Esai 15:1 - Maktub gə́ To gə Kəmee

¹ Ndərta gə́ pa wɔji dɔ Moabje. Mee til gə́ kára gə́ ɓee-boo gə́ Ar-Moab tuji pugudu-pugudu lé Yee sané pá ləm, Mee til gə́ kára lé ɓee-boo gə́ Kir-Moab tuji pugudu-pugudu lé Yee sané pá ləm tɔ.

Esai 15:1 ပူးပေါင်းရင်းမြစ်များ

2 Mbaije 3:25

Deḛ tɔ ɓee-booje pɔs-pɔs, nana kara tila kɔri-mbal ləa mee ndɔje gə́ maji’g d’ar dee taa loo keneŋ pəl-pəl ləm, deḛ d’udu kəm-rəw-manje lai jigi-jigi ləma, deḛ tuga kag sɔje lai ləm tɔ. Njérɔ gə yɔroŋ-dooje gugu dɔ ɓee gə́ Kir-Hareset sub tujee pugudu-pugudu d’ar kɔr mbalje ɓa nai.

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Esai 13:1

Ndərta gə́ inja kəm Esai, ŋgolə Amots’g aree oo gə́ wɔji ne dɔ Babilɔnje e.

Esai 14:28

Ndərta neelé teḛ mee ləb kwəi’g lə mbai Akaj lé:

Esai 16:11

Gelee gə́ nee ɓa m’ra né məəm’g ŋgururu-ŋgururu Mbata Moab to gə́ kṵdu-ko̰dè bèe ləm, M’tuma̰ məəm’g ŋgururu-ŋgururu Mbata Kir-Harɛs ləm tɔ.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Esai 16:7

Gelee gə́ nee ɓa Moabje tuma̰ ne ŋgururu-ŋgururu dɔ rɔ dee’g, Ar dee-deḛ lai ya no̰ ne togə́bè tɔ. Seḭ imje rɔ sí dɔ tuji gə́ oso dɔ Kir-Hareset’g Areeje al dɔ sí sula.

Esai 25:10

Mbata ji Njesigənea̰ to dɔ mbal’g neelé, Ndá Moabje lé mbula dee naŋg To gə́ mbula ne mu gə siḭ néje dan mán’g bèe.

Esai 25:12

Yeḛ tɔs ndògo-bɔrɔ lə dee gə́ ŋgal lé tila naŋg Aree təd tel to nduji naŋg.

Bula lə Israɛlje 21:28

Mbata pər ḭ Esbon ləm, Ndo̰ pər ḭ ɓee-boo’g lə Siho̰ ləm tɔ, Yeḛ roo Ar-Moab ləm, Gə mbaije gə́ d’isi dɔdərlooje gə́ Arno̰ ləm tɔ.

Tel tura Godndu 2:18

Ɓogənè seḭ a dəsje rəw-nim-ɓee gə́ Moab mba kaw Ar ndá

Tel tura Godndu 2:19

seḭ a kawje pər gə́ rɔ Amo̰je’g. Nɛ maji kar sí saŋgje sə dee ta el ləm, a rɔje sə dee el ləm tɔ, mbata m’a kar sí né gə́ to ka̰ sí mee ɓee’g lə ŋgalə Amo̰ el nɛ ŋgalə Lɔt ɓa ma m’ar dee kédé mba̰ ya.

Tel tura Godndu 2:9

Njesigənea̰ ulam pana: Maji kari saŋg ta gə njé gə́ Moab el ləm, gə́ rɔ sə dee el ləm tɔ, mbata m’a kar sí né kára kara gə́ ɓee lə dee gə́ né ka̰ sí el: ɓee gə́ Ar lé ma m’ar ŋgalə Lɔt ɓa gə́ né lə dee-deḛ ya.