Esai 16:14 - Maktub gə́ To gə Kəmee

¹⁴ Nɛ ɓasinè Njesigənea̰ pa taje nee pana: Mee ləbje gə́ munda gə́ to gə́ ləbje lə njekula lar bèe lé ndá rɔnduba lə Moabje gə koso-dəwje lə dee gə́ bula digi-digi lé d’a tel to né gə́ to kḛji. Ges dee gə́ nai lé d’a tel to gə́ né el asəna gə né gə́ godo bèe ya.

Esai 16:14 ပူးပေါင်းရင်းမြစ်များ

Gḭ-Néje 31:1

Jakob oo ta lə ŋgalə Laba̰ gə́ diŋgam gə́ pa pana: Jakob lé odo néje lai gə́ to ka̰ bɔ síje. Mbɔl dɔ némajije lə bɔ síje ɓa yeḛ iŋga ne nébaoje yaa̰ togə́bè.

Este 5:11

Aman tura goo nébaoje ləa gə́ bə̰dərə bə̰ ləm, gə bula lə ŋganeeje gə́ diŋgam ləma, gə néje lai gə́ mbai ra ula ne dɔmoŋ dəa’g aree to gə́ ŋgaw-ta ŋgan-mbaije gə kuraje lə mbai ləm tɔ ar dee d’oo.

Maktub gə́ wɔji dɔ Jɔb 14:6

Maji kari un kəmi dəa’g aree taa kəmə Mba kar rəa lelee to gə́ njekula lar gə́ iŋga nékoga dɔ ji mee ndɔ’g ləa bèe.

Maktub gə́ wɔji dɔ Jɔb 7:1

See dəw gə́ dɔ naŋg nee lé kəmə ləa asəna gə ka̰ njerɔ bèe el wa. See ndɔje ləa to d’asəna gə ka̰ njera kula lar bèe el wa.

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Esai 16:13

Yee ɓa gə́ ta gə́ Njesigənea̰ pa ləw ba wɔji ne dɔ Moabje.

Esai 17:4

Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 21:16

Mbata Mbaidɔmbaije ulam togə́bè pana: Ləb nai kára ɓəi asəna gə ləb lə njekula lar bèe ndá rɔnduba lə Kedar lai a godo.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Esai 25:10

Mbata ji Njesigənea̰ to dɔ mbal’g neelé, Ndá Moabje lé mbula dee naŋg To gə́ mbula ne mu gə siḭ néje dan mán’g bèe.

Esai 25:11

Dan mán’g neelé deḛ teḛ ji dee keneŋ To gə́ njekalè mán teḛ ne jia Gə mba kalè ne mán bèe, Nɛ Njesigənea̰ tuji beelé lə dee Na̰’d gə goso kula gə́ ji dee ɓa ra lé.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Jeremi 48:42

Moab a tuji pugudu, Yee a to ginkoji dəwje el ŋga, Mbata yeḛ oo rəa gə́ njekur dɔ Njesigənea̰’g.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Tel tura Godndu 15:8

Nɛ seḭ a kya̰je meḛ ji sí tag kaareeje ya ləm, seḭ a kaareeje tona sí né gə́ ban-ban gə́ yeḛ aw ndée ya ləm tɔ.