Esai 16:7 - Maktub gə́ To gə Kəmee

⁷ Gelee gə́ nee ɓa Moabje tuma̰ ne ŋgururu-ŋgururu dɔ rɔ dee’g, Ar dee-deḛ lai ya no̰ ne togə́bè tɔ. Seḭ imje rɔ sí dɔ tuji gə́ oso dɔ Kir-Hareset’g Areeje al dɔ sí sula.

Esai 16:7 ပူးပေါင်းရင်းမြစ်များ

2 Mbaije 3:25

Deḛ tɔ ɓee-booje pɔs-pɔs, nana kara tila kɔri-mbal ləa mee ndɔje gə́ maji’g d’ar dee taa loo keneŋ pəl-pəl ləm, deḛ d’udu kəm-rəw-manje lai jigi-jigi ləma, deḛ tuga kag sɔje lai ləm tɔ. Njérɔ gə yɔroŋ-dooje gugu dɔ ɓee gə́ Kir-Hareset sub tujee pugudu-pugudu d’ar kɔr mbalje ɓa nai.

1 Sôrta Gḭka-Israɛlje 12:40

Deḛ nai gə Dabid lée’g neelé as ndɔ dee munda ndá d’usɔ gə d’ai mbata ŋgako̰ deeje gɔl nésɔje mbata lə dee ya.

1 Sôrta Gḭka-Israɛlje 16:3

Tɔɓəi yeḛ kai deḛ lai gə́ to Israɛlje lé, diŋgamje gə denéje, nana kara yeḛ aree pil muru kára ləm, gə mbə gə́ d’ila gə tumbur ləma, gə kandə nduú gə́ tudu ləm tɔ.

Esai 16:11

Gelee gə́ nee ɓa m’ra né məəm’g ŋgururu-ŋgururu Mbata Moab to gə́ kṵdu-ko̰dè bèe ləm, M’tuma̰ məəm’g ŋgururu-ŋgururu Mbata Kir-Harɛs ləm tɔ.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Jeremi 48:20

Moabje d’isi gə rɔkul, Mbata deḛ tuji ɓee lə dee pugudu-pugudu. Maji kar sí tuma̰je ŋgururu-ŋgururu ləm, Raje né wəl-wəl ləm tɔ. Maji kar sí ilaje mberee Arje deḛ gə́ d’isi ta baa gə́ Arno̰ To gə́ Moab lé tuji pugudu mba̰.

Jeremi 48:31

Gelee gə́ nee ɓa m’no̰ ne no̰-yoo Mbata lə Moab ləm, M’no̰ mbata lə Moabje lai ləm tɔ, Dəwje tuma̰ ŋgururu-ŋgururu Mbata njé gə́ Kir-Herɛs.