Esai 17:8 - Maktub gə́ To gə Kəmee

⁸ yeḛ a tel kəmee gə́ dɔ loo-nékinjanéməsje gə́ to né gə́ jia ɓa ra dee lé el ŋga ləm, yeḛ a kaa néje gə́ ŋgan jia ɓa ra dee gə́ to magə-Astarté gə néndajije gə́ wɔji dɔ kàr lé el ŋga ləm tɔ.

Esai 17:8 ပူးပေါင်းရင်းမြစ်များ

2 Samel 22:42

Deḛ no̰ wəl-wəl nɛ Dəw kára kara gə́ njekaji dee godo! Deḛ no̰ wəl ɓar Njesigənea̰ nɛ Yeḛ kara tel ila dee keneŋ el tɔ.

2 Sôrta Gḭka Israɛlje 14:5

Yeḛ ra ɓee-booje gə́ d’ila ndògo-bɔrɔ gugu ne dɔ dee sub-sub dɔ naŋg gə́ Juda mbata mee ləbje’g neelé rɔ godo ar loo to lɔm, mbata Njesigənea̰ aree loo kwa rəa ya.

2 Sôrta Gḭka Israɛlje 31:1

Loo gə́ deḛ ra naḭ lé tɔl bém mba̰ ndá deḛ lai gə́ to Israɛlje gə́ d’aar keneŋ lé d’ɔd d’aw mee ɓee-booje gə́ Juda d’aw təd néndajije, gə tuji magəje, gə tuji dɔ looje gə́ ndəw gə loo-nékinjanéməsje mee ɓee’g lə Judaje gə Bḛjamije lai ləm, gə mee ɓee’g lə Eprayimje gə Manasəje ləm tɔ pugudu-pugudu. Tɔɓəi Israɛlje tel d’aw mee ɓee-booje’g lə dee, ar nana kara tel aw mee kəi’g ləa-ləa.

2 Sôrta Gḭka Israɛlje 34:4

Yeḛ ar dee tɔs loo-nékinjanéməsje lə magə-Baal tila dee nea̰’g ləm, yeḛ ar dee d’unda néndajije gə́ d’unda dee gə kəmee d’ar kàr lé təd njigi-njigi ləm tɔ. Yeḛ tɔ magəje gə néndajije gə́ tɔl gə néndajije gə́ léḛ lé pɔs-pɔs ar dee to d’asəna gə nduji naŋg bèe ndá yeḛ ɔm dee dɔɓar dee-deḛ gə́ d’inja nékinjanéməsje d’ar dee kédé lé

Teḛ-Raga 34:13

Né gə́ kəm ra ɓa to nee: Seḭ a tɔsje loo-nékinjanéməsje lə dee tilaje ləm, a tədje néje lə dee gə́ tɔl gə́ néndajije ləma, a janéje magəje lə dee ləm tɔ.

Esai 1:29

Rɔ sí a kul Mbata kagje gə́ seḭ pole deeje ləm, Kəm sɔḭ a dəb dɔ sí’g Mbata loo-pole-néje lə sí Gə́ seḭ ɔrje kəmee lé ləm tɔ.

Esai 10:20

Mee ndəa’g neelé ges Israɛlje gə́ to ŋgaka Jakob gə́ nai lé d’a kəw nduna rɔ dee rɔ yeḛ gə́ njekula kəm dee ndoo’g, d’a nduna rɔ dee gə meḛ dee bura rɔ Njesigənea̰ gə́ to Njerɔkunda lə Israɛlje lé.

Esai 17:9

Mee ndəa’g neelé ɓee-booje ləa gə́ siŋga dee to kédé lé d’a tel to asəna gə né gə́ tuji mee kag-kɔr’g əsé dɔ sém mbal gə́ d’uba d’ya̰ no̰ Israɛlje’g bèe ndá a tel to gə́ dɔ nduba.

Esai 2:8

Magə-poleje taa loo mee ɓee’g pəl-pəl, Deḛ d’unda barmba no̰ né’d gə́ deḛ ra gə ji dee lé Gə no̰ né’d gə́ ŋgan ji dee-deḛ ya ra tɔ.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Esai 30:22

Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 37:19

d’ɔm magəje lə dee dan pər’g ya ləm tɔ, nɛ dee to Ala el, to néje gə́ ji dəwje ɓa ra dee gə kag əsé mbal, yee ɓa deḛ tuji dee ne ya.

Esai 41:29

Aa ooje, deḛ lai to né gə́ kari ba ləm, Kula ra dee to gə́ né el ləma, Magəje lə dee kara to gə́ lel gə́ ula kari ba ləm tɔ.

Esai 44:15

Kagje neelé to mba kar dəw ra ne pər, Yeḛ odo dee yel ne pər ndibi ləm, Yeḛ ra ne pər kɔré ne muru ləm tɔ, Nɛ yeḛ tel unda dee gə́ magəje wa dee mée’g ləm, Yeḛ tɔl dee gə́ magəje unda barmba no̰ dee’g ləm tɔ.

Jeremi 17:2

To gə́ d’ə̰ji dɔ ŋgan deeje’g bèe lé deḛ d’ə̰ji dɔ loo-nékinjanéməsje’g le dee togə́bè ləm, Gə dɔ magə-Astartéje’g le dee gə́ to mbɔr kagje gə́ təb’g gə dɔ dɔdərlooje gə́ ndəw’g ləm tɔ.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ojee 14:8

Dəwje gə́ d’isi ndilee’g lé D’a tel ree ləm, D’a ndɔ kó yaa̰ ləm, D’a kidi pug-pug to gə́ nduú bèe ləma, Riɓar lə dee a to kasəna gə riɓar lə mán-nduú gə́ Liba̰ bèe ləm tɔ.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Soponi 1:3

N’a tuji dəwje gə daje ləm, Gə yelje gə ka̰jije gə́ dan baa-boo-kad’g ləma, Gə nérɔkulje gə njémeeyèrje sə dee na̰’d ləm tɔ. N’a kar dəwje gə́ d’isi dɔ naŋg nee d’udu guduru ya, Njesigənea̰ ɓa pa bèe.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Tel tura Godndu 7:5

Nɛ aa ooje, né gə́ seḭ a raje kaareeje to ɓəd kəm dee’g ɓa nee: Seḭ a tɔsje loo-nékinjanéməsje lə dee tilaje ləm, seḭ a tədje néndajije lə dee ləm, seḭ a tɔje magəje lə dee pɔs-pɔs ləma, seḭ a rooje magəje lə dee gə́ deḛ tɔl dee lé ləm tɔ.