Esai 16:1 - Maktub gə́ To gə Kəmee

¹ Seḭje gə́ Moab, ulaje gə ŋgan badje Arje mbai gə́ Juda Gə́ si dɔ mbal gə́ Sio̰, Ar deeje d’ḭ sə dee Sela D’aw sə dee gə rəw gə́ dɔdilaloo’g.

Esai 16:1 ပူးပေါင်းရင်းမြစ်များ

2 Samel 8:2

Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

2 Mbaije 14:7

Yeḛ tɔl dəwje gə́ Edɔm as tɔl-dɔg-loo-dɔg (10.000) kəm wəl-loo gə́ ria lə Kad, loo gə́ rɔ ndá yeḛ taa ɓee gə́ Sela tel unda ria lə Jokteel, to ri gə́ ɓaree ne saar teḛ mee ndəa gən tɔ.

2 Mbaije 3:4

Mesa, mbai gə́ Moab lé badə-kosoje ləa bula yaa̰, négədɓee gə́ yeḛ ar mbai gə́ Israɛl gə ləb kára-kára lé to ŋgan badje tɔl-dɔg-loo-tɔl (100.000) gə bàl badje tɔl-dɔg-loo-tɔl (100.000) gə bḭ dee na̰’d tɔ.

Esdras 7:17

Gelee gə́ nee ɓa i a kunda kəmkàr dɔ rɔi’g mba ndogo bɔ maŋgje gə bàl badje gə ŋgan badje gə lar neelé na̰’d gə nékarje gə́ to gə́ nduji gə́ ndá léréré ləm, gə nékarje gə́ ka̰ kai ləm tɔ ndá i a kun dee kar Ala lə sí dɔ loo-nékinjaməs’d gə́ to mee kəi’g ləa gə́ to Jerusalem lé ya.

Esai 10:32

Deḛ d’aar naŋg Nob as ndɔ kára Ndá deḛ sɔb ji dee ndaŋg ne mbal gə́ Sio̰ Gə́ to dɔdərloo gə́ Jerusalem lé.

Esai 42:11

Maji kar deḛ gə́ d’isi dɔdilaloo’g gə ɓee-booje ləa lé D’ɔr ndu gə́ tar ləm, Maji kar njé gə́ Kedar gə́ d’isi ɓee-kogoje’g lé D’ɔr ndu dee gə́ tar ləm tɔ! Maji kar dəwje gə́ d’isi dɔ mbalje’g lé D’al rɔ dee gə boo-rɔkal! Maji kar ndu kii rɔlel ɓar dɔ sém mbalje gə́ tar to!

Ejekel 45:16

To kəm kar koso-dəwje lai gə́ mee ɓee’g d’un nékarje neelé mbata lə mbai gə́ njeɓee gə́ Israɛl.

Misee 4:8

Bèe ɓa i dɔdḭ ŋgəm koso-nékulje ləm, Gə dɔdərloo lə ɓee-boo gə́ Jerusalem ləm tɔ lé Ko̰ɓee ləi gə́ ləw lé a tel gə́ rɔi’g, To ɓeeko̰ lə ɓee-boo gə́ Jerusalem tɔ.