Esai 16:12 - Maktub gə́ To gə Kəmee

¹² D’oo Moabje gə́ d’aar jɔg rɔ dee dɔ looje gə́ ndəw’g, Deḛ d’andə loo’g lə deḛ gə́ to gə kəmee Gə mba ra tamaji nɛ Deḛ d’askəm kiŋga né kára kara keneŋ el.

Esai 16:12 ပူးပေါင်းရင်းမြစ်များ

1 Mbaije 11:7

Yen ŋga Salomo̰ ra loo gə́ ndəw dɔ mbal gə́ to no̰ Jerusalem’g mbata lə magə-Kemos gə́ ar Moabje mina̰ lé ləm, yeḛ ra togə́bè mbata lə magə-Molok gə́ ar Amo̰je mina̰ lé ləm tɔ.

1 Mbaije 18:29

Loo gə́ kàr gə́ aar daŋdɔ lé dəs mba̰ ndá deḛ tegginta lé saar d’ar kàr kun nékar gə́ kàrkemetag teḛ tɔ. Nɛ ndia ɓar el ləm, yee ila dee’g el ləma, əsé né gə́ tɔji dee kar meḛ dee to yel kara d’oo el ləm tɔ.

2 Mbaije 19:12

See Gosan, gə Saran, gə Resep, gə ŋgalə Edḛ gə́ d’isi Telasar gə́ bɔmje-je tuji dee lé magəje lə ginkoji dəwje neelé taa dɔ dee wa.

2 Mbaije 3:27

Yen ŋga yeḛ wa ŋgondəree gə́ a gə taa toree loo ko̰ɓee’g ya ḭjá gə́ nékinjaməs ka̰ roo dɔ ndògo-bɔrɔ’g. Meḛ Israɛlje ḭ sə dee pu ar dee d’ɔr rɔ dee rɔ mbai gə́ Moab’g lé tel d’aw ɓee lə dee tɔ.

Gosota-Kəmkàrje 1:28

D’a ɓarm nɛ m’a kila dee keneŋ el ləm, D’a saŋgəm pir-pir nɛ d’a kiŋgam el ləm tɔ.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 16:13

Yee ɓa gə́ ta gə́ Njesigənea̰ pa ləw ba wɔji ne dɔ Moabje.

Esai 26:16

Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Esai 37:38

Nɛ ndɔ kára bèe loo gə́ yeḛ unda barmba mee kəi’g lə Nisrok gə́ to magə ləa ndá Adramelek gə Sareser gə́ to ŋganeeje lé tɔlee gə kiambas ndá d’aḭ d’aw d’isi ɓee gə́ Ararat. Nɛ ŋgonee Esar-Hado̰ ɓa o̰ ɓee toree’g tɔ.

Esai 47:13

Seḭ gəŋgje ta njégosoje’g, Daoje ne dao-dao, Maji kar dee d’ḭtar ɓó gə́ d’aji sí, Deḛ gə́ gər néje gə́ dara ləm, Deḛ gə́ njétən-kéréméje ləma, Deḛ gə́ njépa ta néje gə́ d’a gə ree ləm tɔ!

Jeremi 10:5

Dee magəje neelé to d’asəna Gə jigi-kag gə́ aar ndiu lal pata, Dəwje d’odo dee Mbata deḛ d’askəm njaa el. Maji kar sí ɓəl deeje el Mbata deḛ d’askəm ra né gə́ majel Kára kara el ləm, Deḛ d’askəm ra né gə́ maji Kára kara el ləm tɔ.

Jeremi 48:13

Rɔ Moabje a kul dɔ magə’d lə dee gə́ ria lə Kemos, to gə́ rɔ gel-bɔje lə Israɛl kul ne dɔ Betel gə́ to nékunda-mee-yel dɔ’g lə dee bèe.

Jeremi 48:35

Njesigənea̰ a pana: Dəw gə́ Moab gə́ njekuba dɔdərlooje kaw tar kaw tuu né gə́ ə̰də sululu keneŋ kar magə ləa lé m’a karee godo ŋga.

Jeremi 48:46

Meeko̰ oso dɔi-i Moab’g! Koso-dəwje lə magə-Kemos tuji! Mbata d’aw gə ŋganije gə́ diŋgam Gə njé gə́ dené ɓee-ɓər’g.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Bula lə Israɛlje 21:28

Mbata pər ḭ Esbon ləm, Ndo̰ pər ḭ ɓee-boo’g lə Siho̰ ləm tɔ, Yeḛ roo Ar-Moab ləm, Gə mbaije gə́ d’isi dɔdərlooje gə́ Arno̰ ləm tɔ.

Bula lə Israɛlje 22:39

Balaam ḭ aw gə Balak na̰’d ndá deḛ teḛ Kirjat-Husɔt.

Bula lə Israɛlje 22:41

Bèlè gə ndɔ, Balak ɔr Balaam aw uba səa dɔ loo gə́ ɓaree Bamot-Baal ar Balaam oo dəb Israɛlje gə́ kudu kára tɔ.

Bula lə Israɛlje 23:14

Yeḛ aw səa mee ndɔ’g lə Sopim gə́ to sém mbal’g lə Pisga, yeḛ gɔl loo-nékinjanéməsje keneŋ as siri ndá yeḛ inja bɔ maŋg kára gə bàl badə kára gə́ məs loo-nékinjanéməsje’g kára-kára lai.

Bula lə Israɛlje 23:28

Balak aw gə Balaam dɔ sém mbal gə́ Peɔr, loo gə́ ɓó lé dəw aar keneŋ ndá a kaskəm koo ne dɔdilaloo lé.

Bula lə Israɛlje 24:17

Ma m’ée nɛ to gə́ ɓasinè el ɓəi, Ma m’eaa, nɛ aar mbɔrm’g dəb el tɔ. Kérémé ḭ rɔ Jakob’g ləm, Kag-mbai ḭ rɔ Israɛl’g ləm tɔ. Yeḛ kunda ŋgo no̰ njé gə́ Moab tɔ ləm, Yeḛ kunda dɔ ŋgalə Set lai ləm tɔ.