Esai 16:10 - Maktub gə́ To gə Kəmee

¹⁰ Rɔlel gə kalrɔ godo mee ndɔje’g, Mee ndɔ-nduú’g lé pa gə kalrɔ godo keneŋ! Njembula kandə nduú lé mbula loo-mbula’g el ŋga, Ma m’ar ndu rɔlel godo.

Esai 16:10 ပူးပေါင်းရင်းမြစ်များ

Maktub gə́ wɔji dɔ Jɔb 24:11

Dan mee ndogo’g lə njemeeyèr lé deḛ kas ubu keneŋ, Deḛ mbula kandə nduú loo mbulá’g nɛ kṵdaman tɔl dee.

Esai 24:11

Deḛ no̰ gə kii wəl-wəl kila-rəwje’g Mbata mán-nduú lal dee, Nérɔlelje lai godo ləm, Kalrɔ gə ŋgaŋ kogo godo mee ɓee’g ləm tɔ.

Esai 32:10

Mee ləb kára gə ndɔje gə́ na̰je lé Seḭ gə́ síje lɔm lal kḛji ta lé a kundaje bala, Mbata kandə nduú gə́ kəm kinja a godo ləm, Ko gə́ kəm kinja kara a godo ləm tɔ.

Jeremi 48:33

Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Ejekel 7:7

Seḭ dəw-mee-ɓeeje lé kàree lə sí teḛ mba̰, ndəa si aw gə́ nee dəb, to ndɔ mee pélé wəs-wəs ndá ndu rɔlelje godo dɔ mbalje’g ŋga.

Joɛl 1:12

Kag-nduú tudu ləm, Kag-kodé unda kuji ləma, Kag-dḭ gə kag-tumbur gə kag-pɔmə Kag-sɔje lai gə́ to mee ndɔje’g ndòlé ləm tɔ. Rɔlel godo mbuna dəwje’g!

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 5:17

Loo-ndɔ-nduúje lai lé D’a no̰ yoo keneŋ Loo gə́ n’a gə dəs mbuna sí’g ya, Njesigənea̰ ɓa pa bèe.

Amɔs 9:13

Njesigənea̰ pa pana: Aa ooje, mee ndəaje gə́ a gə teḛ lé Njendɔ lé a korè goo njekinjako dəb ləm, Yeḛ gə́ njembula kandə nduú A korè goo njedubu né ləma, Man-nduú gə́ ḭ əməmə lé A kḭ dɔ sém mbalje gə́ tar léŋgé-léŋgé’g Kula dɔdərlooje’g lai ləm tɔ.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.