Esai 17:3 - Maktub gə́ To gə Kəmee

³ Kəi-kaar-kɔgərɔ lə ɓee gə́ Eprayim a godo ləm, Ɓeeko̰ gə́ Damas gə ges Aramje d’a godo ləm tɔ. A to asəna kára ba gə rɔnduba lə Israɛlje bèe. Njesigənea̰ gə́ njeboo-néje ɓa pa bèe.

Esai 17:3 ပူးပေါင်းရင်းမြစ်များ

2 Mbaije 16:9

Mbai gə́ Asiri ɔm səa na̰’d dɔ ta’g ləa ndá yeḛ aw rɔ gə ɓee gə́ Damas tədee rɔ, tɔɓəi yeḛ wa koso-dəwje ɓər aw sə dee Kir ləm, yeḛ tɔl Resin ləm tɔ.

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Esai 10:9

See né gə́ teḛ dɔ ɓee-boo gə́ Kalno lé Aw na̰’d kára ba gə né gə́ teḛ dɔ ɓee-boo Gə́ Karkəmis bèe el wa. See né gə́ teḛ dɔ ɓee-boo gə́ Amat lé Aw na̰’d kára ba gə né gə́ teḛ dɔ ɓee-boo Gə́ Arpad bèe el wa. See né gə́ teḛ dɔ ɓee-boo gə́ Damas lé Aw na̰’d kára ba gə né gə́ teḛ dɔ ɓee-boo Gə́ Samari el wa.

Esai 16:14

Nɛ ɓasinè Njesigənea̰ pa taje nee pana: Mee ləbje gə́ munda gə́ to gə́ ləbje lə njekula lar bèe lé ndá rɔnduba lə Moabje gə koso-dəwje lə dee gə́ bula digi-digi lé d’a tel to né gə́ to kḛji. Ges dee gə́ nai lé d’a tel to gə́ né el asəna gə né gə́ godo bèe ya.

Esai 17:4

Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Ojee 1:4

Ndá Njesigənea̰ ulá pana: Maji kari unda ri ŋgon neelé lə Jisreel, Mbata waga ndá məs gə́ Jehu ila mee ɓee gə́ Jisreel lé M’a kar bea̰ ɔs ta gel-bɔje’g lə Jehu. Tɔɓəi m’a kar rudu ɓeeko̰ lə Israɛl un ɗiao tɔ.

Ojee 1:6

Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Ojee 10:14

Koso-dəwje lə sí d’a kaw dɔ na̰’d pum-pum, Tɔɓəi kəi-kaar-kɔgərɔje lə sí lai d’a tuji To gə́ tuji ne Salman-Bet-Arbel ndɔ rɔ’g Loo gə́ deḛ kunda ne ko̰ ŋganje Gə ŋgan deeje vaga-vaga tɔl dee ne bèe.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Ojee 9:11

Rɔnduba lə Eprayimje a kḭ kaw to gə́ yel bèe, Denéje d’a koji ŋganje el ləm, D’a kaw gə kèm gə́ tɔg el ləma, D’a keskèm el ləm tɔ.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.