Esai 17:14 - Maktub gə́ To gə Kəmee

¹⁴ Loo gə́ kàrkemetag ndá aa ooje, ɓəl-boo wa dee, Kédé ɓa gə mba kar loo àr ɓəi lé Deḛ godo ŋga! Yee ɓa to gə́ nékoga-dɔ-ji dee-deḛ Gə́ to njétuji néje lə sí ləm, Gə né ka̰ dee-deḛ Gə́ to njéɓogo síje lé ləm tɔ.

Esai 17:14 ပူးပေါင်းရင်းမြစ်များ

2 Mbaije 19:3

Deḛ d’ulá pana: Ejekias pa togə́bè pana: Mee ndɔ gə́ ɓogənè lé to ndɔ néurti ləm, gə ndɔ kwɔji síjeḛ kəmkàr ləma, gə ndɔ rɔkul gə́ boo ləm tɔ, mbata nai lam ba kar ŋganje teḛ mee ko̰ deeje’g ndá siŋga gə́ ka̰ koji dee ne a godo.

2 Mbaije 19:35

Mee til’g neelé kura lə Njesigənea̰ teḛ loo-si Asirije’g ndá yeḛ kunda dəwje tɔl dee as tɔl-dɔg-loo-tɔl gə dɔ dee rɔ-jinaijoo-gir-dee-mi (185.000). Loo gə́ d’ḭta gə ndɔ ndá aa ooje, nin dəwje ɓa to rib-rib nee.

Maktub gə́ wɔji dɔ Jɔb 20:29

Yee ɓa gə́ né gə́ Ala unda kul wɔji ne dɔ njemeeyèr ləm, Yee ɓa gə́ nédɔji gə́ Ala wɔji ne dəa ləm tɔ.

Pakɔsje 37:36

Nɛ loo gə́ ma m’dəs ndá aa oo yeḛ godo ŋga, Ma m’saŋgee ndá m’iŋgá el tɔ.

Gosota-Kəmkàrje 22:23

Mbata Njesigənea̰ a koso gel dee’g ləm, Yeḛ a kɔr kəmə lə dee-deḛ gə́ njekwa dee néje lə dee taaje lé ləm tɔ.

Esai 10:25

Nɛ kuree a kəw waga ba ɓəi ndá bo̰ néra lé a godo tɔɓəi oŋg ləm a tel koso dɔ dee-deḛ’g gə mba tuji dee ne pugudu-pugudu.

Esai 21:12

Njeŋgəmloo lé tel ilá keneŋ pana: Loo si àr ya Nɛ loo to bidig ɓəi. Ɓó lé seḭ ndigi dəjije ta ndá Gə́ dəjije ya, Waje ndòo rɔ sí ndá gə́ telje reeje.

Esai 29:2

M’a kaḭ dɔ Ariel sub gə rɔ Ndá no̰ ndòo gə tuma̰ ŋgururu-ŋgururu d’a taa loo keneŋ, Bèe ɓa ɓee-boo lé a to kasəna gə́ Ariel mbam-ma ya.

Esai 29:5

Njéba̰je ləi gə́ bula digi-digi lé D’a to kasəna gə nduji naŋg ləm, Njérɔje nee gə́ bula digi-digi lé kara D’a to tana gə tisa kó gə́ lel ula ne bèe ləm tɔ. Ndá léegəneeya! asəna gə né gə́ teḛ wai bèe,

Esai 29:7

Ginkoji dəwje gə raŋg gə́ bula digi-digi lé D’a teḛ kaw rɔ gə Ariel ləm, Deḛ lai d’a rɔ səa-yeḛ gə kəi-kaar-kɔgərɔ ləa ləma, D’a kaḭ dəa sub kwá kègègè ləm tɔ Asəna gə néni gə némḭdi gə́ teḛ loondul’g bèe.

Esai 30:28

Kəmə gə́ yeḛ ila pugudu lé To asəna gə mán baa gə́ ḭ aw saar wa gwɔs dəw mbiriri bèe Mba yə ne ginkoji dəwje gə raŋg gə néje gə́ ka̰ tuji loo ləm, Asəna gə aljem goso Gə́ to biri ŋgaŋ koso-dəwje’g bèe ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 33:18

Meḛ sí a kolé dɔ néɓəl-booje gə́ dəs kédé’g Kar sí ə̰jije ta meḛ sí’g pajena: See njendaŋ maktub gə yeḛ gə́ njeŋgəmlar lé d’əd ra wa. See njetən kəi-kaar-kɔgərɔje gə́ duu dɔ loo lé əd ra tɔ wa.

Esai 34:17

Yeḛ ra nékwɔji-loo kaiyee mbata lə dee Ndá jia-yeḛ nja ɓa a kai dee dɔ naŋg neelé gə kúla, D’a taa gə́ né ka̰ dee-deḛ saar gə no̰ ləm, D’a si keneŋ gə ləb dee ləb dee gə no̰ ləm tɔ.

Esai 41:12

Seḭ a saŋg deeje nɛ A kiŋga deeje el, Deḛ gə́ saŋg sə sí ta lé Deḛ gə́ rɔ sə sí kara D’a tel to né gə́ kari ba Gə́ to gə́ né el tɔ.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 2:3

Israɛlje lé to gə kəmee Mbata lə Njesigənea̰ ləm, Deḛ to kandə néje ləa gə́ doŋgɔr ləm tɔ. Deḛ lai gə́ d’usɔ kandə néje neelé D’ar taree wa dɔ dee ləm, Nékəmndoo oso ne dɔ dee’g ləm tɔ, Njesigənea̰ ɓa pa bèe.

Jeremi 49:10

Mbata m’a kɔr néje lai rɔ ŋgaka Esawu’g, M’a kar loo-kiya-rɔje lə dee to raga ndəgəsə, Ndá d’a kaskəm kiya rɔ dee el, Ŋgan deeje gə ŋgaka deeje Gə njéboataɓeeje lə dee d’a tuji Ndá deḛ kara d’a godo tɔ.

Ejekel 39:10

D’a kodo kirje gə́ mee wala’g el ləm, d’a tuga kirje gə́ mee kag-kɔr’g el ləm tɔ mbata nérɔje ɓa d’a ra ne pər. Deḛ gə́ d’unda dee banrɔ lé deḛ d’a kunda dee-deḛ nja kara banrɔ tɔ, deḛ gə́ d’odo néje lə dee lé deḛ d’a kodo néje lə dee-deḛ tɔ. Mbaidɔmbaije gə́ Njesigənea̰ ɓa pa bèe.

Jakari 2:12

Mbata Njesigənea̰ gə́ njeboo-néje pa togə́bè pana: Goo néje gə́ neelé ɓa rɔnduba a ree ɓəi. Yeḛ ulam rɔ ginkoji dəwje gə́ njékṵda sí banrɔje lé: Mbata nana ɓa gə́ ɔrɔ rɔ sí ndá Ɔrɔ rɔ ŋgonkəm neḛ-neḛ nja.

Njéga̰g-Rəwtaje 5:31

Ǝi Njesigənea̰, ar njéba̰je ləi lai d’udu togə́bè ya. Deḛ gə́ d’undai dan kəm dee’g lé Ar dee to d’asəna gə kàr bèe Loo gə́ yee teḛ ɔs keḭ-keḭ. Yen ŋga ɓee lé to lɔm as ləb rɔ-sɔ ya.