Esai 16:8 - Maktub gə́ To gə Kəmee

⁸ Mbata loo-ndɔje gə́ Esbon tudu kurum-kurum, Mbai dɔ ginkoji dəwje gə raŋg tuji kag-nduúje gə́ to Sibma Gə́ d’aw saar teḛ Jajer ləm, Gə d’aw yo gə́ nee mee dɔdilaloo’g ləm tɔ. Barkəmeeje d’alé saar teḛ kel tura-baa-boo-kad’g nu.

Esai 16:8 ပူးပေါင်းရင်းမြစ်များ

2 Samel 1:21

Mbalje gə́ Gilboa lé Maji kar tàl əsé ndi oso keneŋ teŋ el ləm, Maji kar ndɔje gə dɔ koje gə́ doŋgɔr Gə́ to nékarje lé kara godo keneŋ ləm tɔ! Mbata lé neelé ɓa D’ɔm dərje gə́ bao-rɔje keneŋ ləm, Dər lə Sawul ləm tɔ, D’a kwa dee gə ubu gogo el ŋga.

Esai 10:7

Nɛ deḛ d’wɔji meḛ dee’g togə́bè el ləm, Yee gə́ bèe ɓa gə́ takə̰ji lə dee el ləm tɔ, Deḛ d’wɔji meḛ dee’g mba tuji loo ləm, Gə mba kar ginkoji dəwje gə raŋg gə́ bula lé D’udu guduru ləm tɔ.

Esai 15:4

Njé gə́ Esbon gə njé gə́ Eləalé ra né wəl Ar dee d’oo ndu dee saar teḛ Jahas, Bao-rɔje gə́ Moab kara no̰ tuma̰ ŋgururu-ŋgururu Ar ɓəl ɔr siŋga dee ho̰d-ho̰d.

Esai 16:9

Gelee gə́ nee ɓa ma m’no̰ ne Gə mba ndɔ-nduúje gə́ to Sibma To gə́ m’no̰ ne gə mba njé gə́ Jajer bèe tɔ, Ma m’ndəi mán-no̰ gə́ kəm’g dɔ sí-seḭ ɓeeje gə́ Esbon gə Eləalé Mbata lul njérɔje ɓar dɔ ndɔ kinja kó’g lə sí ləm, Gə dɔ kunda ka̰dee’g ləm tɔ.

Esai 24:7

Kəm mán-nduú gə́ sigi to ndòo ləm, Kag-nduú ndòlé ləma, Deḛ lai gə́ meḛ dee lel dee kédé lé kara Tuma̰ ŋgururu-ŋgururu ləm tɔ.

Jeremi 48:32

I rɔ nduú gə́ Sibma, Ma m’no̰ mbata ləi unda no̰ Gə́ ma m’no̰ mbata lə Jajer, Barkəmije d’alé saar teḛ gir baa-boo-kad’g, Deḛ d’alé saar teḛ baa-boo-kad gə́ Jaejer, Njetujiloo ḭ bigim ur dɔ koje’g ləi gə́ i inja ləm, Gə dɔ kul nduúje’g ləi gə́ i tḭja ləm tɔ.

Bula lə Israɛlje 21:32

Moyis ula njétənlooje Jajer mba kar dee d’oo, bèe ɓa deḛ taa ɓee-booje gə́ gugu dəa ləm, deḛ tuba Amɔrje gə́ d’isi keneŋ ləm tɔ.

Bula lə Israɛlje 32:3

Atarot, gə Dibo̰, gə Jajer, gə Nimra, gə Esbon, gə Eləalé gə Sebam, gə Nebo, gə Beo̰ tɔ,

Bula lə Israɛlje 32:35

gə Atrot-Sopan, gə Jajer, gə Jogbea,

Bula lə Israɛlje 32:38

gə Nebo, gə Baal-Meo̰ gə́ deḛ tel ri dee ɓəd ləm, gə Sibma ləm tɔ ndá deḛ tel d’unda ri ɓee-booje gə́ deḛ ra lé ɓəd tɔ.

Jujé 13:19

gə Kirjatayim, gə Sibma, gə Seret-Hasahar gə́ to kaar mbal’g mee wəl-loo’g ləm,

Jujé 13:25

Deḛ d’iŋga dɔ naŋg gə́ Jajer ləm, gə ɓee-booje lai gə́ Galaad ləm, gə ges ɓee lə Amo̰je saar teḛ Aroer gə́ wɔji dɔ Raba njoroŋ ləm,