Esai 17:1 - Maktub gə́ To gə Kəmee

¹ Ndərta gə́ pa wɔji dɔ ɓee gə́ Damas. Aa oo, Damas a to ɓee-boo el ŋga, Yee a tel to loo gə́ tuji bèe.

Esai 17:1 ပူးပေါင်းရင်းမြစ်များ

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

Gḭ-Néje 15:2

Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

1 Mbaije 11:24

Yeḛ mbo̰ dəwje rəa’g tel to ne mbai dɔ njékaw waije loo gə́ Dabid tɔl ne kudu-njérɔje lə ɓéeje lé. Deḛ d’ḭ Damas d’aw d’isi keneŋ ndá d’o̰ ɓee keneŋ.

2 Mbaije 16:9

Mbai gə́ Asiri ɔm səa na̰’d dɔ ta’g ləa ndá yeḛ aw rɔ gə ɓee gə́ Damas tədee rɔ, tɔɓəi yeḛ wa koso-dəwje ɓər aw sə dee Kir ləm, yeḛ tɔl Resin ləm tɔ.

1 Sôrta Gḭka-Israɛlje 18:5

Aramje gə́ wɔji dɔ Damas ree la gə Hadaréjer, mbai gə́ Soba ndá Dabid tɔl Aramje tɔl-dɔg-loo rɔ-joo gir-dee joo (22.000).

2 Sôrta Gḭka Israɛlje 28:23

Yeḛ inja nékinjanéməsje ar magəje lə Damasje gə́ dumee gə rɔ lé ndá yeḛ pana: Mbata magəje lə mbaije gə́ Siri lé ree la sə dee bèe ɓa m’inja ne nékinjanéməsje m’ar dee gə mba kar dee ree la ne səm-ma bèe tɔ. Nɛ deḛ lé tel to gə́ nétuga gɔlee-yeḛ gə Israɛlje lai ar dee d’oso ne.

2 Sôrta Gḭka Israɛlje 28:5

Njesigənea̰, Ala ləa ubá yá̰ ji mbai gə́ Siri ndá Aramje dum dəa d’wa ne koso-dəwje ləa bula gə́ ɓər d’aw sə dee Damas. Yeḛ ubá yá̰ ji mbai’d gə́ Israɛl to aree dum dəa tɔ.

Esai 10:9

See né gə́ teḛ dɔ ɓee-boo gə́ Kalno lé Aw na̰’d kára ba gə né gə́ teḛ dɔ ɓee-boo Gə́ Karkəmis bèe el wa. See né gə́ teḛ dɔ ɓee-boo gə́ Amat lé Aw na̰’d kára ba gə né gə́ teḛ dɔ ɓee-boo Gə́ Arpad bèe el wa. See né gə́ teḛ dɔ ɓee-boo gə́ Damas lé Aw na̰’d kára ba gə né gə́ teḛ dɔ ɓee-boo Gə́ Samari el wa.

Esai 13:1

Ndərta gə́ inja kəm Esai, ŋgolə Amots’g aree oo gə́ wɔji ne dɔ Babilɔnje e.

Esai 15:1

Ndərta gə́ pa wɔji dɔ Moabje. Mee til gə́ kára gə́ ɓee-boo gə́ Ar-Moab tuji pugudu-pugudu lé Yee sané pá ləm, Mee til gə́ kára lé ɓee-boo gə́ Kir-Moab tuji pugudu-pugudu lé Yee sané pá ləm tɔ.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 37:26

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Jeremi 49:2

Gelee gə́ nee ɓa aa oo, Njesigənea̰ pana: Ndɔje gə́ a gə ree lé M’a kar kó-rɔ ɓar Dɔ Rabat’g lə Amo̰je, Yee a tel to kul-néje gə́ tuji ləm, Ɓee-booje gə́ wɔji dəa lé D’a roo dee dula-dula ləm tɔ, Yen ŋga Israɛlje d’a tɔb Deḛ gə́ tɔb dee kédé lé. Njesigənea̰ ɓa pa bèe.

Misee 1:6

M’a kar Samari tel to kɔr mbalje Gə́ d’wa kugu loo-ndɔ’g bèe ləm, M’a karee tel to gə́ loo-ma̰a-nduú ləm tɔ, M’a jura kɔr mbalje ləa kəm wəl-loo’g ləm, M’a kar gelee gə́ tum lé to raga ndəgəsə ləm tɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Jakari 9:1

Ndərta gə́ Njesigənea̰ pa wɔji ne dɔ ɓee gə́ Hadrak ləm, Ta neelé wɔji dɔ ɓee-boo gə́ Damas ləm tɔ. Mbata kəm Njesigənea̰ to dɔ dəwje gə́ raŋg’d To gə́ to dɔ ginkoji Israɛlje’g bèe tɔ ,

Néra Njékaḭkulaje 9:2

Yeḛ aḭ haar aw rɔ ŋgɔ-njekinjanéməs’g dəjee maktub gə mba kaw ne kəi-kiŋga-na̰je’g gə́ to Damas, bèe ɓa ɓó lé yeḛ a kiŋga diŋgamje əsé denéje gə́ d’un rəw goo Mbaidɔmbaije’g ndá yeḛ a twa dee tɔ dee gə kúla kaw sə dee Jerusalem.

Tel tura Godndu 13:16

Yen ŋga seḭ a tɔlje deḛ gə́ d’isi ɓee-boo’g neelé gə kiambas ləm, a tujije ɓee neelé gə néje lai gə́ to keneŋ pugudu ləma, seḭ a tɔlje nékulje lai gə kiambas ya ləm tɔ.