Esai 17:10 - Maktub gə́ To gə Kəmee

¹⁰ Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 17:10 ပူးပေါင်းရင်းမြစ်များ

1 Sôrta Gḭka-Israɛlje 16:35

Maji kar sí paje pana: Ǝi Ala gə́ njekaji sí, Maji kari aji sí ya, Maji kari mbo̰ sí na̰’d Ɔr sí mbuna ginkoji dəwje gə raŋg’g Gə mba kar sí j’ilaje riɓar dɔ rii’g Gə́ to gə kəmee doi ləm, Gə mba kar sí j’un rɔnduba lə sí bura M’pidiije ne ləm tɔ.

Pakɔsje 106:13

Nɛ waga ndá d’ar meḛ dee unda pudum dɔ néraje’g lé ləm, Deḛ ŋgina néje gə́ yeḛ wɔji gə mba ra lé el ləm tɔ.

Pakɔsje 106:21

D’ar meḛ dee unda pudum dɔ Ala gə́ njekaji dee’g Yeḛ gə́ ra néje gə́ dumkoo mee ɓee gə́ Ejiptə’g ləm,

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 31:2

Njesigənea̰, m’saŋg njo̰loo-kula-dɔm rɔi’g ya. Maji kari ar rɔkul dəb dɔm’g el ŋga. Maji kari taam ɓó gə ajim Gə goo rəw gaŋgta ləi gə́ to gə dɔ najee.

Pakɔsje 65:5

Dəw gə́ i ɔr kəmee aree rəm pər gə́ rɔi’g Mba si mee gadlooje’g ləi lé Débee neelé rɔlel nai səa ya. Rɔlel lə kəi ləi gə kàr ŋgad-ŋgad lə kəi ləi gə́ to gə kəmee A kas sí nag-nag ya.

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 17:9

Mee ndəa’g neelé ɓee-booje ləa gə́ siŋga dee to kédé lé d’a tel to asəna gə né gə́ tuji mee kag-kɔr’g əsé dɔ sém mbal gə́ d’uba d’ya̰ no̰ Israɛlje’g bèe ndá a tel to gə́ dɔ nduba.

Esai 18:5

Kédé ɓa mba kinja kandə né ɓəi lé, Loo gə́ kwa-rɔm ləa as lé ləm, Loo gə́ pudu tel to ka̰dee gə́ ər kəm ləm tɔ Ndá yeḛ tḭja barkəmeeje gə kia tḭja barkəm nduú ləm, Yeḛ tuga barkəmeeje gə́ majel gə́ to rɔ kag-nduú’g ləm tɔ.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 26:4

Ɔmje meḛ sí jəb-jəb dɔ Njesigənea̰’g saar-saar gə no̰ Oiyo! Ɔmje meḛ sí dɔ Njesigənea̰’g lé, Njesigənea̰ gə́ to kɔr mbal gə ləbee-ləbee gə no̰ lé.

Esai 30:29

Seḭ a kɔsje pa to gə́ d’ɔs ne pa loo-ra-naḭ’g loondul’g bèe ləm, seḭ a raje rɔlel gə meḛ sí to gə́ dəw gə́ njaa gə ndu buula gə́ ɓar ləm tɔ gə mba kaw ne dɔ mbal’g lə Njesigənea̰, yeḛ gə́ to biri mbal lə Israɛlje tɔ.

Esai 33:2

Njesigənea̰, maji kari oo kəmtondoo lə sí ya kari! Jeḛ j’undaje meḛ sí yel gə́ dɔi’g. Maji kari la sə sí teḛ gə ndɔ gə ndɔje kára-kára lai ləm, Gə taa dɔ sí ndɔ néurti’g ləm tɔ.

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Jeremi 12:13

Deḛ dubu kó nɛ kun ɓa d’inja ləm, Deḛ dao ne dao-dao lal kiŋga né keneŋ ləm tɔ. Maji kar sí naije gə rɔkul dɔ né gə́ seḭ injaje’g Gə goo oŋg lə Njesigənea̰ gə́ taa pər lam-lam lé.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Joɛl 1:17

Kandə koje tudu naŋg kurum-kurum ləm, Mee damje to wəl ləm, Kəi-ŋgəm-néje tuji pugudu-pugudu ləma, Ko gə́ lam bèe kara godo ləm tɔ.

Ləbije 26:16

aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Ləbije 26:20

Seḭ a saneje siŋga sí kari ba ləm, dɔ naŋg lə sí a kinja gə né el ləma, kagje gə́ dɔ naŋg ɓee’g lə sí kara d’a kandə el ləm tɔ.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Habakuk 3:18

Lée togə́bè kara ma m’ndigi kal rɔm no̰ Njesigənea̰’g, Ma m’ndigi kal rɔm no̰ Ala gə́ njekajim’g ya.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Tel tura Godndu 28:30

Seḭ a kwaje mɔr gə ŋgoma̰də nɛ dəw gə́ raŋg ɓa a to səa, seḭ a raje kəi nɛ seḭ a síje keneŋ el, seḭ a ma̰aje nduú nɛ seḭ a kalje ne rɔ sí el.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Tel tura Godndu 32:18

Seḭ ubaje kɔr mbal gə́ oji sí lé yá̰je ləm Seḭ arje meḛ sí unda pudum dɔ Ala’d Gə́ to ginkoji sí lé ləm tɔ.

Tel tura Godndu 32:31

Mbata yeḛ gə́ to mbal lə dee lé To asəna gə yeḛ gə́ to mbal lə síjeḛ el, Njéba̰je lə sí ya kara To gə́ njékɔr géeje ya tɔ.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 6:12

Ar məəi dɔ rɔi’g nà loo gə́ i a sɔ karee asi nag ndá məəi a kwəi dɔ Njesigənea̰’d gə́ ari unda loo mee ɓee gə́ Ejiptə’g mee kəi kula ɓər’g teḛ lé.

Tel tura Godndu 8:11

Meḛ sí dɔ rɔ sí’g nà a karje meḛ sí wəi dɔ Njesigənea̰ Ala’g lə sí gə mba lal kaa ne dɔ torndiaje, gə ndukunje ləa, gə godndiaje gə́ ma m’un m’ar sí ɓogənè lé.

Tel tura Godndu 8:14

meḛ sí dɔ rɔ sí’g nà a tije rɔ sí karje meḛ sí wəi dɔ Njesigənea̰ Ala’g lə sí, yeḛ gə́ ar sí undaje loo mee ɓee gə́ Ejiptə, mee kəi kula ɓər’g teḛje lé,

Tel tura Godndu 8:19

Ɓó lé seḭ arje meḛ sí wəi dɔ Njesigənea̰ Ala’g lə sí ar sí awje rɔ magəje gə́ raŋg’d ləm, ɓó lé seḭ raje né ar deeje ləma, gə seḭ undaje barmba dəbje kəm sí naŋg no̰ dee’g ləm tɔ ndá ma m’ula sí təsərə ya ɓogənè, seḭ a tujije pugudu ya.