Esai 15:2 - Maktub gə́ To gə Kəmee

² D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 15:2 ပူးပေါင်းရင်းမြစ်များ

2 Samel 10:4

Yen ŋga Hana wa kuraje lə Dabid ar dee ndisa dəb mbaita dee ləm, ar dee tḭja kubuje lə dee dana gaŋg saar teḛ ta kudu dee’g ləm tɔ. Tɔɓəi yeḛ ya̰ dee ar dee d’aw.

1 Sôrta Gḭka-Israɛlje 19:4

Togə́bè ɓa Hana wa njékaḭkulaje lə Dabid lé ar dee ndisa dəb mbai ta dee ləm, ar dee tḭja kubuje lə dee dana gaŋg saar teḛ ta kudu dee’g ləm tɔ ɓa ya̰ dee ar dee d’aw ɓəi.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Esai 15:3

Kila-rəwje ləa lai lé d’ula kubu-kwa-ndòo rɔ dee’g ɓa d’aw ne keneŋ, Nana kara no̰ tuma̰ ŋgururu-ŋgururu Gə mán-no̰ kəmee’g Dɔ kəije’g ləm, gə ndaa-looje’g ləm tɔ.

Esai 16:12

D’oo Moabje gə́ d’aar jɔg rɔ dee dɔ looje gə́ ndəw’g, Deḛ d’andə loo’g lə deḛ gə́ to gə kəmee Gə mba ra tamaji nɛ Deḛ d’askəm kiŋga né kára kara keneŋ el.

Esai 16:7

Gelee gə́ nee ɓa Moabje tuma̰ ne ŋgururu-ŋgururu dɔ rɔ dee’g, Ar dee-deḛ lai ya no̰ ne togə́bè tɔ. Seḭ imje rɔ sí dɔ tuji gə́ oso dɔ Kir-Hareset’g Areeje al dɔ sí sula.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Jeremi 47:2

Njesigənea̰ pa togə́bè pana: Aa ooje, manje d’ḭ dɔgel, Deḛ to d’asəna gə kəm-rəw-mán Gə́ ruba pɔ-pɔ bèe, Deḛ taa mee ɓee gə néje Gə́ keneŋ pəl-pəl ləm, Gə ɓee-booje gə dəwje Gə́ d’isi keneŋ yal-yal ləm tɔ. Dəwje lai gə́ d’isi mee ɓee’g lé No̰ sii ne mbigi-mbigi

Jeremi 47:5

Njé gə́ Gaja ndisa dɔ dee ŋgori-ŋgori ləm, Njé gə́ Askalo̰ lé d’isi ta dee mundu ləma, Gə ges ndag-loo lə dee na̰’d bèe ya ləm tɔ. See saar ndɔ gə́ ra ɓa seḭ a kundaje ŋgaŋ kinja rɔ sí pədərə-pədərə bèe ɓəi wa.

Jeremi 48:1

Ta gə́ wɔji dɔ Moabje. Njesigənea̰ gə́ njeboo-néje gə́ to Ala lə Israɛlje pa togə́bè pana: Meeko̰ oso dɔ njé gə́ Nebo Mbata ɓee-boo lə dee tuji! Njé gə́ Kirjatayim d’isi gə rɔkul Mbata deḛ taa ɓee-boo lə dee ləm, Njé gə́ Misgab kara d’isi gə rɔkul Mbata deḛ tuji ɓee-boo lə dee Pugudu-pugudu ləm tɔ.

Jeremi 48:18

Seḭ njéɓeeje gə́ Dibo̰ Gə́ to asəna gə ŋgoma̰də lé Ḭje loo-si rɔnduba’g lé urje naŋg, Sije dɔ naŋg gə́ tudu kurum-kurum’g, Mbata njetujiloo gə́ ḭ Moab lé aw gə́ dɔ sí’g nee. Yeḛ tuji kəi-kaar-kɔgərɔje lə sí pugudu.

Jeremi 48:31

Gelee gə́ nee ɓa m’no̰ ne no̰-yoo Mbata lə Moab ləm, M’no̰ mbata lə Moabje lai ləm tɔ, Dəwje tuma̰ ŋgururu-ŋgururu Mbata njé gə́ Kir-Herɛs.

Jeremi 48:35

Njesigənea̰ a pana: Dəw gə́ Moab gə́ njekuba dɔdərlooje kaw tar kaw tuu né gə́ ə̰də sululu keneŋ kar magə ləa lé m’a karee godo ŋga.

Jeremi 49:3

Seḭ njéɓeeje gə́ Esbon, Maji kar sí tuma̰je ŋgururu-ŋgururu, Mbata Ai tuji pugudu! Ŋganje gə́ dené gə́ Raba, Maji kar sí raje né wəl-wəl ləm, Tɔje kubu-kwa-ndòo ɓər sí’g ləma, No̰je gə mán-no̰ kəm sí’g Ilaje ne rima-rima kaar ndògo-bɔrɔje’g ləm tɔ Mbata d’aw gə magə-Malkɔm gə́ ɓee-ɓər’g Gə njékinjanéməsje ləa gə mbaije ləa na̰’d.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Ejekel 27:31

D’a ndisa dɔ dee ŋgori-ŋgori mbata ləi ləm, D’a kula kubu-kwa-ndòo rɔ dee’g ləma, Meḛ dee gə́ adə dee mbag-mbag lé Deḛ d’a nɔḭ ne gə meeko̰ yoo ləm tɔ.

Ejekel 30:2

I ŋgon-dəw lé, tegginta pana: Mbaidɔmbaije gə́ Njesigənea̰ pa togə́bè pana: No̰je, siije ne mbigi-mbigi! ndɔ némeeko̰’g!

Ejekel 7:18

D’a kula kubu-kwa-ndòo ləm, Ɓəl-boo a dəb dɔ dee’g ləm, Rɔkul a kwa kəm deḛ lai ləma, Dɔ deeje lai lé d’a ndisa ŋgori-ŋgori ləm tɔ.

Ləbije 13:40

Loo gə́ yiŋga dɔ dəw mbar mbár-mbár ndá yeḛ to njedɔmbar: rəa àr ya.

Ləbije 21:5

Njékinjanéməsje d’a ndisa dəb dɔ dee el ləm, d’a ndisa kil mbai ta dee el ləma, d’a tḭja ndaji rɔ dee’g kwa ne ndòo yoo el ləm tɔ.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Bula lə Israɛlje 21:28

Mbata pər ḭ Esbon ləm, Ndo̰ pər ḭ ɓee-boo’g lə Siho̰ ləm tɔ, Yeḛ roo Ar-Moab ləm, Gə mbaije gə́ d’isi dɔdərlooje gə́ Arno̰ ləm tɔ.

Bula lə Israɛlje 21:30

Jeḛ n’rɔ deeje gə ɓandaŋgje: Néje lai tuji ɓee gə́ Esbon saar teḛ Dibo̰: Jeḛ n’tujije loo saar n’teḛje Nopak ləm, Saar n’teḛje Médeba ləm tɔ.

Bula lə Israɛlje 32:3

Atarot, gə Dibo̰, gə Jajer, gə Nimra, gə Esbon, gə Eləalé gə Sebam, gə Nebo, gə Beo̰ tɔ,

Bula lə Israɛlje 32:38

gə Nebo, gə Baal-Meo̰ gə́ deḛ tel ri dee ɓəd ləm, gə Sibma ləm tɔ ndá deḛ tel d’unda ri ɓee-booje gə́ deḛ ra lé ɓəd tɔ.

Tel tura Godndu 14:1

Seḭ toje ŋgalə Ala lə sí gə́ Njesigənea̰. Seḭ a tḭjaje rɔ sí pədərə-pədərə əsé a ndisaje dɔ sí ŋgori-ŋgori gə mbata lə kəmndooyoo el.

Tel tura Godndu 34:1

Moyis ḭ ndag-looje gə́ Moab tuga dɔ mbal gə́ Nebo aw dɔ sém mbal gə́ Pisga gə́ wɔji dɔ Jeriko njoroŋ. Ndá Njesigənea̰ aree oo ɓeeje lai tɔ, bèe ɓa,