Esai 17:12 - Maktub gə́ To gə Kəmee

¹² Ǝi! kaa ndu koso-dəwje gə́ ɓar! Kaa ndu dee ɓar asəna Gə kaa baa-boo-kad gə́ ɓar bèe. Kaw dɔ na̰ pum-pum lə ginkoji dəwje gə raŋg lé Ɓar asəna gə manje gə́ d’ula gə siŋga dee bèe tɔ.

Esai 17:12 ပူးပေါင်းရင်းမြစ်များ

Pakɔsje 18:4

Ma m’no̰ wəl m’pana: Maji kar dɔ ri Njesigənea̰ ai səgərə Ndá yeḛ ɔrm ji njéba̰je’g ləm.

Pakɔsje 29:3

Ndu Njesigənea̰ ɓar dɔ manje’g pṵgum-pṵgum ləm, Ala gə́ njedo̰gɔr-ronduba ar ndi ndaŋg paḭ-paḭ ləm tɔ, Njesigənea̰ lé si dɔ baa-booje’g ya.

Pakɔsje 83:2

Ǝi Ala, maji kari si dɔ mundu el! Ǝi Ala, ar tai to gə loo ndèmee el ləm, Wa rɔi el ləm tɔ,

Esai 13:4

Ooje kaa né gə́ ɓar dɔ mbalje’g Asəna gə koso-dəwje gə́ bula digi-digi bèe, Ooje ndu koso-dəwje mee ɓeeko̰je Gə́ d’aw dɔ na̰’d pum-pum To gə́ ginkoji dəwje gə́ mbo̰ dɔ na̰, Njesigənea̰ gə́ njeboo-néje tən njérɔje ləa Gə́ d’a gə kaw loo-rɔ’g lé.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Esai 8:9

Seḭ koso-dəwje, arje lul rɔ lə sí ɓar Ndá d’a təd sí rém-rém, Seḭ gə́ síje əw lé urje mbi sí! Waje dɔ gɔl rɔ sí gə mba rɔ Ndá d’a təd sí rém-rém tɔ.

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Jeremi 6:23

Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Loo gə́ killa rea kəm Daniel’g 7:2

Daniel un ta pa pana: Loo gə́ né ram gə́ mḭdi loondul’g lé m’aa loo gərərə ndá aa oo, lelje gə́ dara sɔ d’ḭ d’ula mbḭ-mbḭ dɔ baa-boo-kad’g.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Bula lə Israɛlje 10:35

Loo gə́ d’ḭ gə sa̰duk-manrɔ mba kaw ne ndá Moyis pana: Ḭta, Njesigənea̰! Maji kar njéba̰je ləi sané na̰ kad-kad ləm, maji kar deḛ gə́ d’wai gə meḛ dee kara d’aḭ nɔḭ’g ləm tɔ.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.

Loo gə́ killa rea kəm Ja̰’g 17:1

Tɔɓəi kura gə́ dara kára mbuna deḛ gə́ siri gə́ d’aar gə bai gə́ siri ji dee’g lé ulam ta pana: Maji kari gə́ ree, m’a kari oo rəwta-gaŋg gə́ d’a gə gaŋg dɔ kaiya-dené’g yeḛ gə́ nérea to ɓəl kədm-kədm gə́ si dɔ mán baa-boo’g lé.

Loo gə́ killa rea kəm Ja̰’g 17:15

Yeḛ ulam pana: Man baa-boo gə́ kaiya-dené si dɔ’g gə́ i oo lé yee nja to koso-dəwje ləm, gə ginka dəwje-dəwje ləma, gə dəwje gə́ tapa dee gə ria-ria ləm tɔ.