Esai 17:9 - Maktub gə́ To gə Kəmee

⁹ Mee ndəa’g neelé ɓee-booje ləa gə́ siŋga dee to kédé lé d’a tel to asəna gə né gə́ tuji mee kag-kɔr’g əsé dɔ sém mbal gə́ d’uba d’ya̰ no̰ Israɛlje’g bèe ndá a tel to gə́ dɔ nduba.

Esai 17:9 ပူးပေါင်းရင်းမြစ်များ

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 17:8

yeḛ a tel kəmee gə́ dɔ loo-nékinjanéməsje gə́ to né gə́ jia ɓa ra dee lé el ŋga ləm, yeḛ a kaa néje gə́ ŋgan jia ɓa ra dee gə́ to magə-Astarté gə néndajije gə́ wɔji dɔ kàr lé el ŋga ləm tɔ.

Esai 27:10

Mbata ɓee-boo gə́ siŋgá ŋgəŋ lé Tel to dɔ nduba, Tel to gə́ loo-si gə́ d’uba d’ya̰ D’aree to gə́ dɔdilaloo bèe, Loo-kaar-nékulje lé ŋgon maŋg ɓa a to keneŋ Mba sɔ barkəm kagje.

Ojee 10:14

Koso-dəwje lə sí d’a kaw dɔ na̰’d pum-pum, Tɔɓəi kəi-kaar-kɔgərɔje lə sí lai d’a tuji To gə́ tuji ne Salman-Bet-Arbel ndɔ rɔ’g Loo gə́ deḛ kunda ne ko̰ ŋganje Gə ŋgan deeje vaga-vaga tɔl dee ne bèe.

Amɔs 7:9

Dɔ looje lə ŋgaka Isaakje gə́ ndəw lé D’a tɔs tila ləm, Kəi gə́ to gə kəmee lə Israɛlje lé kara D’a tuji pugudu-pugudu ləm tɔ Ndá n’a kḭ kur dɔ ɓeeko̰’g lə Jeroboam gə kiambas tɔ.

Misee 5:11

N’a kar nésukəmlooje gə́ to ji sí’g tuji ləm, Njétən kéréméje kara d’a godo ləm tɔ.

Misee 6:16

Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Misee 7:13

Ges ɓee gə́ nai lé a tel to dɔdilaloo Mbata dəwje gə́ d’isi keneŋ Mbata lə kandə néra gə́ yèr lə dee lé.