Esai 16:2 - Maktub gə́ To gə Kəmee

² To gə́ yelje d’aḭ sanéna̰ pə ləm, Ŋgan yelje ɓəl mee kəi dee’g ləm tɔ lé Denéje gə́ Moab kara D’a to togə́bè loo-gaŋg-baa gə́ Arno̰ tɔ.

Esai 16:2 ပူးပေါင်းရင်းမြစ်များ

2 Mbaije 3:4

Mesa, mbai gə́ Moab lé badə-kosoje ləa bula yaa̰, négədɓee gə́ yeḛ ar mbai gə́ Israɛl gə ləb kára-kára lé to ŋgan badje tɔl-dɔg-loo-tɔl (100.000) gə bàl badje tɔl-dɔg-loo-tɔl (100.000) gə bḭ dee na̰’d tɔ.

Gosota-Kəmkàrje 26:2

To gə́ yel aw yo-yo nee-nee ləm, ləbm-siri nar bag ləm tɔ lé Togə́bè ɓa ndɔl gə́ kila dɔ loo’g lal né gə́ bèe lé a ra né kára el tɔ.

Gosota-Kəmkàrje 27:8

To gə́ yel ya̰ kəiee ndəm aw əw lé Dəw gə́ ya̰ loo-siée ndəm aw əw kara to togə́bè tɔ.

Esai 13:14

Bèe ɓa asəna gə ndooi gə́ tubá ləm, Gə badə-kosoje gə́ njekul dee godo ləm tɔ lé Nana kara a tel gə́ rɔ dəwje’g ləa ləm, Nana kara a kaḭ gə́ ɓee ləa ləm tɔ.

Jeremi 48:20

Moabje d’isi gə rɔkul, Mbata deḛ tuji ɓee lə dee pugudu-pugudu. Maji kar sí tuma̰je ŋgururu-ŋgururu ləm, Raje né wəl-wəl ləm tɔ. Maji kar sí ilaje mberee Arje deḛ gə́ d’isi ta baa gə́ Arno̰ To gə́ Moab lé tuji pugudu mba̰.

Jeremi 48:46

Meeko̰ oso dɔi-i Moab’g! Koso-dəwje lə magə-Kemos tuji! Mbata d’aw gə ŋganije gə́ diŋgam Gə njé gə́ dené ɓee-ɓər’g.

Jeremi 48:9

Arje Moabje d’iŋga bag dee Mba kar dee d’aw ne əw! Ɓee-booje ləa d’a tel to dɔ nduba ləm, Dəw kára kara a si keneŋ el ləm tɔ.

Bula lə Israɛlje 21:29

Meeko̰ a koso dɔi’g, i ɓee gə́ Moab! Seḭ dəwje gə́ Kemos, seḭ saḭje mba̰! Yeḛ ar ŋganeeje gə́ diŋgam tel to njékaḭ no̰ njéba̰je’g lə dee ləm, Ya̰ ŋganeeje gə́ dené ar dee tel to ɓərje Le Siho̰, mbai lə Amɔrje ləm tɔ.

Tel tura Godndu 2:36

Un kudee Aroer dɔ koŋgo baa’d gə́ Arno̰ ləm, gə ɓee-boo gə́ to wəl-loo’g saar teḛ Galaad ləm tɔ lé ɓee-boo gə́ kára gə́ siŋgá ur dɔ sí’g lé godo: Ala lə sí gə́ Njesigənea̰ ya̰ néje lai meḛ ji sí’g.

Tel tura Godndu 3:12

Togə́bè ɓa jeḛ n’taaje ɓeeje neelé gə́ ka̰ síjeḛ. Ma m’ar deḛ gə́ to Rubḛje, gə Gadje dɔ naŋg gə́ ḭ Aroer mbɔr baa gə́ Arno̰ ləm, gə ges mbal gə́ Galaad gə ɓee-booje ləa ləm tɔ.

Tel tura Godndu 3:8

Togə́bè ɓa mee ndəaje gən lé jeḛ dumje dɔ mbaije lə Amɔrje joo, kel tura-baa gə́ Jurdɛ̰ gə́ nu, un kudee baa gə́ Arno̰ saar teḛ ne dɔ mbal gə́ Hermo̰

Jujé 13:16

Deḛ d’iŋga dɔ naŋg lə dee un kudee Aroer gə́ to ta baa’d gə́ Arno̰ ləm, gə ɓee-boo gə́ to mee wəl-loo’g dana bab ləm, gə ndag-looje lai gə́ to mbɔr Médeba’g ləm,

Njéga̰g-Rəwtaje 11:18

Tɔɓəi deḛ d’un rəw gə́ dɔdilaloo’g ga̰ gir ɓee’d gə́ Edɔm gə ɓee gə́ Moab ɓa ree par gə́ bər lə Moab ɓəi, deḛ d’wa loo-si dee kel tura-baa gə́ Arno̰ gə́ nu ɓó d’andə dɔ naŋg ɓee gə́ Moab’g el mbata baa gə́ Arno̰ ɓa to rəw-nim-ɓee gə́ Moab tɔ.