gḭka Israɛlje 14:9

Asa teḛ aw iŋgá ndá deḛ d’wa dɔ gɔl rɔ dee kel wəl-loo gə́ Sepata mbɔr Maresa’g.

2 Sôrta Gḭka Israɛlje 16:8

Kédé lé see Etiopije gə Libije d’ɔm na̰’d tel to boo-njérɔje gə́ d’aw gə pusu-rɔje gə njérɔ gə kundaje gə́ bula digi-digi el wa. Nɛ lé bèe kara Njesigənea̰ ya̰ dee jii’g mbata i nam kaaree’g ya.

Maktub gə́ wɔji dɔ Jɔb 9:26

Deḛ dəs péd asəna gə toje gə́ d’ɔs dee gə ŋgawlal bèe ləm, Asəna gə niŋgatə̰də gə́ dəb dɔ nékwa’g ləa gə siŋga bèe ləm tɔ.

Teḛ-Raga 2:3

Nɛ loo gə́ yeḛ askəm kiyá el ŋga ndá yeḛ un budu gə́ d’ɔs gə mu-bər, ɔr tibi bia̰ gə tibi ɓida gir budu’g ləm, gə mée’g ləm tɔ gərərə-gərərə ɓa yeḛ ila ŋgon neelé mèe’g ndá unda mbuna kó-ab’d gə́ to ta baa’g.

Esai 18:7

Mee ndəa’g neelé koso-dəwje gə́ to njésiŋgamoŋje gə́ d’aw kɔgərɔ-kɔgərɔ ləm, koso-dəwje gə́ to ɓəl kədm-kədm un kudee ləw ba gə́ d’isi ne ləma, ginkoji dəwje gə́ to njésiŋgamoŋje gə́ njétuji néje lai lé, deḛ gə́ mán baaje unda ɓeeje lə dee dana gaŋg ləm tɔ lé d’a ree gə nékarje kar Njesigənea̰ gə́ njeboo-néje ya. D’a kaw ne loo gə́ ri Njesigənea̰ gə́ njeboo-néje ɓar keneŋ dɔ mbal gə́ Sio̰ ya.

Jeremi 49:14

Ma m’oo sorta gə́ ḭ rɔ Njesigənea̰’g, D’ula njekaḭkula kára Mbuna ginkoji dəwje gə raŋg’g pana: Maji kar sí mbo̰je dɔ na̰ aw iŋga deeje Ḭje tar awje aw rɔje sə dee.

Ejekel 30:9

Mee ndəa’g neelé njékaḭkulaje d’a kḭ rɔ neḛ’g kaw gə batoje kaw jɔg Etiopije loo-si-lɔm’g lə dee, ɓəl-boo a to mbuna dee’g to gə́ mee ndɔ ka̰ Ejiptə’g bèe mbata aa oo, néje neelé si aw gə́ nee dəb ŋga!

Abdias 1:1

Némḭdi gə́ Abdias oo lé ɓa nee: Mbaidɔmbaije gə́ Njesigənea̰ pata togə́bè wɔji ne dɔ Edɔm pana: Jeḛ j’oo ta gə́ ḭ rɔ Njesigənea̰’g ləm, D’ula njekaḭkula mbuna ginkoji dəwje gə raŋg’g ləm tɔ Pana: Ubaje naŋg ḭje tar, Ar sí j’aw j’iŋgaje Edɔm gə mba rɔ səa.

Habakuk 1:7

Deḛ to ɓəl kədm-kədm ar dəwje ɓəl dee ne ləm, Deḛ ti rɔ dee d’wɔji ne dɔ né gə́ kəm kar dee ra ləma, D’wɔji ne loo-boo lə dee ləm tɔ.

Lugu 10:19

Aa ooje, ma m’ar sí siŋgamoŋ gə mba kar sí tubaje ne dɔ lije ləm, gə dɔ mbai-yḭje ləma, gə dɔ siŋgamoŋ lə njeba̰ bura ləm tɔ. Né kára kara a ra sí karee al dɔ siŋga sí el.