Esai 17:13 - Maktub gə́ To gə Kəmee

¹³ Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Esai 17:13 ပူးပေါင်းရင်းမြစ်များ

Maktub gə́ wɔji dɔ Jɔb 21:18

Ar dee to d’asəna gə mu gə́ lel odo bèe ləma, Ar dee to d’asəna gə tisa gə́ lel mal ɔr aw ne ləm tɔ bèe wa.

Maktub gə́ wɔji dɔ Jɔb 38:11

Gə loo gə́ ma m’ulá m’pana: Yee a ree saar kunda ŋgaŋgee nee ɓó Yee a dəs kaw raŋg el ləma, Lée neelé tuŋga poŋgm-poŋgm lə paŋgəm manee a kaar naŋg nee ləm tɔ lé wa.

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Pakɔsje 35:5

Maji kar dee to d’asəna gə tisa gə́ lel sané kad bèe ləm, Maji kar kura lə Njesigənea̰ gə́ dara tuba dee ləm tɔ.

Pakɔsje 65:7

Siŋgamoŋ ləa ɓa ar mbalje lé ndər ne dɔ na̰’g tim-tim ləm, Siŋgamoŋ lé ɓa yeḛ tɔ rḛgee’g ləm tɔ.

Pakɔsje 65:8

Kaa kula lə baa-boo-kad gə́ ɓar ujuju-ujuju ləm, Gə kaa paŋgəm manee gə́ turu tuma̰-tuma̰ ləma, Gə ndu koso-dəwje gə́ ɓar u-u-u ləm tɔ lé Yeḛ ɔg ar loo to ndiŋ.

Pakɔsje 9:5

Mbata i gədm dɔ néram gə́ danasur’g ləm, Gə dɔ ta’g ləm ləm tɔ, I si dɔ kalimbai’g ləi gaŋg ne rəwta gə́ gə dɔ najee.

Esai 14:25

M’a təd Asirije rém-rém mee ɓee’g ləm ləm, M’a tuba dee gə gɔlm dɔ mbalje’g ləm ləm tɔ, Néməməna lə dee a godo gwɔb dee’g ləm, D’a kɔr nékodo lə dee gə́ wɔi lé dɔ tam dee’g ləm tɔ.

Esai 21:15

Mbata deḛ d’aḭ no̰ kiambas’g, No̰ kiambasje gə́ tɔr sɔl dee’g ləm, Gə no̰ ɓandaŋg gə́ d’ɔr kagee léréré ləma, Gə no̰ rɔ gə́ nuŋga kəd-kəd’g ləm tɔ.

Esai 22:18

D’a nduburi naŋg to gə́ d’ula ne gəbərə ndao Kəm dɔ naŋg gə́ tad’g bèe, Lée neelé ɓa i a kwəi keneŋ ləm, Lée neelé ɓa pusu-rɔje ləi gə́ maji dum lé d’a to keneŋ ləm tɔ. Ǝi, i gə́ to nérɔkul lə kəi lə ɓéije lé!

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 29:5

Njéba̰je ləi gə́ bula digi-digi lé D’a to kasəna gə nduji naŋg ləm, Njérɔje nee gə́ bula digi-digi lé kara D’a to tana gə tisa kó gə́ lel ula ne bèe ləm tɔ. Ndá léegəneeya! asəna gə né gə́ teḛ wai bèe,

Esai 30:28

Kəmə gə́ yeḛ ila pugudu lé To asəna gə mán baa gə́ ḭ aw saar wa gwɔs dəw mbiriri bèe Mba yə ne ginkoji dəwje gə raŋg gə néje gə́ ka̰ tuji loo ləm, Asəna gə aljem goso Gə́ to biri ŋgaŋ koso-dəwje’g bèe ləm tɔ.

Esai 34:17

Yeḛ ra nékwɔji-loo kaiyee mbata lə dee Ndá jia-yeḛ nja ɓa a kai dee dɔ naŋg neelé gə kúla, D’a taa gə́ né ka̰ dee-deḛ saar gə no̰ ləm, D’a si keneŋ gə ləb dee ləb dee gə no̰ ləm tɔ.

Esai 40:15

Aa ooje, ginkoji dəwje gə raŋg to d’asəna gə mán gə́ ku-golé’d Gə́ ndəi gɔl kára ba bèe ləm, Deḛ to d’asəna gə nduji naŋg Gə́ to mee nékwɔji-né’g bèe ləm tɔ, Aa ooje, dɔgoré-looje to d’asəna gə babur gə́ ḭ tul bèe!

Esai 40:24

Deḛ lé ma̰a dee el ləm, Gə dubu dee el ləma, Kag rɔ dee kara ŋgirá aw naŋg el ləm tɔ, Yeḛ ila kəmə pugudu dɔ dee’g Ndá deḛ tudu kurum-kurum ləm, Lel-mal ɓir dee Aw sə dee to gə́ ləm mu bèe ləm tɔ.

Esai 41:11

Aa ooje, deḛ lai gə́ d’ḭ sə sí lé Kəm sɔḭ gə rɔkul a dəb dɔ dee’g, Deḛ lai gə́ kɔl sə sí lé D’a tel to né gə́ kari ba ləm, D’a tuji pugudu-pugudu ləm tɔ.

Esai 8:7

Gelee gə́ nee ɓa n’a kar mán baa-boo gə́ siŋgá to yaa̰ lé ḭ oma̰ sə dee, Yee ɓa to mbai gə́ Asiri gə rɔnduba ləa lai Ndá baa lé a kḭ rusu koŋgee tub-tub ləm, A kula ruba raga pɔ-pɔ ləm tɔ.

Loo gə́ killa rea kəm Daniel’g 2:35

Togə́bè ɓa larndul gə a̰ji gə larkas gə larnda gə larlɔr təd na̰’d njigi-njigi tel to tana gə tisa kó gə́ sané kad loo-kunda-kó’g naḭ kàrá bèe ndá lel ula sané dee kad-kad ar dəw oo dee gogo el ŋga. Nɛ kɔr mbal gə́ wa gɔl néndaji lé tel to mbal gə́ boo gə́ un dɔ naŋg lad-lad.

Ojee 13:3

Gelee gə́ nee ɓa d’a to ne kasəna Gə mum gə́ oso teḛ gə́ ndɔ ləm, D’a to ne kasəna Gə mán tàl gə́ wa waga ɓa gəḭ ɓəi ləm, D’a to ne kasəna Gə tisa kó gə́ lel sané kad loo-kunda-kó’g bèe ləma, D’a to ne kasəna Gə sa pər gə́ teḛ kəmbolè’g bèe ləm tɔ.

Soponi 2:2

Kédé ɓa gə mba kar godndu gə́ wɔji dɔ sí aw lée’g béréré ɓəi ləm Kar ndəa neelé dəs to gə́ tisa kó gə́ dəs ɓəi ləm, Kédé ɓa kar oŋg lə Njesigənea̰ gə́ to asəna gə kɔr pər bèe lé ɔm dɔ sí’g ɓəi ləma, Kédé ɓa gə mba kar ndɔ oŋg lə Njesigənea̰ lé teḛ dɔ sí’g ɓəi ləm tɔ.