Esai 17:4 - Maktub gə́ To gə Kəmee

⁴ Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 17:4 ပူးပေါင်းရင်းမြစ်များ

Gḭ-Néje 41:3

Ko̰ maŋgje gə́ raŋg siri gə́ bḭ dee tel wagəsa ləm, d’əŋ kəŋ-kəŋ ləm tɔ lé d’ḭ mán baa’g goo dee’g teḛ raga ndá d’aar dɔ koŋgo baa’g mbɔr dee gə́ kédé’g lé.

2 Mbaije 17:3

Salmanasar, mbai gə́ Asiri ḭ aw rɔ səa ndá tədee rɔ, bèe ɓa Ojee ula dəa nea̰’g ləm, uga lar-gədɓee aree ləm tɔ.

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Esai 10:16

Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 17:3

Kəi-kaar-kɔgərɔ lə ɓee gə́ Eprayim a godo ləm, Ɓeeko̰ gə́ Damas gə ges Aramje d’a godo ləm tɔ. A to asəna kára ba gə rɔnduba lə Israɛlje bèe. Njesigənea̰ gə́ njeboo-néje ɓa pa bèe.

Esai 24:13

Mbata mee ɓee’g gə mbuna ginkoji dəwje gə raŋg’g lé To asəna gə loo gə́ deḛ yə ne kag-koiyo bèe ləm, Asəna gə loo gə́ d’wa ne ɓuru ɗɔréje Gə d’inja ne kandə nduú bèe ləm tɔ.

Esai 24:16

Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Esai 9:8

Koso-dəwje lai d’a gər ləm, Eprayimje gə deḛ gə́ d’isi Samari ləm tɔ Deḛ gə́ pata beelé gə kəsta pana:

Ejekel 34:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a gə gaŋg rəwta mbuna badə gə́ rəa to ndəb-ndəb gə badə gə́ əŋ kəŋ-kəŋ’d.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.