Esai 16:9 - Maktub gə́ To gə Kəmee

⁹ Gelee gə́ nee ɓa ma m’no̰ ne Gə mba ndɔ-nduúje gə́ to Sibma To gə́ m’no̰ ne gə mba njé gə́ Jajer bèe tɔ, Ma m’ndəi mán-no̰ gə́ kəm’g dɔ sí-seḭ ɓeeje gə́ Esbon gə Eləalé Mbata lul njérɔje ɓar dɔ ndɔ kinja kó’g lə sí ləm, Gə dɔ kunda ka̰dee’g ləm tɔ.

Esai 16:9 ပူးပေါင်းရင်းမြစ်များ

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Jeremi 40:10

Aa ooje, ma m’isi Mispa gə mba kaar no̰ Kaldeje gə́ d’a gə ree rɔ sí’g nɛ seḭ ndá mbo̰je mán-nduú gə kandə kagje gə́ naḭ kuli ləm, gə ubuje ləm tɔ ɔmje mee duraje’g lə sí ndá síje mee ɓee-booje gə́ awje keneŋ lé ya.

Jeremi 40:12

Ndá Judaje lai d’ḭ gə looje ɓəd-ɓəd gə́ tuba dee d’ɔm dee keneŋ lé ree, deḛ d’aw mee ɓee gə́ Juda rɔ Gedalia’g mee ɓee gə́ Mispa ndá deḛ mbo̰ mán-nduúje ləm, gə kandə kagje gə́ naḭ kuli ləm tɔ d’aree taa rɔ dee pəl-pəl.

Ejekel 27:31

D’a ndisa dɔ dee ŋgori-ŋgori mbata ləi ləm, D’a kula kubu-kwa-ndòo rɔ dee’g ləma, Meḛ dee gə́ adə dee mbag-mbag lé Deḛ d’a nɔḭ ne gə meeko̰ yoo ləm tɔ.

Ejekel 32:18

I ŋgon-dəw lé, no̰ koso-dəwje gə́ Ejiptə gə́ bula digi-digi lé sii ne mbigi-mbigi, ɔs Ejiptəje gə ŋgalə ginkoji dəwje gə raŋg gə́ dené gə́ to njésiŋgamoŋje ɔm dee gin naŋg’d gə́ bər gə njé gə́ dubu dee bwa-dɔɓar’g na̰’d.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.