Esai 17:7 - Maktub gə́ To gə Kəmee

⁷ Mee ndəa’g neelé dəw a tel kəmee par gə́ rɔ njekṵdá’g, a turu kəmee gə́ dɔ Njerɔkunda’g lə Israɛlje,

Esai 17:7 ပူးပေါင်းရင်းမြစ်များ

2 Samel 22:42

Deḛ no̰ wəl-wəl nɛ Dəw kára kara gə́ njekaji dee godo! Deḛ no̰ wəl ɓar Njesigənea̰ nɛ Yeḛ kara tel ila dee keneŋ el tɔ.

2 Sôrta Gḭka Israɛlje 31:1

Loo gə́ deḛ ra naḭ lé tɔl bém mba̰ ndá deḛ lai gə́ to Israɛlje gə́ d’aar keneŋ lé d’ɔd d’aw mee ɓee-booje gə́ Juda d’aw təd néndajije, gə tuji magəje, gə tuji dɔ looje gə́ ndəw gə loo-nékinjanéməsje mee ɓee’g lə Judaje gə Bḛjamije lai ləm, gə mee ɓee’g lə Eprayimje gə Manasəje ləm tɔ pugudu-pugudu. Tɔɓəi Israɛlje tel d’aw mee ɓee-booje’g lə dee, ar nana kara tel aw mee kəi’g ləa-ləa.

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Esai 19:22

Togə́bè ɓa Njesigənea̰ a kunda Ejiptəje ya, yeḛ a kunda dee ya nɛ a tel kaji dee ɓəi, ndá deḛ d’a tel ree rɔ Njesigənea̰’g yeḛ gə́ a koo ndu dee ləm, a kaji dee ləm tɔ.

Esai 22:11

Seḭ uruje bwa kəm-rəw-mán kára Mbuna ndògo-bɔrɔje gə́ joo neelé Gə mba kar mán gə́ to mee bwa gə́ kédé lé Aḭ keneŋ.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.